قحر رەسمي سايتتارى قازاقستانعا سەس كورسەتۋدى باستاپ كەتتى. ولار قىتايدىڭ قول استىنا كىرۋدى "قايتا ورالۋ" دەپ اتاپ، ولار ەمەس، ءبىز ءوزىمىز سولارعا مۇقتاج بولىپ وتىرعانداي ەش شىمىرىكپەستەن ايتىپ جاتىر. راسىمەن دە، قىتايدى استىرتىن جاقتاۋشىلار ەل ىشىندە بار ما؟ قازىر، قىتايدىڭ قۇرىعى ۇزاردى. ونىڭ قاندى شەڭگەلى مەن تەمىر قۇرساۋى كەز-كەلگەن جەردەن كىمدى بولسا دا، قۇرىقتاي الاتىن جاعدايعا جەتىپ وتىر دەيتىندەر دە بار.

اقشامەن اۋىزدارىن ۇرىپ، وزدەرىنە قىزمەت ەتكىزىپ قوياتىن جالدامالى قۇلدارى كورشىلەس ەلدەردە مەيلىنشە كوبەيگەن بولسا، بۇل وتە قاۋىپتى. قىتايدىڭ زۇلىمدىعىن اشكەرەلەپ، كوممۋنيستەردىڭ ازاپتى لاگەرلەرىنە قارسى كۇرەسكەن جانداردى تۇقىرتۋدىڭ الۋان ءتۇرلى ايلا-امالدار مەن زۇلىمدىقتاردى ويلاپ تابۋدان قىتايلار ەش تايىنباس. قىتايدىڭ وتارلاۋ ساياساتىنا قارسى بولعان ازاماتتاردىڭ ەش كىناسى بولماعانىمەن قانداي ءبىر جولمەن ءوز ەلىندە ءجۇرىپ تە، قىتايلىق كۇشتەردىڭ ىقپالىمەن ءتۇرلى قىسىمعا ۇشىراماسىنا، جازىقسىز زارداپ شەكپەسىنە كەپىلدىك بار ما؟!