سەنات وتىرىسىندا بايانداما جاساعان ءماجىلىس دەپۋتاتى ازات پەرۋاشەۆ "زاڭ جوباسىنداعى نەگىزگى جاڭالىق" قۇقىقتىق ورتاعا "وپپوزيتسيا" ۇعىمىنىڭ ەنگىزىلۋى ەكەنىن اتاپ ءوتتى.

"زاڭ جوباسىندا "پارلامەنتتىك وپپوزيتسيا" ۇعىمىنا بەرىلگەن انىقتامادا بۇل پارتيالار، ادەتتە، بيلىك پارتياسىنان بولەك وزگەشە ساياسات جۇرگىزۋگە مىندەتتى دەگەن تەزيس ەنگىزىلگەن. ياعني، ءبىز "وپپوزيتسيامىن" دەۋشىلەردى پارلامەنتتە ءۇنسىز جۇرمەي، بەلسەندى جۇمىس جۇرگىزۋگە، قوعام ءۇشىن شىن اتسالىسىپ، ماڭىزدى پروبلەمالاردى كوتەرۋگە، بيلىكتىڭ ساياساتىنا جاڭا كوزقاراسى بولىپ، بولەك ۇسىنىستاردى بەرۋگە ارنايى يتەرمەلەپ وتىرمىز. وسىنداي پارتيالارعا، "پارلامەنتتىك وپپوزيتسيا" اتاعىمەن شەكتەلمەي، سول ۇعىمدى مارتەبەسى مەن قۇقىقتىق كەپىلدىكتەرىمەن تولىقتىرۋدى ۇسىنىپ وتىرمىز" دەدى ازات پەرۋاشەۆ.

زاڭ جوباسى اۆتورلارىنىڭ ايتۋىنشا، قۇجاتتا وپپوزيتسيا ءۇشىن "بىرقاتار قۇقىقتىق ارتىقشىلىقتار قاراستىرىلعان". مىسالى، ءاربىر سەسسيا كەزىندە پارلامەنتتىك تىڭداۋ مەن ۇكىمەت ساعاتتارىن بەكىتۋ، ۇكىمەتتىڭ زاڭ جوباسىنا بالاما زاڭ جوباسىن ۇسىنۋ، پارلامەنتتىڭ كەز-كەلگەن ءىس-شاراسىنا، ءماجىلىس پەن سەناتتىڭ بىرلەسكەن وتىرىسىندا ءسوز سويلەۋ قۇقىعىنا يە.

پارلامەنت دەپۋتاتتارىنىڭ باستاماسىمەن جاسالعان "قازاقستان پارلامەنتى مەن ونىڭ دەپۋتاتتارىنىڭ ونىڭ مارتەبەسى تۋرالى كونستيتۋتسيالىق زاڭعا تولىقتىرۋلار ەنگىزۋ تۋرالى" زاڭ جوباسى بيىل 13 اقپاندا ۇكىمەت قاراۋىنا ۇسىنىلعان. ناۋرىزدىڭ 18-ىندە پارلامەنت ءماجىلىسىنىڭ قاراۋىنا تۇسكەن.

Abai.kz