بۇگىندە ەلىمىزدە جات ءدىني اعىم وكىلدەرىمەن اعارتۋشىلىق باعىتتا جۇمىس ىستەۋگە كوپ كوڭىل بولىنەدى. سونداي-اق، ولاردى قوعامعا قايتا بەيىمدەپ، رۋحاني، پسيحولوگيالىق تۇرعىدا كومەكتەر بەرىلىپ كەلەدى.

ماسەلەن، وتكەن جىلدىڭ مامىر ايىندا ەلىمىزدىڭ ارنايى قىزمەتتەرى قابىلداعان جۇمىستار بارىسىندا سيريادان قازاقستانعا 231 ادام جەتكىزىلگەن. ولاردىڭ 59 ى ايەلدەر، 159 ى بالالار. كوپشىلىگى مەكتەپ جاسىنا دەيىنگى جەتكىنشەكتەر.

پرەزيدەنت قاسىم-جومارت توقاەۆ بۇل شارا تۋرالى ءوز سوزىندە ولارعا الەۋمەتتىك، پسيحولوگيالىق جانە مەديتسينالىق كومەكتەر كورسەتىلگەنىن اتاپ ءوتتى.

“جۋسان 2” وپەراتسياسىمەن ەلگە كەلگەندەرمەن جۇمىس كەشەندى جۇگىزىلىپ كەلەدى. ولاردىڭ ءبىراز بولىگى ەلگە كەلگەن سوڭ بۇرىنعى جات ءدىني اعىمنان باس تارتىپ، جاقىندارىمەن قايتا بايلانىس ورناتقان. كەيبىرى جۇمىسقا تۇرىپ، ولاردىڭ بالالارى بالاباقشاعا، مەكتەپكە ورنالاسقان.

ايتا كەتەيىك، سيرياعا كەتكەندەردىڭ كوپشىلىگى ونداي قادامدارعا تەرروريستەردىڭ جالعان-ۇگىت-ناسيحاتىمەن باراتىندارىن ايتادى.

مەملەكەت باسشىسى ق.توقاەۆ:“ولار تەرىس جولدان قايتىپ، جاڭا ءومىر باستاۋ ءۇشىن ءوز ەركىمەن وتاندارىنا ورالدى. ولار جاساعان قاتەلىك ءۇشىن بالالار قينالىپ، وزگە ەلدە زارداپ شەكپەۋگە ءتيىس” دەگەن بولاتىن.

سونىمەن قاتار، الداعى ۋاقىتتا دا قازاقستان تەرروريزممەن كۇرەستى قارقىندى تۇردە جۇرگىزەتىنىن، ال، قيىن جاعدايدا قالعان ازاماتتارىنا كومەكتەسۋدەن باس تارتپايتىنىن اتاپ ءوتتى.

ال، ۇلتتىق قاۋىپسىزدىك كوميتەتى “وزگە مەملەكەتتىك ورگاندارمەن جانە شەتەل سەرىكتەستەرىمەن بىرىگىپ” سيريادان قازاقستان ازاماتتارىن قايتارۋدى ماقسات ەتكەن “جۋسان” وپەراتسياسىنىڭ ناتيجەسىندە سيريادان ەلىمىزگە تاعى 595 ازامات قايتارىلعانىن مالىمدەدى. ولاردىڭ 400-دەن استامى بالالار بولعان.

پرەزيدەنت قاسىم-جومارت توقاەۆ جات اعىمنان باس تارتىپ، وتانىنا ورالعان ازاماتتارعا گۋمانيتارلىق كومەك الداعى ۋاقىتتا دا ءوز جالعاسىن تاباتىنىن ايتتى.

ال، كۇنى كەشە اتىراۋدا وسىنداي تەرىس اعىم وكىلدەرىمەن اتقارىلىپ جاتقان جۇمىستار ناتيجەسىندە 112 جات اعىم وكىلى بۇرىس ءدىني كوزقاراستارىنان باس تارتىپ، ءداستۇرلى يسلام دىنىنە قايتا ورالعان.

