«Abai.kz» اقپاراتتىق پورتالىنىڭ پىكىرلەر الاڭىندا توسىن ويلار ايتىلىپ قالاتىنى بار. تال تۇستە تاراز قالاسىن ءبورى تارتقانداي ەتىپ شۋلاتقان وقيعا تۋراسىنداعى حاباردىڭ «استىن قازىپ» وقىپ وتىرسام اتى-ءجونى كورسەتىلمەگەن  ايتقىشتاردىڭ ءبىرى: «قازاقتار، ءبىر ءبىرىڭدى جارىڭدار. ال ورىس يليا تاعى دا 126 (407) كگ كوتەرىپ، الەمنىڭ التىن چەمپيونى اتاندى!» دەپ جازىپ قويىپتى. ويلانىپ قالدىم. راسىندا، قازاقتىڭ تولەجىپ جاڭا جەتىلىپ كەلە جاتقان ۇرپاعى وقۋعا، بىلىمگە، عىلىمعا، سپورتقا ۇمتىلۋدىڭ ورنىنا قايداعى ءبىر ءدىني اعىمداردىڭ سوڭىنا ەرىپ، دۇمشە ءدىندارلاردىڭ قۋىرشاعىنا اينالىپ بارا جاتقانى نەسى؟ باسقانى بىلاي قويا تۇرالىق، سپورت باسەكەسىندە بوكسشىلار مەن پالۋانداردان باسقاسىنىڭ ءبارى وزگە ۇلتتىڭ ۇلاندارى. ارينە، فۋتبولدا، حوككەيدە، كوركەم گيمناستيكادا ءبىرلى-جارىم قوي كوزدى قوڭىر بالالار ءجۇر. بىراق، تىم از. سوڭعى كەزدەرى سپورتقا دەگەن قۇشتارلىق قازاق جەتكىنشەكتەرىنىڭ اراسىندا ءتىپتى قۇلدىراپ كەتكەن سياقتى. ەسەسىنە، ساپسيتىپ ساقال قويىپ، شولاق شالبار كيىپ شاۋىپ جۇرگەننىڭ دەنى - قازاق. بۇ نە؟ ءاسىلى، ماسەلە مىنادا بولسا كەرەك. بىرىنشىدەن، بيلىك قازاقتى ەل ەكەن دەپ ەلەگەن ەمەس. كەرسىنشە، كوزىنە قازاق تۇسە قالسا، كىجىنىپ، جەر تەكپىلەپ، تىستەنىپ، جىنىن شاشىپ تۇقىرتىپ باقتى. سودان بايقۇس قازاق تۇتاسىمەن الەۋمەتتىك سولشىل وپپوزيتسياعا اينالدى. قازاقتى جاقسى نارسەگە سەندىرۋدىڭ قيىندىعى، مىنە، سودان شىقتى.

