كەشە قاراعاندى تۇبىندە اسكەري كەزەكشىلىككە دايىندىق بويىنشا جوسپارلى ۇشۋ كەزىندە قازاقستان اسكەري اۋە كۇشتەرىنىڭ ميگ-31 ۇشاعى قۇلاپ، اپاتقا ۇشىرادى. رەسمي دەرەكتەردە اۋەگە كوتەرىلگەن كەزدە قوزعالتقىشتاردىڭ بىرىنەن ءورت شىققان دا، ۇشقىشتار سەكىرىپ كەتىپ امان قالعان. دالاعا قۇلاعان ۇشاق جانىپ كەتكەن.

قازاقستاننىڭ اسكەري اۋە كۇشتەرىندە مۇنداي ولىگىن سۇيرەتكەن وتىزداي جويعىش ۇشاق بار. ميگ-31 بۇرىنعى ميگ-25-ءتىڭ ورنىنا 1978-1979 جىلدارى جەتىلدءىرىلىپ جاسالعان ۇشاق بولاتىن. بۇل ابدەن كونەرگەن، ارتتا قالعان ۇشاقتى الەمدە بىردە ءبىر مەملەكەت ساتىپ الماعان. كەرەكسىنبەگەن، مەتاللالوم! قازاقستان تاۋەلسىزدىك العان سوڭ رەسەي سول ۇشاقتارىن بىزدەن تۇگەل جيناپ اكەتپەك بولعاندا ءبىزدىڭ گەنەراليتەت جالىنىپ-جالبارىنىپ قىمبات بولسا دا قالدىرۋدى سۇراعان عوي. ورىس ەلىنە قانشا قاراجات تولەگەنىمىز بەلگىسىز.

مىنە، ءبىزدىڭ اسكەري ۇشقىشتار شىعارىلعانىنا 40 جىل بولعان وسى «ۇشاتىن تابىتتارمەن» قازاقستان اسپانىن قورعاماق بولادى. ەندى «كەزەگىن» كۇتىپ تاعى 29 دانا ميگ-31 تۇر. قانشا ماقتاسا دا رەسەيدىڭ اسكەري تەحنيكاسى تۇككە تۇرمايتىنىن سيرياداعى سوعىس كورسەتىپ بەردى. سوندىقتان جالپى رەسەيدىڭ تەحنولوگيالىق تۇرعىدان ارتتا قالعان اسكەري تەحنيكاسىنا قۇشتار بولۋدى دوعارۋ كەرەك!

مارات ءبايدىلداۇلىنىڭ الەۋمەتتىك جەلىدەگى جازباسى

Abai.kz