بەيسكەنبى كۇنى ۇلتتىق بانك جانە قازاقستان قور بيرجاسى بىرىگىپ مالىمدەمە جاساپ، 19 جانە 20 ناۋرىزدا تەڭگە-دوللار جۇبىن فرانكفۋرت اۋكتسيونى ادىسىمەن ساتۋ تۋرالى شەشىم قابىلداعانىن حابارلادى.

فرانكفۋرت اۋكتسيونى باعانى اۋكتسيوندى كەسۋ ارقىلى انىقتاۋعا مۇمكىندىك بەرەدى، سول ارقىلى مۇمكىندىگىنشە جوعارى كەلىسىم جاسالادى. مالىمدەمە اۆتورلارىنىڭ ايتۋىنشا، بۇل ءادىس قارجى نارىعىنىڭ تۇراقسىزدانۋىنا جول بەرمەيدى.

"Brent ماركالى مۇنايدىڭ ءبىر باررەلىنىڭ قۇنى 25 دوللارعا دەيىن قۇلديلاپ، ءبىر كۇننىڭ ىشىندە - 14 پايىزعا، جىل باسىنان بەرى 60 پايىزدان استامعا ارزاندادى. الەمدىك قارجى جانە ۆاليۋتا نارىعى قۇلدىراپ بارادى. رەسەي ءرۋبلى ءبىر كۇن ىشىندە - 7,3 پايىزعا، جىل باسىنان بەرى 30 پايىزدان استام السىرەدى" دەلىنگەن حابارلامادا.

16 ناۋرىزدا قازاقستان ۇلتتىق بانكىنىڭ «ەركىن باعام اينالىمىنا» كوشۋ تۋرالى مالىمدەمەسىنەن كەيىن ايىرباس پۋنكتتەرىندەگى دوللار باعامى 440 تەڭگەگە دەيىن جەتكەن. وسىدان سوڭ كوپتەگەن ايىرباس پۋنكتتەرى ۆاليۋتا ساتۋدى توقتاتقان ەدى.

Abai.kz