مۇراتحان ماحمەت: ماگيستراتۋرا مەن دوكتورانتۋراعا قابىلداۋدىڭ جاڭا ءتارتىبى قابىلداندى (سۇحبات)
بيىلعى وقۋ جىلىنداعى ماگيستراتۋرا مەن دوكتورانتۋراعا قابىلداۋدىڭ جاڭا ءتارتىبى تۋرالى ۋنيۆەرسيتەت وقۋ-ادىستەمەلىك باسقارماسىنىڭ باسشىسى مۇراتحان ماحمەتپەن سۇحباتتاستىق.
– بيىل نۇر-مۇباراك ۋنيۆەرسيتەتى قانداي ءبىلىم بەرۋ باعدارلامالارى بويىنشا ماگيستراتۋرا مەن دوكتورانتۋراعا تالاپكەرلەر قابىلدايدى؟
– ۋنيۆەرسيتەت يسلامتانۋ جانە ءدىنتانۋ ءبىلىم بەرۋ باعدارلامالارى بويىنشا جوعارى وقۋ ورنىنان كەيىنگى ءبىلىم بەرۋ بولىمىنە ازاماتتاردى قابىلدايدى. ال قابىلداۋ – رەسپۋبليكالىق نەمەسە جەرگىلىكتى بيۋدجەت قاراجاتى ەسەبىنەن ءبىلىم بەرۋ گرانتىن تاعايىنداۋ جانە ءبىلىم الۋشىلاردىڭ ءوز قاراجاتى مەن باسقا دا كوزدەر ەسەبىنەن وقۋعا اقى تولەۋى ارقىلى جۇزەگە اسىرىلادى.
– ماگيستراتۋرا بولىمىنە قۇجات قابىلداۋ مەرزىمى قالاي بەكىتىلگەن جانە تالاپكەرلەر قانداي قۇجاتتار وتكىزۋى كەرەك؟
– نۇر-مۇباراك ۋنيۆەرسيتەتىنىڭ ماگيستراتۋراسىنا تۇسۋشىلەردىڭ وتىنىشتەرىن ۋنيۆەرسيتەتتىڭ قابىلداۋ كوميسسياسى قابىلدايدى. ازاماتتاردان قۇجات قابىلداۋ كۇنتىزبەلىك جىلدىڭ 15 ماۋسىمى مەن 15 شىلدە ارالىعىندا جۇرگىزىلەدى. ماگيستراتۋرا ءبىلىم بەرۋ دەڭگەيىنە ءتۇسۋشى تۇلعالاردان – ءوتىنىش، ديپلوم، جەكە ءىس پاراعى، 6 دانا سۋرەت، 086-ۋ فورماسىنداعى مەديتسينالىق انىقتاما، جەكە كۋالىك كوشىرمەسى جانە عىلىمي نەمەسە عىلىمي-ادىستەمەلىك جۇمىستاردىڭ ءتىزىمى قاتارلى قۇجاتتار تالاپ ەتىلەدى.
كورسەتىلگەن قۇجاتتار تىزبەسىن تولىق ۇسىنباعان جاعدايدا، قابىلداۋ كوميسسياسى تۇسۋشىلەردەن قۇجاتتاردى قابىلدامايدى.
– ماگيستراتۋراعا قابىلداۋ ءۇشىن تالاپكەرلەردەن قانداي ءتۇسۋ ەمتيحاندارىن تاپسىرۋ تالاپ ەتىلەدى؟
– يسلامتانۋ ءبىلىم بەرۋ باعدارلاماسى بويىنشا ماگسيتراتۋراعا ءتۇسۋشى ۇمىتكەر 20-28 شىلدە ارالىعىندا اراب ءتىلى بويىنشا ءتۇسۋ ەمتيحانىن جانە 1-15 تامىز ارالىعىندا «دىندەر تاريحى» جانە «قازاقستانداعى قازىرگى ءدىني جاعداي» پاندەرى بويىنشا قازاق نەمەسە ورىس تىلىندەگى تەستتەن تۇراتىن كەشەندى تەستىلەۋ تاپسىرادى.
ال ءدىنتانۋ ءبىلىم بەرۋ باعدارلاماسى بويىنشا 1-15 تامىز ارالىعىندا شەت ءتىلى (اعىلشىن، فرانتسۋز، نەمىس تىلدەرى), «دىندەر تاريحى» جانە «قازىرگى داستۇردەن تىس ءدىني قوزعالىستار جانە كۋلتتەر» قاتارلى پاندەر بويىنشا قازاق نەمەسە ورىس تىلىندەگى كەشەندى تەستىلەۋدى تاپسىرادى.
