جۇما, 5 ماۋسىم 2020
COVID-19 قازاقستاندا. جۇقتىرعاندار — 12312. جازىلعاندار — 6696. قايتىس بولعاندار — 52
46 - ءسوز 1129 11 پىكىر 18 مامىر, 2020 ساعات 12:23

قازاق ءتىلىن دامىتۋ جونىندە...

انا ءتىلىمىز شىنايى قاتىناس تىلىنە اينالۋى ءۇشىن قىزمەت ەتۋ سالاسىندا ( ماگازين، ماركەت، اسحانا، كافە، شاشتاراز ت.ب.) مەملەكەتتىك تىلدە سويلەۋى كەرەك.

وسىدان ون جىل بۇرىن قىزمەت سالاسىندا ەڭبەك ەتەتىن ازاماتتاردىڭ قازاق ءتىلىن مەڭگەرۋ ماسەلەسىن كوتەرگەن بولاتىنبىز. وكىنىشكە وراي، ماسەلە سول قالپىندا. ءوزىمىزدىڭ قاراكوزدەردىڭ ءوزى انا تىلىندە سويلەگىسى كەلمەيدى.
مەن كەي كەزدەرى "استانالىق" ماركەتىندە ازىق-تۇلىك الامىن. سول جەردەگى انا تىلىنە بايلانىستى مەنىڭ ساتۋشىمەن قارىم- قاتىناس ەۆوليۋتسيامدى بايانداپ بەرەيىن.

باسىندا ساتۋشى قىزدار قازاقشا سويلەسەڭ ورىسشا جاۋاپ بەرىپ ءجۇردى. ءبىر ەسكەرتۋ جاسادىم، ەكى جاسادىم، سودان كەيىن ورتالىقتىڭ مەڭگەرۋشىسىن شاقىرۋدى ءوتىندىم. ( قازاق قىزى) ول قارىنداسقا (سىپايى تۇردە) مىنانداي پرينتسيپ ۇسىندىم، "ەگەر كىمدە- كىم قازاقشا سۇراسا، ساتۋشىلار قازاقشا جاۋاپ بەرسىن، ورىسشا سۇراسا، ورىسشا جاۋاپ بەرسىن". ساتۋشىنىڭ باسىم كوپشىلىگى قازاق بولا تۇرا ورىسشا جاۋاپ بەرەدى، بىرەن- ساران باسقا ۇلتتاردىڭ وكىلدەرىنە دە، مەملەكەتتىك ءتىلدى ءبىلۋ ارتىق بولمايدى.

قازىر، بۇكىل پەرسونال ( اندا- ساندا، سىرتتاي باقىلاپ جۇرەمىن) انا تىلىمىزدە سۇراق قويعاندارعا تەك قازاقشا جاۋاپ بەرەدى.

جالپى، قىزمەت بەرۋ سالاسىندا انا ءتىلىمىزدى دامىتۋدىڭ ءادىس- تاسىلدەرىن جاساۋ كەرەك. جانە دە بۇل ءادىس ءتاسىل ماجبۇرلەۋ، بۇيرىق بەرۋ، ۇرسىسۋ ەمەس، ادامدارعا سۇيكىمدى، تارتىمدى، ادامدى انا تىلىمىزگە جاقىنداتا بىلەتىن ءادىس بولعانى دۇرىس. ادامداردى ەلىگىتىپ الىپ كەتەتىن ءتاسىل ماڭىزدى.

مەملەكەتتىك دەڭگەيدە، قىزمەت بەرۋ سالاسىنىڭ انا ءتىلىمىزدى مەڭگەرۋدىڭ ستاندارتتارىن ەنگىزۋ وتە ماڭىزدى.

ەرلان سايروۆتىڭ جەلىدەگى جازباسى

Abai.kz

11 پىكىر