ەۋرازيالىق ەكونوميكالىق وداقتى (ەاەو) رەسەي 2015 جىلى بەلارۋس جانە قازاقستانمەن بىرگە قۇردى. كەيىن ۇيىمعا ارمەنيا مەن قىرعىزستان كىردى. بۇرىنعى سوۆەتتىك تاعى ءبىر رەسپۋبليكا - مولدوۆا - ۇيىمعا باقىلاۋشى بولىپ تىركەلگەن.
بلوك ۇيىم اياسىندا ەركىن ساۋدا جاساپ، كاپيتال الماسۋعا ۇمتىلادى، بىراق ونىڭ بىرقاتار مۇشەسى ساۋدا شەكتەۋلەرىنە سىن ايتىپ ءجۇر.
ەاەو وزبەكستاندى دا ۇيىمعا قوسىپ العىسى كەلەدى. يسلام كاريموۆ بيلىگى كەزىندە تاشكەنت بلوكقا ۇمتىلمادى.
باقىلاۋشىلاردىڭ ايتۋىنشا، پرەزيدەنت شاۆكات ميرزياەۆ بيلىككە كەلگەن سوڭ، وزبەكستان-رەسەي قارىم-قاتىناسى جىلي باستادى. ميرزياەۆ ەلگە شەتەل ينۆەستيتسياسىن تارتقىسى كەلەدى.
34 ميلليون حالقى بار وزبەكستان ۇيىمعا كىرگەن جاعدايدا، ول ەكونوميكالىق وداقتىڭ رەسەيدەن كەيىنگى تۇتىنۋ نارىعى ۇلكەن ەلگە اينالادى.
24 قاڭتاردا ميرزياەۆ پارلامەنتكە جولداۋىندا ۇكىمەت "ەۋرازيالىق ەكونوميكالىق وداقپەن ارىپتەس بولۋ جولدارىن زەرتتەپ جاتقانىن" مالىمدەگەن.
Abai.kz