بۇل تۋرالى اتىراۋ وبلىستىق ءدىن ىستەرى باسقارماسىنىڭ باسشىسى قايروللا كۇشقاليەۆ ارنايى بريفينگ وتكىزدى. ونىڭ ايتۋىنشا، جات ءىني اعىم وكىلدەرىمەن جۇرگىزىلىپ جاتقان قالپىنا كەلتىرۋ جۇمىستارىنىڭ بارىسىندا جات ءدىني اعىمداعى 112 ادام ءداستۇرلى يسلامعا قايتارىلدى دەدى.

ولاردىڭ اراسىندا 4 اۋىل تۇرعىنى جانە 78 قالا تۇرعىنى بار. ولار سىناق مەرزىمىنەن ءوتىپ، جازاسىن وتەپ جاتقاندار. سونداي-اق، “جۋسان” وپەراتسياسىنىڭ كومەگىمەن كەلگەن 1 ەر ادام جانە سيريادان ورالعان ايەلدەر. ودان بولەك، بۇل قاتاردا شەت ەلدىك ءدىني جوعارى وقۋ وىرندارىنىڭ تۇلەكتەرى مەن ستۋدەنتتەرى دە بار ەكەن.

بۇگىندە اتىراۋداعى وڭالتۋ ورتالىقتارىندا 532 پسيحولوگ پەن تەولوگ قىزمەت اتقارادى. وبلىستىق ءدىن ىستەرى باسقارماسىنىڭ مالىمەتى بويىنشا، وتكەن جىلى اتالعان وڭالتۋ ورتالىعىنا 435 ادام ءوتىنىش تۇسىرگەن. ماماندار ءوتىنىش بەرگەن ازاماتتاردىڭ بارلىعىنا پسيحولوگيالىق تۇرعىدا كومەك بەردى. ال، بىلتىرعى جىلى ورتالىقتىڭ پسيحولوگ-تەولوگ ماماندارى 41 تۇتقىنداعى ادامدارمەن 25 جالپى جانە 330 جەكە جينالىس وتكىزگەن.

سونىمەن قاتار، وبلىس ورتالىعىنداعى ۇلكەن بازارلاردىڭ يەسى “شاپاعات” قوعامدىق قورىنىڭ ماماندارىنا تەگىن ءۇي بەردى. قازىر اتالعان ورتالىقتا جات ءدىني اعىمداعى ادامدارمەن جانە ولاردىڭ ىزباسارلارىمەن ءتۇسىندىرۋ جۇمىستارى جاسالىپ جاتىر.

جالپى، قازاقستاندا جات اعىمنان جاپا شەككەن ازاماتتارعا رۋحاني قولداۋ، ولاردى وڭالتۋ ماسەلەسى كۇن تارتىبىنەن تۇسكەن ەمەس. ماسەلەن، اتالعان جايتقا قاتىستى وتكەن ايدا قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى داۋرەن اسكەربەكۇلى ەر-رياد قالاسىندا ساۋد ارابياسى كورولدىگىنىڭ يسلام ءمينيسترى ابدەل لاتيف ءال-شەيحپەن كەزدەستى. قوس تاراپ كەزدەسۋ بارىسىندا دەسترۋكتيۆتى ءدىني اعىم وكىلدەرىن وڭالتۋ ماسەلەسىن تالقىلاعان.

داۋرەن اباەۆ ساۋد ارابياسىنىڭ بۇكىل الەمدە يسلامنىڭ ىقپالىن نىعايتۋعا، بەيبىتشىلىكتى تۋ ەتكەن تەرەڭ ءمانىن، ءدىننىڭ شىنايى بەينەسىن ناسيحاتتاۋعا ارنالعان كۇش جىگەرىن قازاقستان جوعارى باعالايتىنىن ايتتى.

