قازاقستاندا توتەنشە جاعداي رەجيمى ءساۋىردىڭ سوڭىنا دەيىن ۇزارتىلادى. بۇل تۋرالى قازاقستان پرەزيدەنتى ق.توقاەۆ مالىمدەدى.

بۇگىن توتەنشە جاعداي جونىندەگى مەملەكەتتىك كوميسسيانىڭ وتىرىسى وتكەن. وعان ەل پرەزيدەنتى قاسىم-جومارت توقاەۆ توراعالىق ەتتى.

"15 ساۋىردە مەنىڭ توتەنشە جاعداي جاريالاۋ تۋرالى جارلىعىمنىڭ مەرزىمى بىتەدى. قازىردىڭ وزىندە، تج رەجيمىن كەمىندە ءساۋىردىڭ سوڭىنا دەيىن ۇزارتۋ كەرەكتىگىن كورىپ وتىرمىز.

ءبىز ءالى كوروناۆيرۋس ىندەتىنىڭ جاپپاي تارالۋ شەگىنىنەن وتكەن جوقپىز. ەپيدەميا جاعدايىندا باسەڭسۋگە بولمايدى. سوندىقتان استانا، الماتى مەن شىمكەنت قالالارىندا جانە وبلىستاردا كارانتين رەجيمىن ءساۋىردىڭ سوڭىنا دەيىن ۇزارتۋدى تاپسىرامىن.

بىلەمىن، بۇل شەشىم كوپكە ۇناي قويمايدى. سەبەبى، حالىق سىرتقا شىعىپ، بۇرىنعىداي قالىپتى ءومىر سۇرگىسى كەلەدى. بىراق، كارانتين ەرەجەسىن ساقتاعاننان باسقا امال جوق. بۇل وتاندىق جانە حالىقارالىق ۆيرۋسولوگتاردىڭ كەڭەسى", - دەدى قاسىم-جومارت توقاەۆ.

Abai.kz