قازاقستاندا وڭىرلەردى دامىتۋ باعدارلاماسى بولدى، ول بويىنشا جولدار جوندەلدى، كوممۋنيكاتسيالار جۇرگىزدى، الايدا ول باستى پروبلەمانى شەشكەن جوق: ەكونوميكالىق ءوسۋ جانە جۇمىس ورىندارىن قۇرۋ.

"ەلىمىزدىڭ ءار وبلىسىندا ەرەكشەلىك بار. وعان قاراجات سالۋ كەرەك. ءبىر جەردە بۇل ونەركاسىپ، ءبىر جەردە اگرارلىق سالا. ءاربىر ءوڭىردىڭ ەرەكشەلىگىن ەسكەرە وتىرىپ، جۇمىس ورىندارىن قۇرۋعا باعىتتالعان جوسپار قالىپتاستىرۋ قاجەت".

مەنىڭ ويىمشا، ءاربىر ءوڭىردىڭ دامۋ باعىتى، وزىندىك ەرەكشەلىگى بار. مىسالى، تالعار الما باقشالارىنا باي، اعاشتار ەرەكشە، كۇش سالماي وسەدى. كليمات باقتاردى وسىرۋگە قولايلى. بىراق، ەگەر كوڭىل ءبولىپ، كۇش-جىگەردى، قارجىلاندىرۋدى دۇرىس باعىتتاسا، بۇل ءوڭىر ءبىزدى ءوز جەمىستەرىمەن تاڭ قالدىراتىنىنا سەنىمدىمىن. سونىمەن قاتار ءوزىنىڭ باعىتىن باسقا وڭىرلەردە دە تابۋعا بولادى.

ەستەرىڭىزگە سالا كەتەيىك، 2017 جىلدان باستاپ "اتامەكەن" سكرينينگ جۇرگىزە باستادى.

مىسالى، تەك الماتى وبلىسىندا عانا سكرينينگ بارلىق اۋىلدىق وكرۋگتەر بويىنشا كاسىپكەرلىك سۋبەكتىلەرىنىڭ وزەكتى ءتىزىمىن انىقتاۋعا، قاجەتتى ونىمدەرمەن جانە قىزمەتتەرمەن بيزنەستى ىسكە قوسۋ ءۇشىن 500-دەن استام الەۋەتتى جوبالاردى انىقتاۋعا مۇمكىندىك بەردى.

سكرينينگ جۇيەسىنىڭ امبەباپتىعى قالالاردا دا، اۋىلدىق جەرلەردە دە زەرتتەۋلەردى بىردەي ءتيىمدى جۇرگىزۋگە مۇمكىندىك بەرەدى. وبلىس ورتالىقتارى مەن ءىرى قالالاردا سكرينينگتىڭ ماڭىزدى قورىتىندىسى - بيزنەستىڭ الەۋەتتى وبەكتىلەرىن ەنگىزە وتىرىپ، ينتەراكتيۆتى گەوكارتالاردى ازىرلەۋ بولادى.

ازامات شالعىمباەۆتىڭ الەۋمەتتىك جەلىدەگى جازباسى