– ءدىنتانۋ ءبىلىم بەرۋ باعدارلاماسىنا تۇسەتىن تۇلعالار اعىلشىن ءتىلىن تاپسىرۋدىڭ ورنىنا قانداي دا ءبىر سەرتيفيكاتتار تاپسىرا الا ما، بولسا قانداي؟
– شەت ءتىلىن مەڭگەرۋدىڭ جالپىەۋروپالىق قۇزىرەتتەرىنە (ستاندارتتارىنا) سايكەس، شەت ءتىلىن مەڭگەرگەنىن راستايتىن ءبىر حالىقارالىق سەرتيفيكاتتارى بار تۇلعالار كت-نىڭ شەت ءتىلى بويىنشا تومەندەگىدەي تەستىنەن بوساتىلادى;
– اعىلشىن ءتىلى: International English Language Tests System (ينتەرناشنال ينگليش لانگۋدج تەستس سيستەم (IELTS (ايلتس), شەكتى بالل – كەمىندە 6.0;
– IELTS INDICATOR (ايتلس ينديكاتور), شەكتى بالل – كەمىندە 6,0;
– Test of English as a Foreign Language Institutional Testing Programm (تەست وۆ ينگليش از ا فورين لانگۋدج ينستيتيۋشنال تەستينگ پروگرامم) (TOEFL ITP (تويفل ايتيپي), شەكتى بالل – كەمىندە 543;
–Test of English as a Foreign Language Institutional Testing Programm (تەست وۆ ينگليش از ا فورين لانگۋدج ينستيتيۋشنال تەستينگ پروگرام) Internet-based Test (ينتەرنەت بەيزيد تەست) (TOEFL IBT (تويفل ايبيتي), شەكتى بالل – كەمىندە 60;
–TOEFL PBT (تەست وۆ ينگليش از ا فورين لانگۋدج پەيپەر بەيسەد تەستينگ) Test of English as a Foreign Language Paper-based testing, شەكتى بالل – كەمىندە 498;
– Duolingo English Test (دۋولينگو ينگليش تەست), شەكتى بالل – كەمىندە 95;
– CEFR (Common European Framework of Reference – سيەفار (كوممون يۋروپيان فرەيمۋورك وۆ رەفەرەنس), شەكتى بالل – ۆ2;
– نەمىس ءتىلى: Deutsche Sprachpruەfung fuەr den Hochschulzugang (دويچە ششپراحپريۋفۋن فيۋر دەين حوحشۋلتسۋگان) (DSH, NiveauC1/س1 دەڭگەيى), TestDaF-Prufung (تەستداف-پريۋفۋن) (NiveauC1/س1 دەڭگەيى);
– فرانتسۋز ءتىلى: Test de Franزais International™ – تەست دە فرانسە ينتەرناسيونال (TFI (تفي) – وقۋ جانە تىڭدالىم سەكتسيالارى بويىنشا B1 دەڭگەيدەن تومەن ەمەس), Diplome d’Etudes en Langue franزaise – ديپلوم دەتيۋد ان لانگ فرانسەز (DELF (دەلف), B2 دەڭگەيى), Diplome Approfondi de Langue franزaise – ديپلوم اپپروفوندي دە لانگ فرانسەز (DALF (دالف), C1 دەڭگەيى), Test de connaissance du franزais – تەست دە كوننەسسانس ديۋ فرانسە (TCF (تسف) – كەمىندە 50 بالل).
– 2020-2021 وقۋ جىلىنداعى دوكتورانتۋراعا قۇجات قابىلداۋ كەزەڭى قالاي بەكىتىلىپ وتىر؟
– نۇر-مۇباراك ۋنيۆەرسيتەتىنىڭ دوكتورانتۋراسىنا وتىنىشتەردى قابىلداۋ كۇنتىزبەلىك جىلدىڭ 3 شىلدە-3 تامىز ارالىعىنا دەيىن جۇرگىزىلەدى. دوكتورانتۋراعا ءبىلىم بەرۋ باعدارلامالارىنىڭ توبى بويىنشا ءتۇسۋ ەمتيحاندارى كۇنتىزبەلىك جىلدىڭ 4-20 تامىز ارالىعىندا وتكىزىلەدى.
