- ورتا ءبىلىم بەرۋ مەكەمەلەرى 16 ناۋرىز بەن 5 ءساۋىر ارالىعىندا دەمالىسقا شىعادى. 16 ناۋرىزدان باستاپ كاسىپتىك-تەحنيكالىق ءبىلىم بەرۋ مەكەمەلەرى مەن جوعارى وقۋ ورىندارى مۇمكىندىگىنشە قاشىقتىقتان وقۋعا كوشەدى، - دەدى ەرالى توعجانوۆ.

ەگەر دەمالىس اياقتالعانعا دەيىن جاعداي وڭالماسا، وندا قاشىقتىقتان وقىتۋ ادىستەرىنە سۇيەنۋگە تۋرا كەلەدى دەدى توعجانوۆ. ونىڭ ايتۋىنشا، قازاقستاندىق وقۋ ورىندارىنىڭ قاشىقتىقتان وقىتۋ جۇيەسىن پايدالانۋ بويىنشا تاجىريبەسى بار. Canvas, Platonus, google classroom سياقتى ونلاين وقۋ جۇيەلەرىن قولداناتىن كەيبىر وقۋ ورىندارى جارتىلاي ونلاين وقىتۋعا دا كوشكەن.

قازاقستان مەكتەپتەرىندە دەمالىس 21 ناۋرىزدا باستالىپ، 2 ساۋىردە اياقتالۋى ءتيىس بولعان. دەمالىس كەزىندە وقۋشىلاردىڭ ەكسكۋرسياعا شىعۋىنا دا تىيىم سالىنادى.

توعجانوۆتىڭ ايتۋىنشا، بالاباقشالار بۇرىنعىشا جۇمىسىن جالعاستىرا بەرەدى.

قازاقستاندا رەسمي دەرەك بويىنشا، كوروناۆيرۋس تابىلماعان.

Abai.kz