ولار وزدەرىن نۇر-سۇلتان قالاسىنىڭ اكىمدىگىنەنبىز دەپ تانىستىرادى. باسىندا ولار كوپ بالالى انالارعا استانادان ءۇي كەزەگىڭىز كەلىپ تۇر دەپ حابارلاساتىن. ول ءۇشىن بۇعاتتالعان شوتىڭىزدى اشۋ كەرەك. ونسىز ءۇي اتىڭىزعا راسىمدەلمەيدى. كوللەكتورلىق كومپانياعا وتكەن كرەديتىڭىز بار ەكەن، شۇعىل جابىڭىز دەيتىن. ءبىزدىڭ ون شاقتى اناعا وسىلاي استانادان زۆونوكتار جاسالدى. استانادان ءۇي بەرىلەدى ەكەن دەپ، قارىزدىڭ ۇستىنە قارىز العاندار بار.

قازىر كوللەكتورلار زامان اعىمىنا ىلەسىپ ۇلگەرىپتى. كەشە ءبىزدىڭ ءبىر اناعا 505 مىڭ تەڭگە گرانت ۇتتىڭىز، قازپوشتاداعى شوتىڭىز باعىتتالعان، كرەديتىڭىزدى تولەپ اشتىرىڭىز، اقشا اۋدارا الماي تۇرمىز دەپ حابارلاسىپتى. ول انا جاڭا كرەديت راسىمدەمەك.

ول تەلەفوندار، اۋديولار ءبىزدىڭ انالاردا بار، ءبىر-ەكى كوللەكتورعا زۆونداپ، حالىقتى نەگە الدايسىز، نەسيەنى زاڭدى جولمەن قايتارتىڭىز دەگەنمىن. مۇنداي زۆانوك كوللەكتورلار اراسىندا داستۇرگە اينالعان عوي دەيمىن. بارىمەن سويلەسۋ، قارىزدان قاجىعان حالىقتى قورقىتىپ-ۇركىتۋ، بوپسالاۋدى تىيۋ مۇمكىن ەمەس ەكەن.

ول زۆونوكتارعا ورتاق دۇنيە، بارلىعى وزدەرىن نۇر-سۇلتانداعى حالىقتى جۇمىسپەن قامتۋ ءبولىمى مەن تۇرعىنۇي-قاتىناستارى ءبولىمىنىڭ مامانىمىز دەپ تانىستىرادى. مەملەكەتتىك ورگاننىڭ اتىن جامىلىپ، ەلدى اداستىرىپ وتىر. ۇكىمەت كارانتين كەزىندە قارجىلىق وپەراتسيالارعا جەڭىلدىكتەر قاراستىرىپ وتىرعاندا، كوللەكتورلاردىڭ ەلگە قىسىم جاساۋىنا توسقاۋىل قويعان دۇرىس.

وسىنداي قوڭىراۋ العان تانىستارىڭىز بارما؟

ءلاززات قوجاحمەتتىڭ الەۋمەتتىك جەلىدەگى جازباسى

Abai.kz