– دوكتورانتۋرا ءتۇسۋشى تالاپكەرلەر ۋنيۆەرسيتەت قابىلداۋ كوميسسياسىنا قانداي قۇجاتتار وتكىزۋى قاجەت؟
– دوكتورانتۋرا ءتۇسۋشى تالاپكەرلەر رەكتوردىڭ اتىنا ءوتىنىش، جەكە كۋالىگىنىڭ كوشىرمەسى، ماگيستر ديپلومى، وتاندىق نەمەسە شەتەلدىك عىلىمي كەڭەسشىلەر كەلىسىمى بويىنشا جوبالانعان ديسسەرتاتسيالىق زەرتتەۋدىڭ نەگىزدەمەسى، عىلىمي جانە عىلىمي-ادىستەمەلىك جۇمىستاردىڭ ءتىزىمى، جۇمىس ورنىنان نەمەسە جوعارعى وقۋ ورنىنان رەسمي بلانكتە جازىلعان ۇسىنىس حات، كادرلار ەسەبى بويىنشا جەكە ءىس پاراعى جانە ەڭبەك قىزمەتىن راستايتىن قۇجاتتىڭ نوتاريالدى راستالعان كوشىرمەسى، ەڭبەك ءوتىلى رەتىندە كورسەتىلگەن مەرزىمگە سايكەس كەلەتىن زەينەتاقى اۋدارىلىمدارىن راستايتىن قۇجات، 3×4 كولەمدەگى 6 فوتوسۋرەت، 086-ۋ نىسانىنداعى مەديتسينالىق انىقتاما قاتارلى قۇجاتتار وتكىزۋى قاجەت.
– تالاپكەرلەر دوكتورانتۋرا ءبىلىم بەرۋ باعدارلامالارىنا قابىلدانۋ ءۇشىن قانداي ەمتيحاندار تاپسىرۋى كەرەك؟
– دوكتورانتۋراعا تۇسۋشىلەر شەت ءتىلىن ماڭگەرۋدىڭ جالپىەۋروپالىق قۇزىرەتتىلىككە (ستاندارتتارىنا) سايكەس، شەت ءتىلىن مەڭگەرگەندىگىن راستايتىن حالىقارالىق سەرتيفيكاتتاردى ۇسىنادى جانە ءوزى تاڭداعان ءبىلىم بەرۋ باعدارلامالارى توپتارىنىڭ بەيىنى بويىنشا ءتۇسۋ ەمتيحانىن تاپسىرادى.
– دوكتورانتۋراعا تۇسۋشىلەر ءۇشىن شەت ءتىلىن مەڭگەرگەندىگىن راستايتىن حالىقارالىق سەرتيفيكاتتاردىڭ شەكتىك بالى قانداي بولۋ كەرەك؟
– دوكتورانتۋراعا تۇسۋشىلەر شەت ءتىلىن ماڭگەرۋدىڭ جالپىەۋروپالىق قۇزىرەتتىلىككە (ستاندارتتارىنا) سايكەس، شەت ءتىلىن مەڭگەرگەندىگىن راستايتىن حالىقارالىق سەرتيفيكاتتاردى ۇسىنادى:
– اعىلشىن ءتىلى: International English Language Tests System (ينتەرناشنال ينگليش لانگۋدج تەستس سيستەم (IELTS (ايلتس), شەكتى بالل – كەمىندە 5,5;
– IELTS INDICATOR (ايتلس ينديكاتور), شەكتى بالل – كەمىندە 5,5;
– Test of English as a Foreign Language Institutional Testing Programm (تەست وۆ ينگليش از ا فورين لانگۋدج ينستيتيۋشنال تەستينگ پروگرامم) (TOEFL ITP (تويفل ايتيپي), شەكتى بالل – كەمىندە 460;
– Test of English as a Foreign Language Institutional Testing Programm (تەست وۆ ينگليش از ا فورين لانگۋدج ينستيتيۋشنال تەستينگ پروگرام) Internet-based Test (ينتەرنەت بەيزيد تەست) (TOEFL IBT (تويفل ايبيتي), شەكتى بالل – كەمىندە 46);
