ەگەر ۇكىمەت ەشتەڭە ىستەمەسە، اۋىلشارۋاشىلىق ءمينيسترىنىڭ قولىنان تۇك كەلمەسە، ديقاندارعا ءوزىمىز كومەكتەسەيىكشى. Əلەۋمەتتىك جەلىدە قۇر وتىرماي ديقاندار ءۇشىن پايدالى ءىس ىستەيىكشى. ماعان ءبىر يدەيا كەلدى. ارىس وقيعاسىندا حالىققا كوپ كومەگى تيگەن شىمكەنتتە ەتى ءتىرى، حالىققا جاقىن جىگىتتەر بار ەدى عوي. سولار ديقانداردىڭ كاپۋستاسىن ديقانمەن بىرگە əر وبلىس ورتالىعىنا اپارۋىن ۇيىمداستىرسا ەكەن.

سەبەبى، ديقانداردىڭ كوپشىلىگى جەتىسايدان، سارىعاشتان شىقپاعان. ۇلكەن قالاعا ەككەن ءونىمىن اپارۋعا قورقادى ءəرى جولىن بىلمەيدى. 250 مىڭ توننا كاپۋستا كوپ قوي. Əر قالاعا ەكى-ءۇش كامازدان جىبەرۋ كەرەك شىعار. بىلمەيمىن، ەندى ول جاعىن ەسەپتەۋ كەرەك. وڭتۇستىكتەن باراتىن كىسىلەرگە əر قالاداعى جەرگىلىكتى بەلسەندى جىگىتتەر كومەكتەسسە ەكەن. سوسىن əلەۋمەتتىك جەلى ارقىلى كاماز قالانىڭ قاي جەرىندە تۇرعانىن جازسا ەكەن. ءبəرىمىز سول حاباردى əلەۋمەتتىك جەلىدە تاراتساق. تاراتىپ قانا قويماي 10-20 كاپۋستادان الساق. يدەيام قالاي؟

ۇكىمەتتەن ەش قايىر بولماسا، سولاي ەتەيىكشى. "ستەكلياننىي زاموك" فيلمىندە ءجاسوسپىرىم قىز دجاننەتت باۋىرلارىنا "بۇلاردان بىزگە پايدا جوق. ولار بىزگە قامقور بولا المايدى. ءبىز ءبىر-بىرىمىزگە قامقور بولۋىمىز كەرەك" دەيدى عوي اتا-اناسىن نۇسقاپ. (دجاننەتت ۋولسستىڭ "زاموك يز ستەكلا" كىتابىنىڭ جەلىسىمەن تۇسىرىلگەن فيلم عوي. كىتابى دا ۇناعان)
دجاننەتت ايتپاقشى، ۇكىمەتتەن قايىر جوق بولسا، وزىمىزگە ءوزىمىز قامقور بولايىقشى.

سوسىن ۇيىمداستىرعان جىگىتتەردىڭ ەڭبەگىن پايدا تاپقان سوڭ ديقاندار تولەسە ەكەن. سەبەبى، ەڭبەكتىڭ وتەمى بولۋ كەرەك.

اياگۇل مانتايدىڭ الەۋمەتتىك جەلىدەگى جازباسى

Abai.kz