دۇيسەنبى, 30 ناۋرىز 2020
46 - ءسوز 1071 2 پىكىر 23 ناۋرىز, 2020 ساعات 13:04

ۇيدەن شىقپاۋ - ساقتانۋدىڭ جالعىز جولى!

قوناق شاقىرىپ، قوناققا بارىپ، "قۇداي ساقتاسىن!"- دەپ قويىپ، جايباراقات نەمەسە ءتىپتى سوراقىسى، ەرەگىسىپ جۇرگەندەر!

سوندا بۇكىل الەمنىڭ ەلدەرى جىندى بوپ كەتتى ما؟ كارانتين جاريالاپ، ادەيىلەپ جۇمىستى توقتاتىپ، ەكونوميكانى ادەيىلەپ قۇلدىراتىپ جاتىر ما؟
اينالايىندار-اۋ! كارانتيننىڭ ەرتەرەك اياقتالعانى كىمگە ءتيىمدى ەمەس؟!
قانشاما اقشاسىن كۇندەلىكتى تاۋىپ جۇرگەندەر اقشاسىز قالدى، قارىزدارى مەن كرەديتتەرى ءۇستى-ۇستىنە جامالىپ جاتىر. بىراق امال جوق! ۇيدە وتىرۋدان باسقا امال جوق! جانە، ۇيدەن شىقپاۋ، ۇيدە وتىرۋ- ءوزىڭىزدى دە، اينالاڭىزداعى ادامداردى دا اۋرۋدان ساقتاپ قالۋدىڭ جالعىز جولى!

ايتالىق، ءسىز نان الىپ كەلۋگە دۇكەنگە شىقتىڭىز دەلىك. بەتىڭىزدە ماسكا دا بار، مۇرىن قۋىسىنا وكسولين ءمازىن دە جاعىپ شىقتىڭىز، بىراق قولىڭىزعا رەزەڭكە قولعاپ قيگەن جوقسىز. شىقتىڭىز دا، جولدا كەلە جاتىپ، شارباقتى نەمەسە پەريلانى ءبىر قولىڭىزبەن ۇستادىڭىز. سول پەريلانىڭ جانىندا ناۋقاس ادامنىڭ تۇشكىرمەگەنىنە نەمەسە سول شارباقتى قولىمەن ۇستاماعانىنا كەپىل بولا المايسىز عوي؟! نەمەسە،ءجۇرىپ كەلە جاتىپ، جولدا ۆيرۋستىڭ جاتپاعانىنا كوزىڭىز جەتە مە؟

مەيلى، قوعامدىق كولىكپەن جۇرمەي-اق قويىڭىز، تاكسي شاقىرتتىڭىز دەلىك.ال تاكسيدە ءسىزدىڭ الدىڭىزدا كىم وتىرعانىن قايدان بىلەسىز؟!
سالعىرت قاراماڭىز! بۇل جاۋاپسىزدىقتى بىلدىرەدى. ءتىپتى، بۇل قىلمىس!
ۆيرۋس ءۇش تاۋلىككە دەيىن ولمەيدى ەكەن جانە اۋرۋ تاسۋشىدا سيمپتومدار بىردەن بىلىنبەيدى، ياعني جۇقتىرۋشى ءوزىن اۋرۋمىن دەپ ەسەپتەمەيدى، جان جاعىنداعىلار قاۋىپتەنبەيدى.

ءسىز ءوزىڭىز ءۇشىن ەمەس، كورشىڭىز، اينالاڭىزداعى ادامدار ءۇشىن، ءتىپتى ەل ءۇشىن جاۋاپتىسىز!!!

ايگۇل باجانوۆانىڭ الەۋمەتتىك جەلىدەگى جازباسى

Abai.kz

2 پىكىر