جۇما, 29 ناۋرىز 2024
46 - ءسوز 11394 6 پىكىر 30 ناۋرىز, 2020 ساعات 11:45

سالەم سالۋ - كەلىننىڭ شۇكىرشىلىگى

سالەم سالۋ دۇرىس پا دەپ سۇرايدى كەيبىر ىنىلەرىمىز. ءيا، راسىمەن دە بىرەۋلەر "بۇل اللاعا سەرىك قوسۋ، بۇل شىرك" دەپ بايبالام سالىپ جاتادى. بۇل شىنىمەن سولاي ما؟ مەنىڭ جەكە پىكىرىم مىنانداي: ءبىز اراب ەمەسپىز، ءبىز قازاقپىز! ۇلكەندەرگە سالەم سالۋدىڭ شاريعاتقا ەش قايشىلىعى جوق! كەلىن تۇسكەن جەرىندە كۇيەۋىنىڭ اتا-اناسىنا، جالپى ۇلكەندەرىنە ءيىلىپ سالەم سالسا ەشكىمنىڭ يمانى بۇزىلمايدى. جۇرەگىندە اللاسى تۇرعان سوڭ اللانىڭ قاھارىن تۋعىزبايدى. بۇل قايتا ءوزارا سىيلاستىقتى، قۇرمەتتى ارتتىرادى. بۇل ونەگە، بۇل تاربيە! كەلىن ءوزى سالەم سالىپ تۇرعان ەنەسىنىڭ بەتىنەن المايدى. اتا-ەنەسىنە قارسى شىقپايدى. سالەم سالۋ - كەلىننىڭ اللا الدىنداعى شۇكىرشىلىگى، امانداسۋى! امانداسۋ - يسلام ادەبىنىڭ باستى شارتتارىنىڭ ءبىرى.

قۇران كارىمدە: «ەي ادامدار، راسىندا ءبىز سەندەردى ەر كىسى مەن ايەلدەن جاراتتىق. سونداي‑اق، بىر‑بىرلەرىڭمەن تانىسۋلارىڭ ءۇشىن سەندەردى حالىقتار جانە تايپالار ەتىپ تاراتتىق. شىن مانىندە اللانىڭ قۇزىرىندا ەڭ قۇرمەتتىلەرىڭ - كوبىرەك تاقۋالى بولعاندارىڭ» (1, 49:13) ‑ دەيدى ەمەس پە؟!. ارابتاردىڭ ايەلدەرىنە قارا كيىم كيگىزىپ، تۇمشالاپ تاستاۋى شاريعات تالابى ەمەس وزدەرىنىڭ ۇلتتىق ەرەكشەلىكتەرى. اياقتارىنا شاركەي ءىلۋى بىزگە ونەگە ەمەس. ارقانىڭ 30-40 گرادۋس ايازىنا ول جارامايدى. ارابتىڭ اياعىمەن داستارحان باسىپ تۇراتىن ادەت-عۇرپىن (قاجىلىقتا جۇرگەندە ءوز كوزىممەن كوردىم) بىزگە كوشىرۋدىڭ ەش قاجەتى جوق. سوندىقتان ءار ۇلت ءوزىنىڭ ءتىلىن، ادەت-عۇرپىن ساقتاۋى كەرەك.

قازاقتا راس، شامانيزم كەزىنەن قالعان ارۋاققا سىيىنۋدىڭ سارقىنشاعى بار. بىراق يماندىلىقتىڭ ارتۋىمەن ول دا قالىپ كەلەدى. اسىل ءدىنىمىزدىڭ جولىندا اللانىڭ بارلىعىن، بىرلىگىن، حاقتىعىن تانيىق، پايعامبارىمىزعا (س.ع.س) سالاۋاتىمىزدى ايتايىق، بەس پارىزىمىزدى ورىندايىق. ەڭ باستىسى سول! باسقالاي ەش اعىمنىڭ، ەش سەكتانىڭ قاجەتى جوق. سوندىقتان ۋاحابشىلار ايتتى ەكەن دەپ داستۇرىمىزدەن اجىراپ قالمايىق!

مارات ءبايدىلداۇلىنىڭ جازباسى

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616