ءبىز سوعىستى كورگەن جوقپىز! بىراق سوعىستىڭ ءوز ەرەجەسى بار. دۇشپاندارىڭ قاي قالانى باسىپ العانىن، قالانى قالاي ازات ەتۋگە بولاتىنىن بىلەسىڭ.
Covid-19 - ەرەجەسى بار ھəم ەرەجەسى جوق سوعىس. Covid-19 - بۇكىل əلەم ەرىكتەن تىس قاتىسىپ جاتقان سوعىس.

كەشە-بۇگىن əلەۋمەتتىك جەلىدە "توقاەۆ تەلەارنادا نەشەدە سويلەيدى؟ پرەزيدەنت نە ايتادى ەكەن؟" دەپ جازىپ جاتقان ادامداردى كورىپ، كوڭىلىم تولقىپ، جىلاعىم كەپ كەتتى. ولار پرەزيدەنتتەن ءۇمىت از ەكەنىن بىلەدى، كوبىسى ءتىپتى سەنبەيدى، حالىق اۋىرىپ، əلەم كۇڭىرەنىپ كەتكەسىن "پرەزيدەنت قوي، ءبىر شەشىمىن تابار" دەپ ءبىر ءۇمىت كۇتەدى. ال بيلىكتەگى شەنەۋنىكتەر جاۋاپكەرشىلىكتى سەزىنە مە؟

"كورول گوۆوريت" فيلمىندە انگليانىڭ سول كەزدەگى كورولى گەورگ VI راديودان سويلەيتىن بولادى. بۇكىل انگليا حالقى وسى ءسəتتى تاعاتسىزدانا كۇتەدى. كورول باستاپقىدا كەكەشتەنىپ، لوگوپەدتىڭ كومەگىمەن əيتەۋىر سويلەپ شىعادى. سوندا قۋانعان، كورولدىڭ سوزىنەن رۋحتانعان، شابىتتانعان، سوعىستا جەڭەتىنىنە سەنگەن حالىق بالاشا قۋانادى.

گەورگ VI كەكەش بولسا، ءبىزدىڭ شەنەۋنىكتەردىڭ رۋحى كەكەش عوي. بۇل بəرىنەن قاۋىپتى.

سانالى انا اۋىرىپ جاتقان بالاسىن تاستاپ، قىدىرىپ، توي تويلامايدى. مىنانداي الاساپىران ۋاقىتتا مىڭ جەردەن ساياسات بولسا دا، پرەزيدەنتكە شەتەلدە وتەتىن جيىنعا بارۋعا بولمايدى.

باسقا قاراپايىم جۇرت "توقاەۆ شەتەلدە ءجۇر" دەپ قىدىرۋىن، تويلاۋىن قويمايدى.

جىل سايىن استانانىڭ تويىن تويلاپ، پايداسى جوق فورۋمدار وتكىزدىڭدەر. شەتەلدىكتەر قازى-قارتاڭدى جەپ، قىمىزىڭدى ءىشىپ، كەكىرىپ، بەتىڭە ماقتاپ، ىشىنەن "سونشا شاشىلعان داراقى قازاق" دەپ كەتتى.

Əلەمگە تانىلعان ءبىر جازۋشىڭ جوق. نوبەلدى ايتپاعاندا، بۋكەردى العان جازۋشىڭ جوق. قايتا-قايتا əدەبيەت سالاسىندا فورۋم وتكىزىپ، قانشا ميلليوندى جەلگە شاشتىڭدار؟

اقشانى پايداسىز فورۋمدارعا ەمەس، عىلىمعا، مەديتسيناعا، فيزيكا، ماتەماتيكا، حيمياعا، ناقتى عىلىمدارعا ءبولۋ كەرەك.

