بۇل تۋرالى جۇرت ايتۋدايىن ايتىپ جاتىر. الايدا، جەلىدە "ەندى پۋتين كوپ ۇزاماي سوزدەن ىسكە كوشەدى" دەگەن بولجام ايتۋشى ءپۋتينشىل ساراي ساراپشىلارىنىڭ پىكىرى شىعىپتى...
نە ايتۋعا بولادى؟

1. پۋتين بۇرىننان دا قازاقستان تاراپىنان ءبىر نارسەگە كەلىسپەۋشىلىك تۋا قالسا - "قازاقستاردا مەملەكەت بولماعان", "ورىس ءتىلىن قىسپاققا الدى", "ۇلتشىلدار قىسىم كورسەتىپ جاتىر" جانە ت.ت. مىڭ ءبىر سىلتاۋ تاۋىپ، ينفورماتسيالىق شابۋىلعا شىعاتىن...

مىسالى، ءپۋتيننىڭ كەزەكتى سونداي سوزىنەن كەيىن قازاقستان 2013 جىلى، ەكى جىل كەشىگىپ ابىلاي حاننىڭ 300 جىلدىعىن اتاپ وتكەن ەدى...

2. سول سياقتى، "مەملەكەتى بولماعان" دەگەن ءسوزدى قاۋزاي بەرگەن سوڭ، 2015 جىلى قازاق حاندىعىنىڭ 550 جىلدىعىن اتاپ ءوتىپ، ءوزىمىزدىڭ تاريحىمىزدى ءبىراز تۇگەندەپ الىپ ەدىك...

3. ەندى پۋتين تاعى دا كەزەكتى بىقسىقتى تۇتاتتى...

سەبەبى، جۋىردا عانا ق.توقاەۆ ەاەو اياسىندا رەسەيدىڭ ەكونوميكالىق وداقتى ساياسيلاندىرۋىنا قارسى ەكەنىن اشىپ ايتىپ، رەسەي دايىنداعان قۇجاتقا قول قويدىرماي تارقاپ ەدى...

مىنە، سول كەزدە الەمدە ءبىرشاما بەدەلگە يە ق.توقاەۆقا ناقتى باتىپ ەشتەڭە ايتا الماعانىمەن، وسىنى كەك تۇتىپ، ءتىسىن قايراپ قالعان پۋتين، ءبىرشاما ۋاقىت وتكىزىپ بارىپ، بۇرىنعى ادەتىمەن جوعارىداعى ءسوزدى ايتىپ، ساراي بۇلبۇلدارىن سايراتىپ وتىر...

ارينە، قازاقستان بيلىگى تاراپىنا "بىقسىقتى" ۇرلەپ، شوققا اينالدىرۋ ءتيىمدى ەمەس...

سوندىقتان، بۇل ماسەلەنى قوعام بولىپ كوتەرىپ، ءوز ۇيىندەگى جاعدايدى رەتكە كەلتىرە الماي، حالقى مىڭ-مىڭداپ دەمونستراتسيالاپ جاتقان "وتە ناشار ورىس يمپەرياليستەرىنە" اقپاراتتىق تۇرعىدان ناقتى جاۋاپ بەرۋگە ءتيىستىمىز.

ءابدىراشيت باكىرۇلىنىڭ جەلىدەگى جازباسى

Abai.kz