قازاقستانداعى گەندەرلىك ساياسات جايىندا ءسوز بولىپ جاتىر ەكەن. ماقتايتىن تۇسى قانشاما كەم بولسا دا كەڭەستىك كەزەڭ ايەل تەڭسىزدىگىن ءبىرجولاتا جويعانى انىق. شىنىن ايتقاندا ءدال ءبىزدىڭ ەلىمىزدەگىدەي ايەل ەركىندىگى كوپ جەردە جوق. مەملەكەتتىك قىزمەتتە، بيزنەستە جۇرگەندەرى قانشاما؟! قازاق حالقى ايەلدەرىن پاكىستان مەن بانگلادەش دەڭگەيىنە تۇسىرە قويمايدى. مۇنداي قاۋىپتىڭ اۋىلى الىس.

مەنىڭشە قازىر ودان گورى ياحۋديلەر باستاپ بەرگەن گەندەرلىك ساياسات سالدارى قاۋىپتى مە دەيمىن. ويتكەنى كەڭەستىك كەزەڭنەن دامىتىلعان ايەلدەردىڭ وقۋ-بىلىمدەگى، عىلىمداعى، ساياساتتاعى، ەكونوميكاداعى، الەۋمەتتىك سالاداعى تەپە-تەڭدىك ساياساتى ايەلدەردىڭ وتباسىنداعى ۇستەمدىگى قۇبىلىسىنا ۇلاسىپ كەتتى. ءداستۇرلى قازاق وتباسىنىڭ عاسىرلاردان قالىپتاسقان مودەلى بۇزىلىپ بارادى.

ايەل بيلەگەن وتباسىلاردا تۋعان ۇل ىنجىق، وزگە تۇرماق ءوز باسىن قورعاي المايتىن بايعۇس بولىپ وسەدى ەكەن. مۇنى اۋعان سوعىسى كەزىندە اسكەر اراسىندا جۇرگىزىلگەن الەۋمەتتىك زەرتتەۋلەر دالەلدەپ بەردى. ايەل بيلەگەن شاڭىراقتا تۋعان قىز تۇرمىسقا شىقپاي جاتىپ اجىراسۋعا كانديدات بولىپ تۇرادى. قازىر ءبىز ەمانسيپاتسيالانعان ايەلدەرگە ەمەس شىنايى ەر-ازاماتتارعا مۇقتاجبىز. قوعام بولىپ ەركەك تاربيەلەيتىن جاعدايعا جەتتىك. سوندىقتان گەندەرلىك ساياساتتارىڭنىڭ وزىنە دوزا كەرەك!

مارات ءبايدىلداۇلىنىڭ الەۋمەتتىك جەلىدەگى جازباسى

Abai.kz