"قارجىلىق جاعداي - تالانتقا كەدەرگى كەلتىرمەيدى" - بتسپ دياگنوزىمەن قازاقستاندىق حالىقتىڭ وسال توپتارىنىڭ جاستارىنا كومەكتەسەدى

جاس ۇرپاق - كەز كەلگەن مەملەكەتتىڭ بولاشاعى، ال دارىندى جانە بولاشاعى بار جاستار - كەز كەلگەن ەلدىڭ گۇلدەنۋىنىڭ كەپىلى. سوندىقتان دا ءبىزدىڭ كەيىپكەرىمىز، بەلسەندى جانە قوعام قايراتكەرى ءاليا سۇلەيمەنوۆا تالانتتى جاس قازاقستاندىقتاردىڭ الەۋەتىن اشۋدا ءوز قىزمەتىن ارناي وتىرىپ، وسىنداي جاۋاپتى جانە كۇردەلى جولدى تاڭدادى.

بيىلعى جىلى قر اقپارات جانە قوعامدىق دامۋ مينيسترلىگىنىڭ قولداۋىمەن "ازاماتتىق باستامالاردى قولداۋ ورتالىعى" كەاق مەملەكەتتىك گرانتى شەڭبەرىندە "لوگوس-قاراعاندى مۇگەدەكتەردى وڭالتۋ ورتالىعى" قوعامدىق بىرلەستىگى  "شىعارماشىل جاستاردى قولداۋ بويىنشا ءىس-شارالاردى ۇيىمداستىرۋ" الەۋمەتتىك جوباسىن ىسكە اسىرادى.

گرانتتىڭ ارقاسىندا جوبانى جۇزەگە اسىرۋ ءۇشىن قانداي مۇمكىندىكتەر اشىلعانىن جانە جاس تالانتتاردى قولداۋدا قانداي ۆەكتورلار انىقتالعانىن كەيىپكەرىمىز ايتىپ بەردى.

ءاليا سۇلەيمەنوۆا 2013 جىلى ءوزى قۇرعان "لوگوس-قاراعاندى مۇگەدەكتەردى وڭالتۋ ورتالىعى" قوعامدىق بىرلەستىگىنىڭ توراعاسى بولىپ تابىلادى. ول بالا كەزىنەن باستاپ I توپتاعى مۇگەدەكتىكتى - بالالاردىڭ تسەرەبرالدى ءپاراليچى (بتسپ) انىقتالعانىنا قاراماستان، مۇقتاج ادامدارعا كوپتەن بەرى كومەك كورسەتەدى.

"شىعارماشىل جاستاردى قولداۋ بويىنشا ءىس-شارالاردى ۇيىمداستىرۋ" جوباسى اياسىندا بىرلەستىك 2020 جىلدىڭ 16 ساۋىرىندە "قازاقستان رەسپۋبليكاسىنىڭ شىعارماشىل جاستارىن قولداۋ ءۇشىن گرانتتار كونكۋرسىنىڭ" باستالۋى تۋرالى جاريالادى. كونكۋرس جەڭىمپازدارىنا باسىم باعىتتار بويىنشا شىعارماشىلىق سالاسىنداعى رەسپۋبليكالىق جانە حالىقارالىق بايقاۋلارعا مەن فەستيۆالدارعا قاتىسۋ ءۇشىن گرانتتار بەرىلەدى. بايقاۋ اياسىندا رەسپۋبليكالىق بايقاۋلارعا 30 جەڭىمپاز انىقتالادى، ولار 200 000 مىڭ تەڭگەدەن شاعىن گرانت الادى، حالىقارالىق بايقاۋلارعا 20 جەڭىمپاز 700 000 تەڭگەدەن الادى. گرانت قاراجاتى مىناداي ماقساتتارعا پايدالانىلۋى مۇمكىن: بايقاۋعا قاتىسۋعا نىسانالى جارنا،  جول ءجۇرۋ، تۇرۋ، ترانسفەر، ۆيزا، مەديتسينالىق ساقتاندىرۋ نەمەسە بايقاۋعا قاتىسۋ ءۇشىن قاجەتتى قۇرال-جابدىقتار (نەگىزدەمە بويىنشا), كونكۋرستىق كوستيۋم. گرانتتاردى ءبولۋ بايقاۋلىق ىرىكتەۋ نەگىزىندە جۇزەگە اسىرىلادى. جوبالاردى بايقاۋلىق ىرىكتەۋ كەلەسى باعىتتار بويىنشا جۇزەگە اسىرىلادى: مۋزىكا، حورەوگرافيا، تەاتر، كينو، تسيرك ونەرى، ادەبيەت، بەينەلەۋ ونەرى، ساۋلەت، ديزاين.

"بايقاۋدىڭ نەگىزگى مىندەتتەرى دارىندى جاستاردى انىقتاۋ جانە رەسپۋبليكالىق جانە حالىقارالىق بايقاۋلارعا قاتىسۋ ءۇشىن شاعىن گرانتتارمەن قامتاماسىز ەتۋ، سونداي-اق قازاقستاندىق مادەنيەتتى شەتەلدە ناسيحاتتاۋ; مادەنيەتارالىق كوممۋنيكاتسيالاردى نىعايتۋ بولىپ تابىلادى. سونىمەن قاتار، الەۋمەتتىك جاعىنان وسال جاستارعا كومەك كورسەتۋ، شىعارماشىلىق الەۋەتتى قولداۋ جانە رەسپۋبليكالىق جانە حالىقارالىق ءىس - شارالارعا قاتىسۋ مۇمكىندىگىن قامتاماسىز ەتۋ باستى ماسەلە بولىپ تابىلادى" - دەدى ءاليا سۇلەيمەنوۆا.

"ادامدارعا كومەكتەسۋ - بۇل ءاردايىم وتە جوعارى، وتە جاۋاپتى ماقسات. كەيبىر ساتتەردە كومەكسىز بولمايدى. سوندىقتان قر اقپارات جانە قوعامدىق دامۋ مينيسترلىگىنىڭ قارجىلىق قولداۋىمەن "ازاماتتىق باستامالاردى قولداۋ ورتالىعى" كەاق مەملەكەتتىك گرانتى دارىندى جاستاردى عانا ەمەس، سونىمەن قاتار قوعامدىق بىرلەستىكتىڭ ءوزىنىڭ قىزمەتىنە دە كومەكتەسەدى".

بىرلەستىك شىعارماشىلىق جاستاردى الداعى ۋاقىتتا دا ەلشىلىك، حالىقارالىق ۇيىمدار، ءىرى قازاقستاندىق كومپانيالاردى تارتا وتىرىپ، قولداۋدى جوسپارلاپ وتىر.

ء"بىزدىڭ جوبامىزدىڭ ارقاسىندا ءبىز نەعۇرلىم دارىندى جاس بالالاردى انىقتاپ، ولاردىڭ الەۋەتىن اشا الامىز دەپ سەنەمىن، - دەدى ول.

#cisc2020 #qogamgov

Abai.kz