ليتۆا استاناسىنداعى ۇلتتىق قاۋىمدار ۇيىندە «الەمنىڭ ەكىنشى ۇستازى» اتانعان ءابۋ ناسىر ءال-فارابي اتىنداعى ورتالىق اشىلدى.

اشىلۋ سالتاناتىنا قازاقستاننىڭ سىرتقى ىستەر مينيسترلىگىنىڭ، ليتۆاداعى قازاقستان ەلشىلىگىنىڭ جانە ليتۆا ۇكىمەت جانىنداعى از ۇلتتار ماسەلەسى جونىندەگى ارنايى دەپارتامەنتتىڭ باسشىلارى، ۇلتتىق قاۋىمدار ءۇيىنىڭ ديرەكتورى مەن «نۇرساۋلە» ليتۆا قازاقتارى قاۋىمداستىعىنىڭ ءتورايىمى مەن ليتۆالىق تۇركىتانۋشىلار قاتىسقان.

سالتاناتتى جيىندى قازاقستاننىڭ ليتۆاداعى توتەنشە جانە وكىلەتتى ەلشىسى مارعۇلان بايمۇحان اشىپ، ءال-ءفارابيدىڭ عىلىمنىڭ كوپتەگەن سالاسىنا قوسقان ۇلەسى جايىندا بايانداپ بەردى.

ايتا كەەتيىك، اتالعان ورتالىق ليتۆانىڭ ۇلتتىق قاۋىمدار ۇيىندە، «نۇرساۋلە» قازاقتار قوعامىندا اشىلىپ وتىر. وندا كەلۋشىلەر شىعىستىڭ ۇلى ويشىلىنىڭ عىلىمي ەڭبەكتەرىمەن عانا ەمەس، قازاق مادەنيەتى، سالت-داستۇرىنمەن دە جاقىنىراق تانىسا الادى. بۇل ورتالىقتىڭ تاعى ءبىر ميسسياسى – ەكى ەل – قازاقستەن مەن ليتۆا اراسىنداعى مادەني بايلانىستى ارتتىرۋ بولىپ تابىلادى.

ايتا كەتەيىك، ءال-ءفارابيدىڭ ەسىمى ورتا عاسىرلارداعى اراب فيلوسوفياسىنىڭ قالىپتاسۋىمەن جانە دامۋىمەن تىكەلەي بايلانىستى. قازاق دالاسىنىڭ ۇلى، اريستوتەلدىڭ ءىزباسارى، «الەمنىڭ ەكىنشى ۇستازى» اتانعان ءال-فارابي ءوز زاماننىڭ دارىندى ويشىلى جانە عۇلاما عالىم.

بيىل ءال-ءفارابيدىڭ 1150 جىلدىعى ەلىشىلىك ءھام حالىقارالىق دەڭگەيدە اتالىپ وتىلمەك. عالىم مەرەيتويىن جوعارعى دەڭگەيتە اتاپ ءوتۋ تۋرالى باستامانى مەملەكەت باسشىسى كوتەرگەن بولاتىن.

ال بىلتىر تامىز ايىندا مەملەكەت باسشىسى ارنايى جارلىق شىعارىپ، ءال-ءفارابيدىڭ 1150 جىلدىعىن تويلاۋدىڭ دايىندىعى باستالىپ كەتكەن بولاتىن. وندا 2020 جىلى ءوتۋى ءتيىس ءىس-شارالارعا قاتىستى ءال-فارابي مەرەيتويىنا دايىندىق پەن وتكىزۋ جونىندەگى مەملەكەتتىك كوميسسيا قۇرۋ جايى ايتىلعان.

سونىمەن قاتار، ۇلى عالىم، ويشىل ءابۋ ناسىر ءال-ءفارابيدىڭ مەرەيتويى يۋنەسكو-نىڭ ۇمىتىلماس كۇندەر مەن وقيعالار كۇنتىزبەسىنە ەنگەن.

Abai.kz