بەيسەنبى, 4 ماۋسىم 2020
COVID-19 قازاقستاندا. جۇقتىرعاندار — 12067. جازىلعاندار — 6574. قايتىس بولعاندار — 48
46 - ءسوز 1324 9 پىكىر 6 ءساۋىر, 2020 ساعات 14:32

كارانتين بىزگە نەگە كەرەك؟

الەم ەلدەرى ىندەتكە ارقالاي جاۋاپ قاتىپ جاتىر. دەسە دە، ولاردىڭ ارەكەتىن ەكى مودەلگە ءبولىپ قاراستىرۋعا بولادى: قاتاڭ ءتارتىپ ورناتقان قىتاي جانە ءجۇردىم-باردىم قاراعان يتاليا.

قازاقستان العاشقى جولدى تاڭدادى. نە ءۇشىن؟ بۇل جولدى تاڭداعان ەلدەر ادام ءومىرى ءۇشىن ەكونوميكانى قۇربان ەتۋگە تۋرا كەلدى. ەلىمىز اقشانى ەمەس، ادام ءومىرىن تاڭدادى.

سول سەبەپتى بىرقاتار قالالار كارانتينگە جابىلدى. باس قالالاردا قاتاڭ كارانتين ەكىنشى اپتاعا جالعاستى جانە كارانتيننىڭ سوڭعى اپتاسى دەپ تە ايتا المايسىڭ.

ەندى نە ىستەيمىز؟

بۇل سىناققا ءۇش تاراپ قاتىسىپ جاتىر: حالىق، بيزنەس جانە وكىمەت.

حالىق كارانتينگە بەرىك بولىپ، بارىنشا ساقتانىپ، ۇيدە وتىرۋعا ءتيىس. ۆيرۋسقا قارسى سوعىستا حالىققا ورىنداۋى ءتيىس جالعىز تالاپ وسى.

بيزنەس بارىنشا جۇمىس ورىندارىن ساقتاپ، كارانتين اياقتالعان سوڭ دامۋ جولدارىن ويلاستىرعانى ءجون. بيزنەس – ەڭ الدىمەن، جۇمىسشىلار! بيزنەس ءجۇرىپ تۇرعاندا قىزمەتكەرلەر قاجەت بولىپ، بيزنەس تۇرالاپ قالعاندا قىزمەتكەرلەردەن قۇتىلۋعا اسىعاتىن كاسىپكەردىڭ كارانتيننەن كەيىنگى كۇنى قاراڭ بولادى. بيزنەستە ۇجىمنىڭ كومپانياعا ادالدىعى ماڭىزدى. قىزمەتكەرلەردىڭ ادالدىعىنا يە بولاتىن كەز ءدال وسى ۋاقىت. قىزمەتكەرلەر – مىندەتتەمە ەمەس، اكتيۆ.

وكىمەتتىڭ مىندەتى – الىق پەن بيزنەستىڭ تامىرىن باسىپ، بارىنشا قولداپ، حالىقتى اشىقتىرىپ الماي، حالىق پەن بيزنەستىڭ «كارانتين قىسىنان» امان-ەسەن شىعۋىنا جاعداي جاساۋ. مەملەكەتتىك بيلىكتىڭ كورىنەتىن دە، حالىق پەن بيزنەستىڭ سەنىمىنە يە بولاتىن تۇسى وسى.

بىرەر ايدان سوڭ بۇل دا ءبالدۋ-ءبالدۋ ءبارى وتىرىك بولادى. سول كۇنگە امان-ەسەن جەتەيىك.

شىڭعىس مۇقاننىڭ الەۋمەتتىك جەلىدەگى جازباسى

Abai.kz

9 پىكىر