قازاقستاندىق شەنەۋنىكتەردىڭ بۇرىنعىسىدا، قازىرگىسىدە وزدەرىن مىقتى ساياساتكەرمىز دەپ سانايدى. ولار ساياسات دەگەندى پرەفەرانس ويىنى سياقتى كورەدى. ۇلتقا قيىن كەزدە ۇندەمەي قۇتىلۋ، قولدارىندا بيلىك بار كەزدە قالتانى تولتىرۋ نەمەسە بالا-شاعا قامىن جاساپ قويۋ، بەلسەندىلەر شىرىلداپ جاتقان كەزدە، كىم جەڭەدى سونىمەن بىرگە بولامىن دەپ اقىرىن كۇتەدى. قىسقاسى، پرەفەرانس وينى سياقتى ءجۇرۋ، تۇرۋ ارامزا ادامنىڭ تىرلىگى.

شىن مانىسىندە، ناعىز ساياساتكەر دەگەن ول - دۋلات اعادىل. ءوز مۇددەسىنەن حالىقتىڭ مۇددەسىن جوعارى قويدى.

وزگەلەر شە؟ قايدام؟ ال جەمقورلىققا بەلشەسىنەن باتقاندار حالىقتىڭ جاعدايىن ەش ۋاقىتتا ويلامايدى. ولارعا دۇنيە توڭكەرىلىپ جاتسادا ءبارىبىر.

بۇگىن الەمدە مۇناي باعاسى قۇلادى. 32 دوللارعا دەيىن ءتۇستى. مۇناي باعاسىنىڭ قۇلاۋى قازاقستانعا ۇلكەن اسەر ەتەرى بەلگىلى. مۇناي - 'شايتاننىڭ ازعىرۋى' ەكەنىن تۇسىنبەگەن شەندىلەردى جاۋاپقا تارتۋ كەرەك. ويتكەنى ءبىز وسى مۇنايدىڭ بەتىنە قاراپ وتىرعان ەلمىز. دەمەك وليگارحتارعا تىقىر تايادى دەۋگە بولادى. سەبەبى ولاردىڭ كوبى وسى سالادا جۇرگەندەر.

ەندى ولار قايتپەك؟

ازاماتحان ءامىرتايدىڭ الەۋمەتتىك جەلىدەگى جازباسىنان

Abai.kz