قازاقستاندا كوروناۆيرۋس ينفەكتسياسىن جۇقتىرعانداردىڭ سانى تاعى 14 ادامعا كوبەيدى. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ حابارلادى.

- نۇر-سۇلتاندا تاعى 14 ادامنىڭ كوروناۆيرۋس جۇقتىرعانىن حابارلايمىز. ولاردىڭ بارلىعى كارانتينگە جاتقىزىلدى، دياگنوز راستالدى. ولارمەن بايلانىستا بولعان ادامداردىڭ بارلىعى وقشاۋلانىپ، كارانتينگە جاتقىزىلىپ جاتىر، - دەدى مينيستر.

بۇگىن، 17 ناۋرىزدا الماتىدا تاعى 3 ادامنان كوروناۆيرۋس انىقتالعان ەدى.

وسىلايشا، قازاقستان تەرريتورياسىندا Covid-19 ينفەكتسياسىن جۇقتىرعاندار سانى 27-گە جەتتى.

ءبىرتانوۆتىڭ ايتۋىنشا، پاتسيەنتتەر جانە ولارمەن قارىم-قاتىناستا بولعاندار تۇگەل كارانتينگە جاتقىزىلىپ، وقشاۋلاندى.

Abai.kz