دەگەنمەن قازاقستاننىڭ قورعانىس مينيسترلىگى كوكتەمگى اسكەرگە شاقىرۋ ناۋقانى ءجۇرىپ جاتقانى تۋرالى مالىمەتتى سايتىندا جاريالادى. وندا كوكتەمگى ناۋقان ماۋسىم ايىنا دەيىن جالعاساتىنى ايتىلعان.
قازاقستاندا جاستاردى اسكەر قاتارىنا قابىلداۋ 6 ناۋرىزدا باستالعان. قورعانىس مينيسترلىگى وسى ۋاقىتقا دەيىن اسكەرگە قانشا ادام قابىلدانعانىن حابارلامادى. كۇزگى ناۋقان قىركۇيەكتە باستالىپ، جەلتوقساندا اياقتالادى.
24 ناۋرىزداعى دەرەك بويىنشا، قازاقستاندا كوروناۆيرۋس جۇققاندار سانى 72 ادامعا جەتتى. كارانتينگە وتكەن نۇر-سۇلتان مەن الماتىدان بولەك، قاراعاندى قالاسى جانە الماتى وبلىسى قاراساي اۋدانىندا، اقتوبە وبلىسىندا جانە شىمكەنت قالاسىندا، جامبىل جانە سولتۇستىك قازاقستان وبلىستارىندا كوروناۆيرۋس تابىلدى.
قازاقستان 16 ناۋرىزدان باستاپ ۆيرۋسقا بايلانىستى توتەنشە جاعداي رەجيمىنە كوشكەن.
Abai.kz
