قازاقستان رەسپۋبليكاسى حالقىنىڭ اسا سەنىمدى ساياسي ۇيىمى سانالاتىن «نۇر وتان» پارتياسى ەلىمىزدىڭ ساياسي-الەمەتتىك ماسەلەلەرىن دۇرىس جولعا قويۋدا اسا ءماڭىزدى ءرور اتقارادى. جيىرما جىلدان استام ۋاقىت بويى قازاقستان حالقى ءۇشىن قالتقىسىز قىزمەت ەتىپ كەلە جاتقان پارتيانىڭ جۇمىسىنا بەس دەگەن باعا بەرۋگە تۋرا كەلەدى. 

ءبارىمىز بىلەتىندەي، وتكەن جىلى 27 اقپان كۇنى سول كەزدەگى استانا قالاسىندا «نۇر وتان» پارتياسىنىڭ كەزەكتى XVIII سەزى وتكەن بولاتىن. باس پارتيانىڭ 20 جىلدىعىنا وراي ۇيىمداستىرىلعان سەزدە حالىق تۇرمسى ءۇشىن اسا پايدالى بىرقاتار شەشىمدەر قابىلدانعانى ەسىمىزدە. پارتيانىڭ 2030 جىلعا دەيىنگى جاڭا باعدارلاماسىمەن قاتار، ازاماتتاردى جان-جاقتى قولداۋ باعدارلامالارى قابىلداندى. ەلدەگى كوپبالالى انالاردى قولداۋ، ولارعا جاردەم اقى تولەۋ، باسپانامەن قامتۋ ماسەلەلەرى دە ءدال وسى جينالىستا ءبىر ارناعا توعىستىرىلعان بولاتىن.

2020 جىل ادامزات بالسى ءۇشىن ابىر-سابىر قيىندىقتارمەن باستالدى. اسىرەسە تۇتاس دۇنيەنى شارپىعان كوروناۆيرۋس پارندەمياسى ەلدىڭ ءبارىن اياعىنان تىك تۇرعىزدى. وسى قاتاردا ءبىزدىڭ ەلدە دە بىرقاتار ماسەلەلەر تۋىنداعانى شىندىق. مەملەكەت باسشىسى قاسىم-جومارت توقاەۆتىڭ باستاماسىمەن ەلدە ساقتىق شارالارى ۇتىمدى جۇرگىزىلىپ جاتىر. اسىرەسە ەلدە ۆيرۋس جۇقتىرعان العاشقى جاعدايلار انىقتالا سالا، توتەنشە جاعداي جاريالانىپ، جالپىحالىقتىق كارانتين ەنگىزىلدى. وسىنىڭ ءبارى ۆيرۋستىڭ تارالۋ بارىسىن بارىنشا تەجەجەدى دەۋگە بولادى.

بىراق تۇرعىندار ءۇشىن تاعى ءبىر ماسەلە، كارانتيندە جاتقان كوپ ادام جۇمىستان ۋاقىتشا شەتتەتىلىپ، تۇراقتى تابىسىنان ايىرىلىپ قالدى. ءسويتىپ، كەيبىر جەرلەردە كۇندەلىكتى تۇرمىس-تىرشىلىگىن قامتاماسىز ەتۋدىڭ ءوزى قيىندىق تۋدىرعان ساتەر ورىن الدى. وسىعان بايلانىستى ەل ازاماتتارىنا كومەكتەسۋ ءۇشىن العاشقى بولىپ باس پارتيا «Nur Otan» پارتياسى اتقا قوندى. تابىسىنان ايىرىلعاندارعا قارجى ۇلەستىرىپ، قارىنى اشقانعا ازىق-تۇلىك جەتكىزىپ بەردى. قىسقاسى قينالعان حالىقتىڭ قولتىعىنان دەمەپ، قاسىنان تابىلدى.

ءبىز بۇل سوزدەردى بوس ماقتان ءۇشىن ايتىپ وتىرعان جوقپىز. «بىزبىرگەمىز» قوعامدىق قورى بىرنەشە ءجۇز مىڭ وتباسىعا ايىنا ەلۋ مىڭ تەڭگەدەن الەۋمەتتىك كومەك تاراتىپ، ميلليونداعان ادامعا ازىق تۇلىك جەتكىزىپ بەرىپ جاتقانىن بۇقارالىق اقپارات قۇرالدارى كۇندە جازىپ جاتىر. قيىن كۇندەردە قاسىنان تابىلاتىن «Nur Otan» سىندى پارتياسى بار حالىقتىڭ مىڭ العىستان باسقا ايتارى جوق دەپ ويلايمىز.

