"جاسى 18-دەن 27-گە دەيىنگى ەر ازاماتتاردى قارۋلى كۇشتەرگە، ىشكى ىستەر مينيسترلىگىنە جانە قازاقستاننىڭ مەملەكەتتىك كۇزەت قىزمەتىنە شۇعىل اسكەري قىزمەتكە شاقىرۋ ناۋرىزدان تامىز ايىنا دەيىن جانە قىركۇيەكتەن جەلتوقسان ايىنا دەيىن جالعاسادى", – دەلىنگەن جارلىق ماتىنىندە.
قر قارۋلى كۇشتەرى باس شتابىنىڭ ۇيىمداستىرۋ، جۇمىلدىرۋ جۇمىستارى دەپارتامەنتىنىڭ باستىسى ساكەن ءجۇسىپوۆ ازاماتتاردى اسكەرگە شاقىرۋ توتەنشە جاعداي رەجيمى الىنعاننان كەيىن قايتا جۇرگىزىلەتىنىن ايتتى.
"31 تامىزعا دەيىن ۇزارتىلادى. 2019 جىلى كوكتەمدە اسكەرگە شاقىرىلعان اسكەري قىزمەتشىلەر زاپاسقا شىعارۋ – توتەنشە جاعداي رەجيمى الىنعان جاعدايعا، وسى جىلدىڭ 30 ماۋسىمىنا دەيىن جۇرگىزىلەتىن بولادى. بۇل رەتتە اسكەري شاقىرۋ مەن زاپاسقا شىعارۋ قولدانىستاعى زاڭناماعا سايكەس ىسكە اسىرىلادى", - دەدى ول.
باستاپقىدا اسكەرگە شاقىرۋدى شىلدە ايىندا اياقتاۋ جوسپارلانعان.
قازاقستاندا كوروناۆيرۋس پاندەمياسىنا بايلانىستى 16 ناۋرىزدا ەنگىزىلگەن توتەنشە جاعداي 11 مامىرعا دەيىن سوزىلدى.
Abai.kz