– Test of English as a Foreign Language Paper-based testing (TOEFL PBT (تەست وۆ ينگليش از ا فورين لانگۋدج پەيپەر بەيسەد تەستينگ)) شەكتى بالل – كەمىندە 453;
– Duolingo English Test (دۋولينگو ينگليش تەست), شەكتى بالل – كەمىندە 85;
CEFR (Common European Framework of Reference — سيەفار (كوممون يۋروپيان فرەيمۋورك وۆ رەفەرەنس), شەكتى بالل – ۆ2,
– نەمىس ءتىلى: Deutsche Sprachpruەfung fuەr den Hochschulzugang (دويچە ششپراحپريۋفۋن فيۋر دەين حوحشۋلتسۋگان) (DSH, Niveau ۆ2/ۆ2 دەڭگەيى), TestDaF-Prufung (تەستداف-پريۋفۋن) (Niveau ۆ2/ۆ2 دەڭگەيى);
– فرانتسۋز ءتىلى: Test de Franزais International™ – تەست دە فرانسە ينتەرناسيونال (TFI (تفي) – وقۋ جانە تىڭدالىم سەكتسيالارى بويىنشا B1 دەڭگەيدەن تومەن ەمەس), Diplome d’Etudes en Langue franزaise – ديپلوم دەتيۋد ان لانگ فرانسەز (DELF (دەلف), B2 دەڭگەيى), Diplome Approfondi de Langue franزaise — ديپلوم اپپروفوندي دە لانگ فرانسەز (DALF (دالف), C1 دەڭگەيى), Test de connaissance du franزais – تەست دە كوننەسسانس ديۋ فرانسە (TCF (تسف) – كەمىندە 50 بالل).
– ماگيستراتۋرا جانە دوكتورانتۋراعا ۇمىتكەرلەردىڭ ۋنيۆەرسيتەتكە قابىلدانۋىنداعى شەكتى بالى قانداي؟
– ماگيستراتۋراعا تۇلعالاردى اقىلى نەگىزدە قابىلداۋ ءۇشىن ۇمىتكەر كەشەندى تەستىلەۋدىڭ قورىتىندىسى بويىنشا 150 بالدىق باعالاۋعا سايكەس كەمىندە 50 بالل جيناۋى كەرەك، بۇل رەتتە: شەت ءتىلى (يسلامتانۋ ءبىلىم بەرۋ باعدارلاماسى ءۇشىن اراب تىلىنەن) بويىنشا – كەمىندە 25 بالل، ءبىلىم بەرۋ باعدارلامالارى توبىنىڭ بەيىنى بويىنشا: ءبىر دۇرىس جاۋاپ تاڭداۋ بويىنشا – كەمىندە 7 بالل، ءبىر نەمەسە بىرنەشە دۇرىس جاۋاپ تاڭداۋ بويىنشا – كەمىندە 7 بالل، وقۋعا دايىندىعىن انىقتاۋعا ارنالعان تەست بويىنشا – كەمىندە 7 بالل جيناعان جاعدايدا جۇزەگە اسىرىلادى.
ال دوكتورانتۋراعا تۇلعالاردى قابىلداۋ شەت ءتىلىن مەڭگەرۋدىڭ جالپىەۋروپالىق قۇزىرەتتەرىنە (ستاندارتتارىنا) سايكەس، شەت ءتىلىن مەڭگەرگەنىن راستايتىن حالىقارالىق سەرتيفيكاتىنىڭ نەگىزىندە جانە ءبىلىم بەرۋ باعدارلامالارى بويىنشا ءتۇسۋ ەمتيحانىنىڭ قورىتىندىسى بويىنشا مۇمكىن بولعان 100 بالدان كەمىندە 50 بالل جيناعان جاعدايدا جۇزەگە اسىرىلادى.
مەملەكەتتىك ءبىلىم گرانتى بويىنشا دوكتورانتۋرادا ءبىلىم الۋ ءۇشىن ءتۇسۋ ەمتيحانىنان كەمىندە 75 بالل جيناعان تۇلعالار كونكۋرستىق نەگىزدە قابىلدانادى.
