سوڭعى ۋاقىتتا ساياساتكەرلەردىڭ كوروناۆيرۋس جۇقتىرعانى تۋرالى ءجيى ەستيتىن بولدىق. بۇعان دەيىن پرەزيدەنتتىڭ ءباسپاسوز حاتشىسى بەرىك ءۋالي ۆيرۋس جۇقتىرعانىن مالىمدەگەن ەدى. ەندى ءماجىلىس توراعاسى نۇرلان نىعماتۋلليننەن «كوۆيدتىڭ» بەلگىلەرى انىقتالىپتى. 

نىعماتۋللين ۆيرۋستى دەنساۋلىق ساقتاۋ ءمينيسترى ءبىرتانوۆتان جۇقتىرۋى مۇمكىن. ءماجىلىستىڭ مالىمەتىنشە، 9-11 ماۋسىم ارالىعىندا ول «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنىڭ جوباسىنا سەنات ەنگىزگەن تۇزەتۋلەرگە بايلانىستى دەنساۋلىق ساقتاۋ ءمينيسترىن قابىلداعان.

ال،14-ماۋسىم كۇنى ءبىرتانوۆ كوروناۆيرۋس جۇقتىرعانىن مالىمدەدى. ودان سوڭ، نىعماتۋللين دە ىلە-شالا تەست تاپسىرعان. سويتسە، ودان كوروناۆيرۋستىڭ سيمپتومسىز ءتۇرى تابىلىپتى. ءسويتىپ ول ءوزىن-ءوزى وقشاۋلاپ، قاشىقتان جۇمىس ىستەۋگە كوشكەن.

جالپى، كوروناۆيرۋس ماجىلىستەن العاش رەت انىقتالىپ تۇرعان جوق. الگىندە دەپۋتات بەكبولات تىلەۋحان دا ۆيرۋس جۇقتىرىپ، اۋرۋحانادا جاتقانىن جازدى.

وسىدان سوڭ ماجىلىسمەندەر جاپپاي وقشاۋلانار دەپ ەدىك. بىراق، ولار جۇمىستارىن جالعاستىرىپ جاتقان سياقتى. ماسەلەن، بۇگىن ۆيتسە-سيپكەر ءماجىلىستىڭ جالپى وتىرىسىن وتكىزىپتى.

ايتا كەتەيىك، ماجىلىستە 107 دەپۋتات بار. ولار ءۇش ساياسي پارتيادان جانە اسسامبلەيادان. وسىلاردىڭ ىشىندە توراعا نىعماتۋلين مەن دەپۋتات تىلەۋحان ىندەت جۇقتىرعانىن اشىق مويىندادى. ءبىرى اۋرۋحانادا ەم قابىلداپ جاتسا، ەكىنشىسى وقشاۋلانىپ، «ۇيىندە» جاتىر. قالعاندار شە؟ قالعان 105 دەپۋتات ۆيرۋسقا قاتىستى تەست تاپسىردى ما؟ ءماجىلىس كارانتينگە كەتە مە؟ ول جايلى رەسمي اقپارات تاراعان جوق.

سونىمەن، قازىر ۆيرۋس بەلگىلەرى انىقتالعان نەمەسە تەست تاپسىرعان، ساقتىق ءۇشىن وقشاۋلانىپ جاتقان شەندىلەر:

بەرىك ءۋالي (قر پرەزيدەنتىنىڭ ءباسپاسوز حاتشىسى),

اسقار مامين (قر پرەمەر-ءمينيسترى),

ەلجان ءبىرتانوۆ (قر دەنساۋلىق ساقتاۋ ءمينيستىرى),

اسحات ايماعامبەتوۆ (قر ءبىلىم جانە عىلىم ءمينيسترى),

ساپارحان وماروۆ (قر اۋىل شارۋاشىلىق ءمينيسترى),

ماعزۇم مىرزاعاليەۆ (قر ەكولوگيا، گەولوگيا جانە تابيعي رەسۋرستار ءمينيسترى)

نۇرلان ەرمەكباەۆ (قر قورعانىس ءمينيسترى),

نۇرلان نىعماتۋلين ء(ماجىلىس توراعاسى),

بەكبولات تىلەۋحان ء(ماجىلىس دەپۋتاتى),

بەردىبەك ساپارباەۆ (جامبىل وبلىسىنىڭ اكىمى),

Abai.kz