ساۋىتبايعا ماراپاتتى 4 ناۋرىزدا ۆاشينگتوندا اقش مەملەكەتتىك حاتشىسى مايك پومپەو مەن اقش-تىڭ ءبىرىنشى حانىمى مەلانيا ترامپ تابىستادى.

پومپەو ماراپاتتاۋ ءراسىمى كەزىندە: "سايراگۇل ساۋىتبايعا باس يەمىز. ول بۇرىن دارىگەر بولعان. ول شىندىقتى ايتقانى ءۇشىن وتباسىنان اجىراپ، قامالىپ، قىسىم كوردى، ءولىم جازاسىنا كەسىلۋى دە مۇمكىن ەدى. ول – قىتايدىڭ كوممۋنيستىك پارتياسىنىڭ شىڭجاڭداعى مۇسىلماندارعا قارسى قىسىمى جايلى اشىق ايتقانداردىڭ ءبىرى. سايراگۇل ساۋىتباي قورىقپاي شىڭجاڭ لاگەرلەرى تۋرالى اقپاراتتاردى ايتتى جانە قازىر دە لاگەردە قامالىپ شىققاندار مەن ولاردىڭ تۋىستارىنا قاماۋدا كورگەندەرىن اشىق ايتۋعا جىگەرلەندىرىپ ءجۇر" دەدى.

اقش مەملەكەتتىك دەپارتامەنتى بۇل سىيلىقتى بەيبىتشىلىك، ادىلدىك، ادام قۇقىعى، گەندەرلىك تەڭدىك، ايەلدەر قۇقىعى ءۇشىن كۇرەسىپ، ءومىرىن قاۋىپكە تىككەن ايەلدەرگە بەرەدى.

سايراگۇل ساۋىتباي – اقش مەملەكەتتىك دەپارتامەنتىنىڭ بۇل سىيلىعىن يەلەنگەن ەكىنشى قازاق. 2018 جىلى "حالىقارالىق باتىر ايەلدەر" سىيلىعىنا قازاقستاندىق ادۆوكات ايمان وماروۆا يە بولعان.

بۇل سىيلىقتى قىرعىزستانداعى 2010 جىلى 7 ساۋىردەگى وقيعادان سوڭ بيلىكتى ۋاقىتشا قولىنا العان روزا وتۋنباەۆاعا تابىستالعان. ول بۇل سىيلىقتى 2011 جىلى الدى.

Abai.kz