بەلگىلى جۋرناليست، قوعام بەلسەندىسى ارمان شوراەۆ قوعامدىق ءتارتىپتى بۇزدى دەپ ۇستالىپ، يزولياتورعا قامالدى. بۇل تۋرالى الماتى قالاسى پوليتسيا دەپارتامەنتى حابارلادى.

«ازامات ا. ت. شوراەۆ بىرنەشە رەت الەۋمەتتىك جەلىلەر ارقىلى جالعان مالىمەتتەردى تاراتقان. ءوز ارەكەتتەرى سالدارىنان ارمان شوراەۆ توتەنشە جاعداي كەزىندە قوعامدىق ءتارتىپتى بۇزدى جانە قوعام مەن مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلۋىنە قاۋىپ ءتوندىردى»، - دەلىنگەن پوليتسيا دەپارتامەنتىنىڭ حابارلاماسىندا.

ارمان شوراەۆ قر پرەزيدەنتى جانىنان قۇرىلعان ۇلتتىق قوعامدىق سەنىم كەڭەسىنىڭ ەكس-مۇشەسى بولعان. ال ناۋرىز ايىنىڭ باسىندا پرەزيدەنت قاسىم-جومارت توقاەۆتىڭ شەشىمىمەن ۇلتتىق كەڭەستە از-كەم اۋىس-ءتۇيىس بولعان. ول كەزدە شوراەۆ، ساين، ءامىرتاي قاتارلى ازاماتتار كەڭەس قۇرامىنان شىعارىلعان.

پوليتسيا دەپارتامەنتىنىڭ مالىمەتىنشە، ارمان شوراەۆ قاراعاندى قالاسىندا، قىلمىستىق ءىس جۇرگىزۋ كودەكسىنىڭ 128-بابىنا سايكەس ۇستالعان.

شوراەۆ بۇعان دەيىن 2006 جىلى «حاباردا» باس ديرەكتورىنىڭ ورىنباسارى، كەيىن قر پرەزيدەنتى اكىمشىلىگىندە لاۋازىمدى قىزمەتتە ىستەدى. «كتك» ارناسىندا باس ديرەكتور بولعان. ول «قازاقستان بارىسى» جوباسىنىڭ نەگىزىن قالاۋشى.

شوراەۆتىڭ ۇستالۋىنان كەيىن الەۋمەتتىك جەلىدە نارازىلىق كوبەيدى. ازاماتتىق قوعام وكىلدەرى ارمان شوراەۆتى بوساتۋىن تالاپ ەتۋدە.

Abai.kz