«Abai.kz» اقپاراتتىق پورتالىنىڭ پىكىرلەر الاڭىندا توسىن ويلار ايتىلىپ قالاتىنى بار. تال تۇستە تاراز قالاسىن ءبورى تارتقانداي ەتىپ شۋلاتقان وقيعا تۋراسىنداعى حاباردىڭ «استىن قازىپ» وقىپ وتىرسام اتى-ءجونى كورسەتىلمەگەن  ايتقىشتاردىڭ ءبىرى: «قازاقتار، ءبىر ءبىرىڭدى جارىڭدار. ال ورىس يليا تاعى دا 126 (407) كگ كوتەرىپ، الەمنىڭ التىن چەمپيونى اتاندى!» دەپ جازىپ قويىپتى. ويلانىپ قالدىم. راسىندا، قازاقتىڭ تولەجىپ جاڭا جەتىلىپ كەلە جاتقان ۇرپاعى وقۋعا، بىلىمگە، عىلىمعا، سپورتقا ۇمتىلۋدىڭ ورنىنا قايداعى ءبىر ءدىني اعىمداردىڭ سوڭىنا ەرىپ، دۇمشە ءدىندارلاردىڭ قۋىرشاعىنا اينالىپ بارا جاتقانى نەسى؟ باسقانى بىلاي قويا تۇرالىق، سپورت باسەكەسىندە بوكسشىلار مەن پالۋانداردان باسقاسىنىڭ ءبارى وزگە ۇلتتىڭ ۇلاندارى. ارينە، فۋتبولدا، حوككەيدە، كوركەم گيمناستيكادا ءبىرلى-جارىم قوي كوزدى قوڭىر بالالار ءجۇر. بىراق، تىم از. سوڭعى كەزدەرى سپورتقا دەگەن قۇشتارلىق قازاق جەتكىنشەكتەرىنىڭ اراسىندا ءتىپتى قۇلدىراپ كەتكەن سياقتى. ەسەسىنە، ساپسيتىپ ساقال قويىپ، شولاق شالبار كيىپ شاۋىپ جۇرگەننىڭ دەنى - قازاق. بۇ نە؟ ءاسىلى، ماسەلە مىنادا بولسا كەرەك. بىرىنشىدەن، بيلىك قازاقتى ەل ەكەن دەپ ەلەگەن ەمەس. كەرسىنشە، كوزىنە قازاق تۇسە قالسا، كىجىنىپ، جەر تەكپىلەپ، تىستەنىپ، جىنىن شاشىپ تۇقىرتىپ باقتى. سودان بايقۇس قازاق تۇتاسىمەن الەۋمەتتىك سولشىل وپپوزيتسياعا اينالدى. قازاقتى جاقسى نارسەگە سەندىرۋدىڭ قيىندىعى، مىنە، سودان شىقتى. ەكىنشىدەن، ءوزى جەك كورەتىن قازاقتىڭ بويىندا (بۇل ارادا ءبىز قازاقتىلدى قازاقتار تۋرالى ايتىپ وتىرعانىمىزدى ەسكەرتەمىز) جاسامپازدىقتىڭ، ىزگىلىكتىڭ، ونەر مەن مادەنيەت تۋدىراتىن قابىلەتتىڭ بارىن بيلىك ەسەپكە المادى. تۋراسىنا كوشسەك، مەملەكەت ءوزىنىڭ ىشكى مۇمكىندىگىن تەجەدى، ال، حالىق شارشادى. بارىنەن. قازاقتىڭ ەر-ازاماتىنىڭ ىشكىلىككە سالىنۋى، وزىنە-ءوزى سەنۋدەن قالۋى، وتباسىن اسىراۋدا دارمەنسىزدىك تانىتۋى الگىندەي-الگىندەي سەبەپتەردەن كەلىپ شىعادى. مەن سوتسيولوگ ەمەسپىن. سوتسيولوگ بولسام «قازاق نەگە قاۋىرت ىشىۋگە بەت بۇردى؟» نەمەسە «اق-قاراسىن ايىرماي جاتىپ ءدىني اعىمداردىڭ الاجوڭقاسىنا نەگە ارالاسىپ كەتتى؟» دەگەن ساۋالدارعا  دەرەكتەردى كولدەنەڭ تارتا وتىرىپ جاۋاپ قايتارار ەدىم. الايدا،   رۋحاني قالجىراعان حالىقتىڭ  تاعدىرىن تانۋ ءۇشىن الەۋمەتتىك ماسەلەلەرمەن شۇعىلدانۋدىڭ قاجەتى دە شامالى. جاعداي بىلاي دا تۇسىنىكتى ەمەس پە؟

وسىدان التى-جەتى جىل بۇرىن جۋرناليست گۇلجان ەرعاليەۆانىڭ ءۇيىن بەلگىسىز بىرەۋلەر توناپ كەتكەن-ءدى. ۇرىلار تۋرالى سوندا ءورىستىلدى باسىلىمدار «گۇلجاندى توناعاندار قالاداعى قاڭعىباس، بۇزىق قازاقتار»  دەپ ۇلارداي شۋلاعان-دى. شۋدىڭ كوكەسى ەندى باستالدى. رۋحاني جارىمجان، تۇرمىسى تومەن، قوعامنان لايىقتى ورنىن تاپپاعان قازاقتىڭ وسى شۋلاتقانى شۋلاتقان. «قازاق، كورگەنىڭ ازاپ، بولدىڭ مازاق» دەمەسكە ەندى امال كەم.

«اباي-اقپارات»