ءماجىلىس جۋرناليستەرگە ارنالعان «پارلامەنت ءسوزى» سىيلىعىنىڭ قورىتىندىسىن جاريالاپ، ارناۋلى اتالىمدار بويىنشا جەڭىمپازدارىن انىقتادى.

قۇرامىندا ءماجىلىس دەپۋتاتتارى، كورنەكتى قوعام قايراتكەرلەرى، پارتيا وكىلدەرى كىرەتىن كوميسسيا شەشىمى بويىنشا وسى جىلى جەڭىمپازدار جەتى اتالىم بويىنشا سايىسقا ءتۇستى.

ءماجىلىس توراعاسى نۇرلان نىعماتۋلين «پارلامەنت ءسوزى»، سىيلىعىنىڭ جەڭىمپازدارىنا، سونداي-اق، بارشا بۇقارالىق اقپارات وكىلدەرىنە كاسىبي مەرەكەگە وراي قۇتتىقتاۋ لەبىزىن جەتكىزدى.

وسى رەتتە، نۇرلان نىعماتۋلين جۋرناليستەر مەن دەپۋتاتتىق كورپۋستىڭ بىرلەسكەن ناتيجەلى جۇمىسىنا باسا نازار اۋدارا كەلىپ، زاڭ شىعارۋ جۇمىسىنا بەلسەنە قاتىسقان تىلشىلەر قاۋىمىنىڭ ەڭبەگىنە توقتالدى.

«پارلامەنتتىك جۋرناليستيكانى دامىتۋعا قوسقان ۇلەسى ءۇشىن» اتالىمى بويىنشا «Qazaqstan dauiri» باس ديرەكتورى ساۋلە مەشىتباەۆا جانە «كاراۆان» گازەتىنىڭ باس رەداكتورى يگور شاحنوۆيچكە بەرىلسە، «ۇزدىك تەلەۆيزيالىق سيۋجەت ءۇشىن» نوميناتسياسىن «حابار» تەلەارناسىنىڭ ءتىلشىسى ينديرا جىلقايداروۆا جانە  «ەۋرازيا» ءبىرىنشى ارناسىنىڭ» ءتىلشىسى سۆەتلانا پەنكوۆا جەڭىپ الدى.

ال، «ۇزدىك باسپا جاريالانىمى ءۇشىن» نوميناتسياسىن «ەگەمەن قازاقستان» گازەتىنىڭ ءتىلشىسى تەمىر قۇساينوۆ پەن «ليتەر» گازەتىنىڭ ۇجىمى يەلەندى.

«ۇزدىك ينتەرنەت جانە راديو ماتەريالى» نوميناتسياسىن «Abai.kz» اقپاراتتىق پورتالى جانە سەرىك سابەكوۆ («Kazinform») يەلەندى.

«پارلامەنت ءسوزى» سىيلىعىنىڭ «ارنايى رەپورتاج» نوميناتسياسىن «قازاق راديولارى» جانە «حابار 24» تەلەارناسىنىڭ كوررەسپوندەنتى مارك بريۋشكو جەڭىپ الدى.

«ۇزدىك بەينە – سۋرەت ماتەريالى ءۇشىن» نوميناتسياسىن «Nur Media» ءفوتوتىلشىسى سوۆەتبەك ماعزۋموۆ جانە «حابار» تەلەارناسىنىڭ باس وپەراتورى ەدىل ەرمەكباەۆ يەلەندى.

سونداي-اق، بيىل الەۋمەتتىك جەلىدەگى ۇزدەكتەر انىقتالدى. ولار  «الەۋمەتتىك    جەلىدەگى ۇزدىك ماتەريال ءۇشىن» نوميناتسياسىن العاش رەت جۋرناليست-بلوگەر وركەن كەنجەبەك جانە YEDILOV ONLINE Telegram-كانالىنىڭ اۆتورى ەربول ەدىلوۆ يەلەندى.

سونىمەن قاتار، ءماجىلىس توراعاسى نۇرلان نىعماتۋليننىڭ باستاماسىمەن بيىلعى جىلى «پارلامەنت ءسوزى» ارنايى سىيلىعى» نوميناتسياسى جۋىق ارادا عانا دۇنيەدەن وتكەن بەلگىلى قازاقستاندىق جۋرناليست بەيسەن قۇرانبەككە بەرىلدى.

ءماجىلىس توراعاسىنىنىڭ ايتۋىنشا، بەيسەن قۇرانبەكتەي وتاندىق تەلەۆيزيانىڭ دامۋىنا زور ۇلەس قوسقان، ءبىلىمدى، تاجىريبەلى ازاماتتىڭ ەڭبەگى حالىقتىڭ قوشەمەتىنە لايىق.

ايتا كەتۋ كەرەك، 2016 جىلدان باستاپ جىل سايىن وتكىزىلەتىن سىيلىق قورىتىندىسىن شىعارۋ ەلىمىزدە ورىن العان كوروناۆيرۋس ىندەتىنە بايلانىستى بيىلعى جىلى بىرقاتار وزگەرىستەرگە ۇشىرادى.

ءماجىلىس «پارلامەنت ءسوزى» سىيلىعىنىڭ يەگەرلەرىن ءماجىلىس سيمۆوليكاسى بەينەلەنگەن مۇسىنشەلەرمەن جانە ارنايى ديپلومدارمەن ماراپاتتاۋدى پارلامەنتتىڭ كۇزگى سەسسياسىندا وتكىزەدى دەپ جوسپارلاۋدا.

Abai.kz