قازاقستان ارقاشان تەرروريزمنىڭ ارلىق كورىنىستەرى مەن فورماسىن ايىپتاپ كەلەدى. سونداي-اق، وسى قۇبىلىستى جويۋ ءۇشىن حالىقارالىق قاۋىمداستىق تاراپىنان ءتيىمدى ۇجىمدىق كۇش-جىگەر جۇمسالىپ جاتقانىن دا قولدايدى. سونىمەن قاتار، ءبىز ساۋد ارابياسىنىڭ بۇگىنگى تاڭدا راديكالدى ەكسترەميزم مەن تەرروريزمگە قارسى ىمىراسىز كۇرەس جۇرگىزىپ جاتقانىنان حاباردارمىز،- دەدى داۋرەن اسكەربەكۇلى.

ءوز كەزەگىندە شەيح ابدەل لاتيف ءال-شەيح ساۋد ارابياسى كورولدىگىمەن قازاقستان اراسىنداعى ىنتىماقتاستىق قارىم-قاتىناستىڭ تەرەڭ ءارى بەرىك ەكەنىن ايتتى. سونىمەن قاتار ول، يسلام ءدىنى كەڭ تارالعان ەلدەردەگى باۋىرلاستارمەن قارىم-قاتىناستى ەرەكشە باعالايتىنىن دا مالىمدەدى.

“مەيىرىمدى ءارى ادىلەتتى يمام سالمان بين ابدەل ءازيز ءال-ساۋد جانە ونىڭ مۇراگەرى – مارتەبەلى حانزادانىڭ باسشىلىعىنداعى كورولدىك يسلام دۇشپاندارى بولىپ تابىلاتىن تەرروريستەر مەن ەكسترەميستەردىڭ زياندى كەسىرىنەن قورعاۋ ءۇشىن قولدان كەلگەن ءتيىستى جۇمىستاردىڭ ءبارىن جاسايدى جانە بۇكىل الەمدەگى مۇسىلمانداردىڭ مۇددەلەرىن ەسكەرەدى”، -دەدى ابدەل لاتيف ءال-شەيح.

سونىمەن قاتار، قوس تاراپ ءدىني جانە رۋحاني سالاداعى ەكىجاقتى ىنتىماقتاستىقتى دامىتۋ شارالارى جونىندە سونداي-اق، يسلام ءدىنىنىڭ قازىرگى احۋالىنداعى وزەكتى ماسەلەلەر بويىنشا سويلەستى.

ال، كەزدەسۋ سوڭىناد داۋرەن اباەۆ پەن ابدەل لاتيف ءال-شەيح مىرزا دەسترۋكتيۆتى ءدىني اعىمداردىڭ الدىن لۋ بويىنشا، ناقتىراق ايتساق، حالىقتى تەرروريستىك، ەكستەرميستىك ءدىني يدەولوگيانىڭ اسەرىنەن قورعاۋ جونىندە ۇگىت جۇمىستارى ارقىلى اقپارات پەن تاجىريبە الماسۋعا ۋاعدالاستى.

سونىمەن قاتار داۋرەن اسكەربەكۇلى ساۋد ارابياسىنداعى ارىپتەستەرىنىڭ وزىق تاجىريبەلەرىمەن تانىسۋ ماقساتىندا مۇحاممەد بين نايف اتىنداعى وڭالتۋ ورتالىعىندا بولدى. اتالعان ورتالىق جۇمىسىمەن تانىسىپ، قورعانىس مينيسترلىگىنىڭ قاسىنداعى يدەولوگيالىق سوعىس ورتالىعىنا باردى.

ودان بولەك مينيستر ەر-ريادتا ساۋد ارابياسىنىڭ اقپارات ءمينيسترى تۋركي بين ابدۋللا ءال-شابانمەن كەزدەسۋ وتكىزدى. قوس تارپ بۇقارالىق اقپارات قۇرالدارى سالاسىنداعى ءوزارا ىنتىماقتاستىقتىق كەلەشەگى جونىندە پىكىر الماستى. جانە ساۋد ارابياسىنىڭ “ساۋد ارابياسىنىڭ اقپاراتتىق اگەنتتىگى” مەن قازاقستاندىق “قازاقپارات” حالىقارالىق اقپارات اگەنتتىكتەرى اراسىندا مەموراندۋم جاساۋعا كەلىستى.

Abai.kz