سەنبى, 4 ءساۋىر 2020
COVID-19 قازاقستاندا. جۇقتىرعاندار — 464. جازىلعاندار — 29. قايتىس بولعاندار — 3
بىلگەنگە مارجان 6130 4 پىكىر 7 ناۋرىز, 2020 ساعات 14:13

ابايدىڭ كوزى تىرىسىندە سالىنعان جالعىز پورترەتى

ابايدىڭ كوزى تىرىسىندە جالعىز پورترەتى سالىنعان ەكەن. ونى 1887 جىلى اۋەسقوي سۋرەتشى پاۆەل لوبانوۆسكي سالىپتى. قازىر بۇل سۋرەت سەمەيدەگى نەۆزوروۆتار اۋلەتى اتىنداعى بەينەلەۋ ونەرى مۋزەيىندە ساقتاۋلى كورىنەدى.

ابايدىڭ كوزى تىرىسىندە سالىنعان جالعىز پورترەتى وسى سۋرەت ەكەن دەگەن اقپاراتتى الەۋمەتتىك جەلىدە اقىن بايبوتا قوشىم-نوعاي ءبولىسىپتى.

ەستەرىڭىزدە بولسا، وسىعان دەيىن ابايدىڭ كوزى تىرىسىندە تۇسىرىلگەن ەكى فوتوسۋرەت تە باق-تا جاريا بولعان.

ونىڭ ءبىرى 1896 جىلى سەمەيدە تۇسىرىلگەن سۋرەت. فوتوگراف - ن.گ. كۋزنەتسوۆ. وندا ابايدىڭ ءدىلدادان تۋعان تۇڭعىش بالاسى اقىلباي، ابايدىڭ ءوزى جانە ايگەرىمنەن تۋعان ۇلى تۇراعۇل بار.

اباي مۋزەيىنە 1941 جىلى 6 اقپاندا وتكىزىلگەن. فوتونى تاۋىپ، ساقتاپ ابايدىڭ جاڭادان قۇرىلعان سەمەيدەگى مۋزەيىنە وتكىزۋشى - مۇحتار اۋەزوۆ.

ەكىنشى سۋرەت ابايدىڭ وتباسىمەن 1903 جىلى تۇسكەن سۋرەتى. مۇندا اباي ءوزىنىڭ جيدەبايداعى ءۇي ىشىمەن تۇسكەن. ءبىرىنشى قاتاردا پاكيزات - بورىك كيىپ وتىرعان قىز بالا مەن اۋباكىر. بۇل ەكەۋى - اقىلبايدىڭ بالالارى. ورتادا وتىرعان - اباي. ەكىنشى قاتاردا - ماعاۋيا، ەركەجان جانە اۋباكىردىڭ ايەلى كاماليا. الدىڭعى قاتاردا وتىرعان - تۋراعۇل.

فوتوسۋرەتتى تۇپنۇسقادان 1959 جىلى قايتا ءتۇسىرىپ، كوشىرمە تۋرىندە اباي مۋزەيىنە بەرگەن - مۇحتار اۋەەوۆ. ءتۇپ نۇسقاسى الماتىداعى مۇحتار اۋەزوۆ مۋزەيىندە ساقتاۋلى.

ايتا كەتەيىك، بيىل اباي قۇنانبايۇلىنىڭ تۋعانىنا 175 جىل تولادى. وتكەندە، 21 قاڭتاردا ابايدىڭ 175 جىلدىق مەرەيتويىنىڭ رەسمي اشىلۋ ءراسىمى ەلورداداعى «استانا وپەرا» تەاترىندا ءوتتى.

«قازاق حالقى – ابايدىڭ حالقى» اتتى مەرەكەلىك كونتسەرتكە قاتىسقان پرەزيدەنت توقاەۆ ەلىمىزدىڭ بارلىق وڭىرىندە جانە شەتەلدەردە وتەتىن مەرەكەلىك شارالاردى رەسمي تۇردە باستاپ بەرگەن بولاتىن. ەندى ءبىر جىل بويى ەلىمىزدىڭ ءار وڭىرىندە ۇلى اقىننىڭ مەرەيتويى اياسىندا 500-گە جۋىق ءىس-شارا وتەدى دەپ جوسپارلانىپ وتىر.

Abai.kz

4 پىكىر