سارسەنبى, 25 قاراشا 2020
COVID-19 قازاقستاندا. جۇقتىرعاندار — 126860. جازىلعاندار — 113646. قايتىس بولعاندار — 1945
ەكونوميكا 2253 0 پىكىر 21 ءساۋىر, 2020 ساعات 13:33

اگرارلارعا ارنالعان داعدارىسقا قارسى باعدارلاما ىسكە قوسىلدى

 

«قدب-ليزينگ» قازاقستان ۇكىمەتى جۇرگىزىپ وتىرعان داعدارىسقا قارسى ساياساتتىڭ اياسىندا وتاندىق ءوندىرىستىڭ اۋىل شارۋاشىلىعى تەحنيكاسىن ساتىپ الۋ بويىنشا ارنايى ۇسىنىستاردى ىسكە قوساتىندىعى تۋرالى حابارلادى.

اتاپ ايتقاندا، «قدب-ليزينگ» مەملەكەتتىك باعدارلاماسىنىڭ اياسىندا اگرارلىق قىزمەتكەرلەرگە وتاندىق اۋىل شارۋاشىلىعى تەحنيكاسىن (استىق جيناۋ كومبايندارى مەن تراكتورلار) باستاپقى جارناسىز ساتىپ الۋ ءۇشىن ءوز قىزمەتتەرىن ۇسىناتىن بولادى. بۇرىن اۆانستىق تولەم 15% - عا تەڭ بولاتىن.

نومينالدى سىياقى مولشەرلەمەسى 6% - عا دەيىن تومەندەتىلدى.

نەگىزگى قارىزدى تولەۋ بويىنشا 1 جىلدان كەم بولمايتىن جەڭىلدىكتى كەزەڭ ۇسىنىلادى.
تولەمدەردى تولەۋ مەرزىمىن وتكىزىپ العانى ءۇشىن تۇراقسىزدىق ايىبىن (ايىپپۇل، ءوسىمپۇل) ءوندىرىپ الماۋ تۋرالى شەشىم قابىلداندى.
سونداي-اق، ليزينگ الۋشىلاردىڭ وتىنىشتەرى بويىنشا تولەمدەردىڭ مەرزىمىن اۋىستىرۋدى ۇسىنۋ باستالدى، ولار جەكە تارتىپپەن قارالادى.
بارلىق قۇجاتتار ونلاين تۇردە قابىلدانادى.

ەل ۇكىمەتىنىڭ تاپسىرماسى بويىنشا ازىرلەنگەن تەڭدەسسىز شارالار شاعىن جانە ورتا بيزنەس سۋبەكتىلەرىن قولداۋعا، وتاندىق وندىرىستەگى شتاتتىق جۇمىس رەجيمىن ساقتاۋعا باعىتتالعان.
باعدارلاما اگرارلىق قىزمەتكەرلەردىڭ قابىلەتىن 30% - عا ارتتىرۋعا، وزدەرىنىڭ تەحنيكا پاركىن 76 پايىزعا جاڭارتۋعا مۇمكىندىك بەرەدى.

قازاقستاندا بۇل قاجەتتىلىكتى قاناعاتتاندىرۋعا قابىلەتتى بىرنەشە وندىرىستىك الاڭنىڭ جۇمىس ىستەيتىنىن اتاپ وتكەن ءجون. مىسالى، ايتا كەتەرلىگى، قوستانايدا سانكت-پەتەربۋرگ تراكتور زاۋىتىمەن بىرلەسىپ اشىلعان «كيروۆەتس» وندىرەتىن زاۋىت الدىڭعى قاتارلى بولىپ تابىلادى.

0 پىكىر