"بولاشاقپەن" وقىپ جاتقان، مەملەكەت جىلىنا پəلەن ميلليلون تولەپ جاتقان گۋمانيتارلار نە جاڭالىق اشىپ جاتىر؟

2013 جىلى رۋدن-گە ءوز كۇشىممەن ءتۇستىم. 1200 رۋبل ستيپەنديا الدىم. سول جىلى "بولاشاقپەن" وقىعاندار 40 000 رۋبل الدى. ياعني، مەن ءرۋبلدىڭ سول كەزدەگى كۋرسىمەن 6000 تەڭگە، "بولاشاقپەن" وقىعاندار 200000 تەڭگە الدى. فاكت ءۇشىن جازىپ وتىرمىن. ("بولاشاقپەن" رەسەيدە وقيتىندار قازىر قانشا مىڭ ستيپەنديا الاتىنىن بىلمەيمىن. ەگەر قاتەلەسپەسەم "بولاشاقتىڭ" ەڭ تومەنگى ستيپەندياسىن رەسەيدە وقيتىندار السا كەرەك).

"بولاشاق" تۋرالى جازعىم كەلمەيدى. ينتەللەكتىسى تومەن ادامدار "قىزعانىپ جاتىر" دەپ ويلايدى. مەن ەشقاشان "بولاشاقپەن" وقىعىم كەلمەيدى. سەبەبى، مەن تəۋەلدىلىكتى جەك كورەم.

قازىر əلەمنىڭ مىقتى ۋنيۆەرسيتەتتەرى گرانت بولەدى. شىن ءبىلىمدى ادام سول گرانتتى جەڭىپ الادى.

وتكەندە وسىندا ءبىر جىگىت جازدى. سول جىگىتتىڭ جازۋىنشا، "بولاشاقپەن" امەريكادا وقىپ جاتقان ءبىر ادامعا جىلىنا 25 ميلليون، ال انگليادا وقىپ جاتقان ءبىر ادامعا 19 ميلليون كەتەدى ەكەن.

گۋمانيتار ماماندىقتى "بولاشاقپەن" شەتەلدە وقىتۋعا ءوز باسىم قارسىمىن. ابسۋرد. گۋمانيتار سالاسىنىڭ ماماندارىن ءۇش اي ءىس-تəجىريبەگە جىبەرۋگە بولادى.

ودان دا سول اقشاعا ءۇي سالىپ، ارزانداتىلعان يپوتەكامەن بەرسەڭدەر بىرنەشە جاس ءۇيلى بولار ەدى.

بيلىكتەگىلەردىڭ ءىشىپ-جەگەنىن ايتپاعاندا، مەملەكەتتىك جوبالارعا جوسپارسىز، ماقساتسىز اقشا شاشىپ جاتقانىندا ەسەپ جوق. مەن ءبىر عانا "بولاشاق" جوباسىن مىسال ەتتىم.

حالىق اۋىرىپ، قينالىپ جاتقاندا ءبىراز جوبانى توقتاتىپ، كارانتين جاريالاپ، سول اقشانى حالىققا بەرىپ، ۇيدە وتىرۋىن تالاپ ەتۋ كەرەك.

"بيۋدجەتتە اقشا جوق" دەگەن سىلتاۋ ايتۋعا ءبىزدىڭ بيلىكتىڭ قاقى جوق. قازىردىڭ وزىندە كارانتين جاريالاپ، جوبالارعا ءبولىنىپ جاتقان نە بولىنەتىن اقشانى توقتاتىپ، حالىقتى قۇتقارۋدى ويلاۋ كەرەك. قازىر ادامنان، ادامنىڭ دەنساۋلىعىنان اسقان قۇندىلىق جوق.

كوروناۆيرۋسقا بولىنگەن اقشا قايدا؟ ەرتەڭ مىنا ىندەت جويىلىپ، جاقىنىن جوعالتىپ اشىنعان ادامدار كوشەگە شىقسا، توقتاتا الاسىڭدار ما؟

جوق، توقتاتا المايسىڭدار!

قوقىستارىڭدى تازالاۋعا ۋاقىت بار.

اياگۇل مانتايدىڭ الەۋمەتتىك جەلىدەگى جازباسى

Abai.kz