ارينە «Nur Otan» پارتياسى بۇل ۇشان-تەڭىز جۇمىستاردى حالىقپەن ەتەنە جاقىن جۇمىس ىستەي بىلگەندىكتەن عانا اتقارىپ وتىر. ەگەر حالىقتىڭ ءۇنىن تىڭداماسا، ولارعا نە كەرەك ەكەنىن بىلمەسە، مۇنداي يگىلىكتى ىستەردىڭ باسىنان تابىلماس تا ەدى. ءبىزدىڭ قازىرگى ايتپاعىمىز، «Nur Otan» پارتياسىنىڭ ەلدەگى ىشكى جاعدايدى قيىن-قىستاۋ كۇندە دە امالىن تاۋىپ تىڭداي بىلگەنى بولىپ وتىر. پارتيا ەلدىڭ ماسەلەسىن ونلاين جۇيەدە تىڭداپ، ءار ءىستىڭ وڭ شەشىمىن تاۋىپ وتىر.

باس پارتيانىڭ بارلىق وڭىرلەردەگى رەسمي وكىلدەرى جەرگىلىكتى تۇرعىنداردىڭ سان ساۋالىنا ءتۇرلى الەۋمەتتىك جەلىلەر ارقىلى جاۋاپ بەرىپ جاتىر. تىكەلەي ەفيرگە قوسىلعان حالىق كوكەيىندەگى كوپ سۇراققا تىكەلەي جاۋاپ الۋعا مۇمكىندىك الدى. كوپشىلىكتى الاڭداتقان باستى ماسەلە توتەنشە جاعداي كەزىندە قوسىمشا الەۋمەتتىك كومەكتى قالاي الۋ ماسەلەسى بولدى. ءارى وسى سۇراقتارىن تىكەلەي ەفيردە پارتيا جاۋاپتىلارىنان سۇراپ ءبىلدى.

ماسەلەن «Nur Otan» پارتياسى تۇركىستان وبلىستىق فيليالىنىڭ توراعاسىنىڭ ءبىرىنشى ورىنباسارى گۇلباحور سادىقباەۆا وتكىزگەن تىكەلەي ەفيرگە الەۋمەتتىك جەلىدە ەكى مىڭعا جۋىق ادام قوسىلدى. تىكەلەي ەفير بارىسىندا جيىنى ءتورت جۇزدەن اسا ءتۇرلى سۇراق قويىلدى. بۇل سۇراقتاردىڭ كوبى ەل ۇكىمەتى ۇلەستىرىپ وتىرعان الەۋمەتتىك كومەكتەردى قالاي الۋعا بولادى دەگەنگە سايادى.

كوپشىلىكتى مازالاعان بۇل سۇراقتارعا «Nur Otan» پارتياسى تۇركىستان وبلىستىق فيليالىنىڭ توراعاسىنىڭ ءبىرىنشى ورىنباسارى گۇلباحور سادىقباەۆا جاۋاپ بەردى:

-بالام ەكىنشى توپ مۇگەدەگى، ەلۋ مىڭ بەرىلە مە؟، دەيدى.  50 مىڭ تەڭگە ءبىرىنشى توپ مۇگەدەكتەرىنە بەرىلىپ وتىر تۇركىستان قالاسى بويىنشا. جالپى جەتى كاتەگوريا بويىنشا بەرىلەدى. تۇل جەتىمدەرگە وسى 50 مىڭ تەڭگە ءبىز ەكىنشى ترانشپەن ارنايى دايىندادىق. ول بويىنشا 4 600-دەن استام ادام كەلەسى ايدا بۇل كومەكتى ءبىر رەتتىك الاتىن بولادى. قارجىلاي كومەك الۋ جولدارىنا قىزىلوردالىقتاردا قىزىعۋشىلىق تانىتتى. ءبىر جارىم ساعاتقا سوزىلعان بايلانىسقا 3 مىڭعا جۋىق ادام قوسىلىپ ءوز ساۋالدارىن جولدادى. پارتيانىڭ وبلىستىق فيليال توراعاسىنىڭ ءبىرىنشى ورىنباسارى رەسپۋبليكالىق قوردان بولىنگەن قارجى تاعى جەتى مىڭنان استام وتباسىعا بەرىلەتىنىن حابارلادى. شامامەن 14 مىڭنان اسا مۇقتاج ازامات بۇل كومەككە ءۇمىتتى، - دەدى.

ال ءوز كەزەگىندە «Nur Otan» پارتياسى قىزىلوردا وبلىستىق فيليالى توراعاسىنىڭ ءبىرىنشى ورىنباسارى اقمارال ءالنازاروۆا ءبىر قىزىلوردا وبلىسىنىڭ وزىندە حالىقتى قولداۋ ماقساتىندا 82 ميلليونعا جۋىق قارجى تارتىلعانىن مالىمدەدى.

