بەيسەنبى, 28 ناۋرىز 2024
46 - ءسوز 5100 3 پىكىر 22 ناۋرىز, 2020 ساعات 13:55

ءبىرىنشى اۋلەت، وليگارحتار جانە نۋمەرولوگيا

بىلتىر ن.نازارباەۆ رەسمي تۇردە پرەزيدەنت تاعىنان كەتكەن كەزدە جاعىمپازدار قاۋىمى ءبىر-بىرىمەن جارىسىپ ەكس-پرەزيدەنتتىڭ شەشىمىن “تاعدىرشەشتى كەزەڭدەگى عالامدىق دەڭگەيدەگى ساياساتكەردىڭ تاريحي شەشىمى” دەپ سيپاتتاعان ەدى. ولاردىڭ ىشىندە “2019 جىلدىڭ 19 ناۋرىزىندا ساعات 19:00-دە شەشىم قابىلداعان كىسىنى قالايشا اۋليە دەمەيسىڭ؟!” دەگەندەر دە بولدى. سول كەزدە مىناۋ ەندى جاعىمپازدىقتىڭ ەمدەلمەيتىن IV ستادياسى شىعار دەگەن وي كەلگەن ەدى.

بۇگىن نازارباەۆتار اۋلەتىنە تيەسىلى فوندتار مەن وليگارحتار كوروناۆيرۋسپەن كۇرەس ءۇشىن بولگەن قاراجات جايلى جاڭالىقتى وقىپ وتىرىپ، اۋلەتتىڭ وكىلدەرى مەن وليگارحتاردىڭ ءبارى نۋمەرولوگياعا سەنەدى-اۋ دەگەن وي كەلدى. اۋلەتباسى ن.نازارباەۆ Nur Otan ارقىلى 150 ملن تگ.، ال “تۇڭعىش پرەزيدەنت قورى” اتىنان 200 ملن تگ. ءبولىپتى. ب.نازارباەۆ اعاسىنىڭ جولىمەن 150 ملن تگ. ءبولىپتى. د.نازارباەۆا “دەگدار” فوندى اتىنان 100 ملن تگ. ءبولىپتى. دينارا كۋليباەۆا 4,5 ملرد تگ. ءبولىپتى.

وليگارحتاردىڭ ىشىندە تيمۋر كۋليباەۆ – 10 ملن دوللار، ايدىن راحيمباەۆ – 2 ملن دوللار، كەنەس راكيشەۆ – 1 ملن دوللار، گاليمجان ەسەنوۆ – 2 ملن دوللار، راشيد سارسەنوۆ – 2 ملن دوللار، الەكساندر كلەبانوۆ – 2 ملن دوللار، الەكساندر بەلوۆيچ – 2 ملن دوللار، ب.ۋتەمۋراتوۆ قورى 200 ملن تگ، ال “ۆەرنىي كاپيتال“ 1 ملن دوللار ءبولىپتى.

قازىر 1 دوللار=450 تگ. دەپ الساق، كەلەسىدەي ساندار شىعادى:

ا)تەڭگەنى دوللارعا اينالدىرعاندا (اۋلەت قۇنى قالماعان تەڭگەنىڭ الدىندا ىڭعايسىزدانىپ ۇلتتىق ۆاليۋتامەن بەرگەن سياقتى)
- 100 000 000 /450= $222.222.222
- 150 000 000 /450= $333.333.333
- 200 000 000/450= $444.444.444
- 4 500 000 000/450= $10.000.000

ب) دوللاردى تەڭگەگە اينالدىرعاندا (وليگارحتار ومىردە تەڭگە ۇستامايتىنىن جاسىرماي، “قولداعى بارى وسى ەندى” دەپ دوللارمەن بەرگەن سياقتى)
- $10 000 000 X 450= 4.500.000.000 تگ.
- $2 000 000 X 450= 900.000.000 تگ.
- $1 000 000 X 450= 450.000.000 تگ.

مىنا ساندارعا قاراپ، مىنا اۋلەت پەن نۇر جاۋعان وليگارحتار شىنىمەن اۋليە نەمەسە نۋمەرولوگيانىڭ كۇشىنە قاتتى سەنەدى دەگەن وي كەلەدى ەكەن (كەيبىر كىسىلەر ءۇشىن ارنايى ەسكەرتۋ: بۇل جاعىمپازدانۋ ەمەس، قالجىڭ سىماق).

ارامىزدا نۋمەرولوگتار بولسا، مىنا سانداردى قالاي ءتۇسىندىرىپ بەرەر ەكەن؟

شالقار نۇرسەيىتتىڭ الەۋمەتتىك جەلىدەگى جازباسى

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3515