قازاقستان قارجىگەرلەر قاۋىمداستىعىنىڭ توراعاسى ەلەنا باحمۋتوۆا قر ۇلتتىق بانكىنىڭ بازالىق ستاۆكاسىنىڭ كوتەرىلۋىنە قاتىستى تۇسىنىك بەردى.

ونىڭ ايتۋىنشا، بازالىق مولشەرلەمەنىڭ 12 پايىزعا كوتەرىلۋى ماكروەكونوميكالىق احۋالدى تۇراقتاندىرۋعا باعىتتالعان.

«دۇرىس ارەكەت. بۇل ءبىزدىڭ ءبىرىنشى داعدارىس ەمەس. مەنىڭ ويىمشا، وسىعان ۇقساس شارالار باسقا ەلدەردە دە جاسالادى. كورشىلەس رەسەيدە دە بولۋى ىقتيمال»، - دەدى ول.

ونىڭ ايتۋىنشا، الەۋمەتتىك ەكونوميكالىق تۇراقتىلىق باستى نازاردا بولۋى ءتيىس. قر ۇكىمەتى قازىر وسى ماسەلەگە باسىمدىق بەرىپ وتىر. ول ءۇشىن ارنايى شتاب قۇرىلدى.

«قازاقستان ەكونوميكاسى اشىق بولعاندىقتان، وعان الەمدەگى احۋال قاتتى ىقپال ەتەدى. قازىر قانداي شارالار قولعا الىناتىنى انىقتالدى. باسىمدىق بەرىلەتىن سالالارعا رەسۋرستاردى جيناۋ كەرەك. كەيبىر ينۆەستيتسيالىق شىعىنداردان باس تارتۋ قاجەت. بۇل ەڭ الدىمەن كۆازيمەملەكەتتىك سەكتورداعى، ودان كەيىن جەكە سەكتورداعى كاسىپورىندارعا ىقپال ەتۋى ءتيىس. ىشكى رەسۋرستاردى ىسكە قوسۋ ابزال بولادى»، - دەدى ول.

ەلەنا باحمۋتوۆا وسى ماقساتتا قر ۇكىمەتى مەن ۇلتتىق بانكى جانە قارجىلىق نارىقتى رەتتەۋ اگەنتتىگى ءۇش جاقتان بىرىگىپ كەشەندى شارالاردى قولعا الۋى كەرەكتىگىن ايتتى.

«كەشە بارلىق جەردە يندەكستەر قۇلادى. سول ءۇشىن كەشەندى شارالار ويلاستىرۋ كەرەك. قر قارجى مينيسترلىگى كەيبىر بيۋدجەتتىك شىعىنداردى ازايتىپ، رەسپۋبليكالىق بيۋدجەت تۋرالى زاڭعا وزگەرىس ەنگىزەتىن بولادى. بۇعان تۋرا 1 اپتا ۋاقىت بار»، - دەدى ە.باحمۋتوۆا.

ققق توراعاسىنىڭ ايتۋىنشا، قارجىلىق سەكتوردا اكتيۆتەردىڭ ساپاسى باعالاندى.

«بۇل جەردە كۇتپەگەن توسىن جاڭالىق بولمايتىنىنا كوز جەتكىزدىك. ەندى بارلىق كۇشتى ەكونوميكالىق سالانى تۇراقتاندىرۋعا سالاتىن بولامىز. ءبىرىنشى كەزەكتە جۇمىس ورىندارىن ساقتاپ قالۋ، يمپورتتىڭ ورنىن الماستىرۋ، مەملەكەتتىك تاپسىرىستاردا قازاقستاندىق وندىرۋشىلەردىڭ بولعانى، حالىقتى وندىرىستىك جۇمىسپەن قامتۋ، ولاردىڭ تابىس تابۋى قامتاماسىز ەتۋ كوزدەلگەن»، - دەدى ققق توراعاسى.

ايتا كەتۋ كەرەك، قر ۇلتتىق بانكى سىرتقى سەكتور تاراپىنان تاۋەكەلدەرگە تەرىس ىقپال ەتۋ اياسىندا باعا تۇراقتىلىعىن قولداۋ قاجەتتىلىگىنە نەگىزدەلگەن بازالىق مولشەرلەمەنىڭ دەڭگەيى بويىنشا كەزەكتەن تىس شەشىم قابىلداعان بولاتىن.

سونداي-اق COVID-19 ۆيرۋسى ىندەتى كەيبىر ەلدەردى رەتسەسسياعا ۇشىراتىپ، جاھاندىق ەكونوميكا ءوسىمىن 2,5% -دان تومەن دەڭگەيگە دەيىن قۇلدىراتۋى مۇمكىن.

ويتكەنى، كوروناۆيرۋستىڭ ورشۋىنەن تىكەلەي شەتەلدىك ينۆەستيتسيا (تشي) اعىنى كولەمى قىسقارادى. بۇۇ-نىڭ ساۋدا جانە دامۋ جونىندەگى كونفەرەنتسياسى (يۋنكتاد) ۇيىمى وسىلاي ءمالىم ەتتى. الدىن الا بولجام بويىنشا، كوروناۆيرۋس سالدارىنان الەمدىك ەكونوميكا شىعىنى 2 ترلن دوللاردى، ال دامۋشى ەلدەردە 220 ملرد دوللاردى قۇراۋى مۇمكىن.

Abai.kz