– كەشەندى تەستىلەۋ جانە شەت تىلىنەن ءتۇسۋ ەمتيحاندارىن تاپسىرۋ بارىسىندا تالاپكەرلەر نەگە كوڭىل ءبولۋى كەرەك؟
– ءاربىر تالاپكەر ەمتيحانعا كىرگەننەن كەيىن ەمتيحان تاپسىرۋ ءتارتىبىن قاتاڭ ساقتاۋى ءتيىس. مەتالل ىزدەگىش تەكسەرگەننەن كەيىن تەستىلەنۋشىدە تىيىم سالىنعان زاتتار انىقتالعان جاعدايدا، ءتيىستى اكت جاسايدى جانە وقۋعا ءتۇسۋشى اعىمداعى جىلى تەستىلەۋگە جىبەرىلمەيدى. كەشەندى تەستىلەۋ ناتيجەلەرىنە تالداۋ ەنگىزىلەدى، كەشەندى تەستىلەۋ بەينەجازبالارىن قاراۋ جۇرگىزىلەدى جانە تىيىم سالىنعان زاتتاردىڭ پايدالانىلۋى، سونداي-اق كەشەندى تەستىلەۋ وتكىزۋ ەرەجەلەرىن بۇزۋ انىقتالعان جاعدايدا، كەشەندى تەستىلەۋ ناتيجەلەرى مەن ءبىلىم بەرۋ گرانتتارىن تاعايىنداۋ كونكۋرسىنىڭ ناتيجەلەرى جويىلادى.
– بيىلعى قابىلداۋ ەرەجەلەرىندە تاعى قانداي جاڭا وزگەرىستەر بولعانىن ايتا كەتسەڭىز…
– باسىندا ايتىپ وتكەنىمىزدەي، بيىل يسلامتانۋ ءبىلىم بەرۋ باعدارلاماسى سياقتى اراب ءتىلىن ءبىلۋدى قاجەت ەتەتىن ماماندىقتار ءۇشىن اراب تىلىنەن ءتۇسۋ ەمتيحانىن تاپسىرۋعا رۇقسات بەرىلدى. سونىمەن قاتار، ماگيستراتۋراعا تۇسۋشىلەر ءۇشىن IELTS, TOEFL شەت ءتىلىن مەڭگەرگەندىگىن راستايتىن حالىقارالىق سەرتيفيكاتتاردىڭ بالدارى 6.0-گە دەيىن ارتتى. ماگيستراتۋرادا شەت ءتىلىن مەڭگەرگەندىگىن راستايتىن حالىقارالىق سەرتيفيكاتتار تىزبەسىنە ەنگىزىلدى — IELTS INDICATOR (ايتلس ينديكاتور) – كەمىندە 6,0, DuolingoEnglishTest (دۋولينگو ينگليش تەست) – كەمىندە 95.
– جاڭا وقۋ جىلىنا تالاپكەرلەر قابىلداۋدا ۋنيۆەرسيتەت پرورەكتورىنىڭ بۇيرىعىمەن قابىلداۋ كوميسسياسى قۇرىلعانى بەلگىلى. جالپى، وسى كوميسسيا قانداي قىزمەتتەر اتقارادى؟
– قابىلداۋ كوميسسياسى ۋنيۆەرسيتەت كونتيگەنتىن قالپتاستىرۋداعى ماڭىزدى قۇرىلىم. اتالعان كوميسسيا تالاپكەرلەردى ماگيستراتۋراعا قابىلداۋدا تۇسۋشىلەرگە تاڭداعان ءبىلىم بەرۋ باعدارلامالارى توبىنىڭ ماسەلەلەرى بويىنشا كونسۋلتاتسيا بەرۋدى، كەشەندى تەستىلەۋ، ءتۇسۋ ەمتيحانىنىڭ راسىمىمەن تۇسىندىرەدى. سونداي-اق، اراب تىلىنەن ءتۇسۋ ەمتيحانىن وتكىزۋدى ۇيىمداستىرادى.
ال دوكتورانتۋراعا قابىلداۋ ۇدەرىسى كەزىندە قابىلداۋ كوميسسياسى تۇسۋشىلەرگە تاڭداعان ءبىلىم بەرۋ باعدارلامالارى بويىنشا كونسۋلتاتسيا بەرىپ، ءتۇسۋ ەمتيحانىنىڭ راسىمىمەن تانىستىرادى، تۇسۋشىلەردىڭ قۇجاتتارىن قابىلدايدى جانە تەكسەرۋدى ۇيىمداستىرادى. سونىمەن قاتار، ءبىلىم بەرۋ باعدارلامالارى بويىنشا ءتۇسۋ ەمتيحاندارىن وتكىزۋدى ۇيىمداستىرۋدى جۇزەگە اسىرادى.
سۇحباتتاسقان: اقتولقىن تاجيكوۆا
Abai.kz
