سەنبى, 31 قازان 2020
COVID-19 قازاقستاندا. جۇقتىرعاندار — 111492. جازىلعاندار — 106187. قايتىس بولعاندار — 1825
46 - ءسوز 886 0 پىكىر 5 مامىر, 2020 ساعات 11:06

تۇتىنۋشى قوعام - ءوندىرۋشى قوعامنىڭ قۇلىنا ايلانادى...

يسلام دىنىندە ءار ادام ءوز ەڭبەگىمەن كۇن كورۋى كەرەك، ءبىر نارسە ءوندىرىپ، ءبىر ناقتى كاسىپتى مەڭگەرىپ، ميسالى مال باعىپ، ەگىن ەگىپ، ءۇي اعاشى جاساپ، ەتىك تىگىپ ت.ب. دەگەندەي ءوزىنىڭ تابان ەت ماڭداي تەرىمەن تابىس تاۋىپ، جان باعۋى كەرەك.

پايعامبارلاردىڭ ءبارىنىڭ دە ءبىر ماماندىعى بولعان، ءبىرى مالشى بولعان، ءبىرى اعاشتان بۇيىم جاساعان، ءبىرى تەمىردەن ساۋىت جاساعان، ەشقايسىسى دا ريتۋالشى بولىپ، حالىقتىڭ بەرگەن اقشاسىمەن كۇن كورمەگەن.

ەرتەدەگى سۋفيزم جولىن قۋعان پىرلەر جۇمىسى جوق، كاسىبى جوق ادامداردى ءوز تاريقاتىنا قابىلداماعان.

تابيعاتقا قاراساڭىز ءبارى دە ءوندىرۋشى: سيىر وزىنە كەرەك مولشەردەن 3 ەسە كوپ ءسۇت وندىرەدى ەكەن، بال اراسى وزىنە كەرەك مولشەردەن 7 ەسە كوپ بال وندىرەدى ەكەن!

ادام بالاسى دا تابيعاتپەن ۇيلەسىمدە بولامىن دەسە، ءوز-وزىمەن ىشكى تاتۋلىقتا بولامىن دەسە، ءوزىنىڭ پوتەنتسيالىن جۇزەگە اسىرعىسى كەلسە، مىندەتتى تۇردە ءبىر ءونىم، ءبىر بۇيىم، ءبىر قىزمەت، ءبىر عىلىمي جەتىستىك وندىرۋمەن شۇعىلدانۋى شارت. ايتپەسە، تەك تۇتىنۋشى بولىپ قالا بەرسە، وندا دەگراداتسيا باستالادى، ىشكى جان دۇنيەسى ءىريدى، ءشىريدى، جان راقاتى قاشادى.

تۇتىنۋشى ادام تاۋەلدى بولادى، ءوندىرۋشى ادام ەركىن بولادى. تەك تۇتىنۋشىلاردان قۇرالعان قوعام ءوندىرۋشى قوعامنىڭ قۇلىنا، بودانىنا ايلانادى...

مۇرتازا ءجۇنىسۇلىنىڭ الەۋمەتتىك جەلىدەگى جازباسى

Abai.kz

0 پىكىر