جۇما, 29 ناۋرىز 2024
2549 1 پىكىر 26 ناۋرىز, 2020 ساعات 12:29

وزبەك عالىمدارى كوروناۆيرۋستى انىقتايتىن ءادىس ويلاپ تاپتى

وزبەكستاندا عالىمدار COVID-19 كوروناۆيرۋسىن انىقتايتىن ءادىس ويلاپ تاپتى. ءتول تەست ءادىسىن دايىنداۋعا ءبىر اي كەتتى. بۇل تۋرالى رەسپۋبليكانىڭ دەنساۋلىق ساقتاۋ مينيسترلىگى حابارلادى.

جۇقپالى ۆيرۋستىڭ بار-جوعىن انىقتاۋعا شامامەن 5-6 ساعات كەتەدى. بۇل - ەكسپرەسس-تەست ەمەس، تولىق مالىمەت بەرەتىن سىناقتى ارنايى زەرتحانادا عانا جۇرگىزۋ كەرەك.

وزبەكستاندا 60 ادام كوروناۆيرۋس جۇقتىرعان.

سانيتارلىق ەپيدەميولوگيالىق باقىلاۋ مەملەكەتتىك ينسپەكتسياسىنىڭ باسشىسى نۇرمات وتابەكوۆ "كوروناۆيرۋس جۇقتىرعان 15 ادام پنەۆمونياعا شالدىققانىن، تورتەۋىنىڭ جاعدايى اۋىر" ەكەنىن حابارلادى.

رەسپۋبليكادا شەتەلگە شىقپاعان، باسقا ەلدەن كەلگەندەرمەن ارالاسپاعان ءبىر تۇرعىننان كوروناۆيرۋس انىقتالدى.

"20 جاستاعى قىز تاشكەنتتە تۇرادى. ونىڭ ءوزى دە، اناسى دا شەتەلگە شىقپاعان. بىراق ول جۇقپالى كەسەلدى قوعامدىق كولىكتە نەمەسە جۇمىس كەزىندە كوپشىلىك بىرگە قولداناتىن زاتتان جۇقتىرىپ العان. ناۋقاستىڭ وتباسى مۇشەلەرى ۆيرۋس جۇقتىرماعان", - باس سانيتار دارىگەر باحروم الماتوۆ.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553