سەنبى, 4 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
46 - ءسوز 1268 6 پىكىر 29 مامىر, 2020 ساعات 13:38

ءبىز دامىعان ەمەس، ءالى دە دامۋشى ەلمىز...

نەمەسە حالىقارالىق ستاندارتتار تۋرالى

باق: "پرەزيدەنت توقاەۆ بۇۇ فورۋمىندا "تەڭىزگە شىعاتىن جولى جوق دامۋشى ("developing" نەمەسە "less developed", "رازۆيۆايۋششيەسيا") ەلدەر" توبى اتىنان ءسوز سويلەدى".

ارينە، "دامۋشى" ەلدەر قاتارى دا بىردەي ەمەس، الا-قۇلا.

بىراق تۇرالاپ قالعان توپتىڭ اتىنىڭ ءوزى نە تۇرادى!

ميللياردتاعان دوللار جۇمساپ ەكسپو سەكىلدى كورمە ۇيىمداستىرعىش، وبسە-ءنى باسقارعىش، ءارتۇرلى سامميتتەر وتكىزگىش، جەكە بانكتەردى قۇتقارعىش وكىمەتكە ءتىپتى جاراسپايتىن مارتەبە!

نە دەسە دە، وسىنشاما ءبىلىم مەن عىلىمعا، كاسىپ پەن بيزنەسكە بەيىم، تالانتتى، ەڭبەكقور حالقى مەن جەر قويناۋىندا مەندەلەەۆ تابليتساسىنىڭ بارلىق دەرلىك ەلەمەنتى بار ەلدىڭ 30 جىل بويىنا رەسمي انىقتاما بويىنشا "دامۋشى" ەلدەر قاتارىنان شىعا الماي جۇرگەنى - ماسقارا!

ايتپەسە، "قازاقستان - ورتالىق ازيا اۋماعىنىڭ كوشباسشىسى", "پوستسوۆەتتىك كەڭىستىكتە رەفورمالاردى تابىستى جۇزەگە اسىرعان ەل" دەپ، بوركىمىزدى اسپانعا لاقتىرۋىمىز قايدا قالدى؟

ۇكىمەت پەن "نۇروتاننىڭ" جىل سايىن بەرەتىن ەسەپتەرىندەگى جوعارى كورسەتكىشتەر مەن "ەشكىمگە جەتكىزبەي، قارىشتاپ دامىپ بارا جاتقانىمىز تۋرالى" الاقايلار قايدا؟! دامىعان ەلدەردىڭ 30-دىعىنا ەنۋ ۇرانى نە بولدى؟

دامۋشى ەل كوشباسشى بولا الا ما؟

نەگە سونشالىقتى كەنجەلەپ، الەم كوشىنە ىلەسە الماي، وسىنداي "دامۋشى" حالدە قالدىق؟

جاۋاپ بىرەۋ: بارىنە 30 جىل بويىنا ءوز حالقىنا ەكونوميكالىق جانە ساياسي ەركىندىك بەرگىسى كەلمەگەن اۆتوريتارلىق بيلىك، سۋپەرپرەزيدەنتتىك جۇيە كىنالى!

"دامۋشى ەلدەر" دەگەن كاتەگوريانىڭ قاتىپ-سەمىپ قالعان انىقتاماسى جوق. سونىڭ ءبىرى - ءىس جۇزىندە ولار وەسر سەكىلدى ىرگەلى ۇيىمعا مۇشە بولا المايتىن ەلدەردەن تۇرادى.

ال ول ۇيىمعا كىرۋ كريتەريلەرى جالعىز عانا ەكونوميكالىق دامۋ ەمەس.

ول ءۇشىن دەموكراتيانىڭ، ەركىن نارىقتىق ەكونوميكانىڭ، يندۋستريالىق دامۋدىڭ، الەۋمەتتىك باعدارلامالار مەن ادام قۇقىنىڭ كەپىلدىكتەرىنىڭ ستاندارتتارىنىڭ جوعارى بولۋى شارت

بىزدە بولسا، وسى تالاپتاردىڭ ءبىر دە ءبىرى سىن كوتەرمەيدى!

ەڭ باستىسى - مەملەكەت دامىعان ەلدەر قاتارىنا قوسىلۋ ءۇشىن قوعامدىق قاتىناستار دامۋى كەرەك. ال ول قاتىناستاردىڭ وركەنيەتتى دامۋىنىڭ ءبىر عانا جولى بار، ول - دەموكراتيا!

ءامىرجان قوساننىڭ جەلىدەگى جازباسى

Abai.kz

6 پىكىر