- جەرگىلىكتى جەردە، اۋدانداردا فيليالدار جۇمىس جاساپ جاتىر. ءتيىستى ارىزداردى ءتۇسىپ جاتقان وسى اۋداندىق جۇمىسپەن قامتۋ ورتالىقتاردىڭ اقپاراتتارىن الىپ، وسى كومەكتەردى بەرۋگە دەمەۋشىلەر ارقىلى ۇيلەستىرىپ وتىرمىز. بۇگىنگى تاڭدا قىزىلوردا وبلىسى عانا بويىنشا 82 ميلليونعا جۋىق قاراجاتتار تارتىلدى. ونىڭ 31 ميلليون تەڭگەسى ول ءبىزدىڭ بارلىق دەنگەيدەگى دەپۋتاتتاردىڭ بەرگەن قوسىمشا كومەگى، - دەدى.

سونىمەن قاتار، ەلدەگى توتەنشە جاعداي كەزىندە اتىراۋلىق تۇرعىندار دا الەۋمەتتىك جاعداينا بايلانىستى باس پارتيانىڭ وكىلدەرىمەن تىكەلەي بايلانىسقا شىعا الدى. «نۇر وتان» پارتياسىنىڭ اتىراۋ وبلىستىق فيليالى وتكىزگەن تىكەلەي ەفير  بارىسىندا جەرگىلىكتى تۇرعىندار توتەنشە جاعدايعا بايلانىستى تۋىنداعان قيىنشىلىقتار جايلى ايتتى. ايماقتاعى فيليال جاۋاپتىلارى وتكىزگەن ونلاين بايلانىسقا ەكى مىڭنان استام تۇرىعىن قوسىلىپ، سۇراقتار قويدى. اتىراۋ وبلىستىق فيليال توراعاسىنىڭ ءبىرىنشى ورىنباسارى نۇرلىبەك وجاەۆ ءبىر ساعات كولەمىندە 78 سۇراققا جاۋاپ بەردى. تۇرىعىندار ونىڭ قىرىق بىرىنە سول مەزەتتە جاۋاپ الدى. ال كەيبىر انىقتاپ بارىپ جاۋاپ بەرىلۋى ءتيىس ماسەلەلەر كەيىنگە قالدىرىلدى.

ءبىز بۇل ماقالامىزدا ەلىمىزدەگى باس پارتيا - «نۇر وتان» پارتياسىنىڭ بىرنەشە ايماقتارداعى فيليالدارىنىڭ توتەنشە جاعداي كەزىندە اتقارعان يگىلىكتى ءىس-شارالارى جايلىق جازدىق. مەملەكەتتىڭ تۇراقتىلىعى، حالىقتىڭ بولاشاعى ءۇشىن تىنىمسىز جۇمىس جاساپ جاتقان كوشباسشى پارتيامىزدىڭ ەلەۋلى ىستەرىن ەل ەسىنە سالۋ بىزگە پارىز. «نۇر وتان» پارتياسى الداعى ۋاقىتتا دا مەملەكەت ءۇشىن مىڭ-سان قىزمەت اتقارارى ءسوزسىز.

ال، كۇنى كەشە پارتيا توراعاسىنىڭ ءبىرىنشى ورىنباسارى باۋىرجان بايبەك سۋ بوگەتىنىڭ جارىلۋىنان زارداپ شەككەن ماقتارال اۋدانىنان ارنايى ىسساپارمەن باردى.

بۇعان دەيىن مەملەكەت باسشىسى قاسىم-جومارت توقاەۆ سۋ تاسقىنىنان زارداپ شەككەن ازاماتتار جاڭادان سالىنعان نەمەسە تولىقتاي قايتا جوندەۋدەن وتكەن باسپانالارمەن قامتاماسىز ەتىلەتىنىن ايتقان بولاتىن. سونىمەن قاتار، سۋ تاسقىنىنان زارداپ شەككەن ءاربىر تۇرعىن رەسپۋبليكا بيۋدجەتىنەن 100 مىڭ تەڭگە اقشا الادى. ال، جولدار مەن ينجەنەرلىك جەلىلەردى، الەۋمەتتىك نىسانداردى قالپىنا كەلتىرۋگە 14 ميلليرارد تەڭگەدەن اسا اقشا بولىنبەك. مۇنداي يگى ىستەردىڭ باسى-قاسىندا «Nur Otan» پارتياسى دا بەلسەندىلىك تانىتۋدا.

ولار بۇگىندە ماقتارال حالقىنا 920 توننادان استام گۋمانيتارلىق كومەك جىبەرگەن.

سونىمەن قاتار، باۋىرجان بايبەك مىرزاكەنت ەلدىمەكەنى مەن دوستىق اۋىلى تۇرعىندارىنىڭ باسپانا ماسەلەسىن شەشۋ ءۇشىن ءوڭىر باسشىسى ومىرزاق شوكەەۆپەن بىرگە بولىنگەن جەردى قاراپ، تۇرعىندارمەن جانە قۇرىلىسشىلارمەن كەزدەستى.

الداعى ۋاقىتتا اتالعان جەردەگى سامان ۇيلەردىڭ ورنىنا گازوبلوكتان 100 شارشى مەتردى قۇرايتىن 4 بولمەلى ۇيلەر سالىناتىن بولادى.

Abai.kz