الماتىعا كىرە بەرىستە سوبر جانە ۇلتتىق ۇلان جاۋىنگەرلەرىمەن بىرگە 27 باقىلاۋ-وتكىزۋ پۋنكتتەرى قۇرىلادى. بۇل تۋرالى بۇگىن الماتى اكىمى باقىتجان ساعىنتاەۆ مالىمدەدى. 

ول كوروناۆيرۋستىق پاندەمياعا بايلانىستى الماتىدا 19 ناۋرىز ساعات 00: 00-دەن باستاپ كارانتين ەنگىزىلەتىنىن ايتتى.

«وتكىزۋ پۋنكتتەرىندەگى باقىلاۋعا پاترۋلدىك پوليتسيا پولكىنىڭ، قورعانىس مينيسترلىگى مەن ۇلتتىق گۆارديانىڭ بولىمشەلەرى جۇمىلدىرىلادى. سونىمەن قاتار، قاجەتتى تاۋارلار، ازىق-تۇلىك، ءدارى-دارمەكتەر مەن مەديتسينالىق ونىمدەردى، گيگيەنا قۇرالدارىن اكەلۋ ءۇشىن "جاسىل ءدالىز" جۇزەگە اسىرىلادى»، - دەدى ساعىنتاەۆ.

ونىڭ ايتۋىنشا، 19 ناۋرىزدان باستاپ الماتىدا كارانتين كەزىندە بالاباقشالار جابىلادى. سونىمەن قاتار، ول مەملەكەتتىك مەكەمەلەردىڭ قىزمەتكەرلەرىن، مەنشىك نىساندارىنان تىس كاسىپورىندار، مەكەمەلەر مەن ۇيىمداردىڭ باسشىلارىن قول جەتىمدى جانە قاشىقتىقتان جۇمىس تۇرىنە كوشۋگە شاقىردى.

Abai.kz