COVID-19-دان ەمدەۋ ادامنىڭ الەۋمەتتىك مارتەبەسى مەن دارەجەسىنە بايلانىستى جاسالمايدى. بارلىعى بىردەي-اق ەمدەلەدى. بۇل تۋرالى دەنساۋلىق ساقتاۋ ۆيتسە-ءمينيسترى اجار گينيات مالىمدەدى.

ۆيتسە ءمينيستردىڭ ايتۋىنشا، اكىمدەر مەن دەپۋتاتتاردى ءبولىپ قارامايدى. ەمدىك شارالاردى جالپى نەگىزدە، بارلىق ازاماتتار سەكىلدى الادى.

«مەملەكەتتىك جانە ساياسي قىزمەتكەرلەر ينفەكتسيالىق ستاتسيونارلاردا اۋىرلىق جاعدايى بويىنشا، جەڭىل جانە ورتاشا اۋىرلىق دارەجەسى بويىنشا – ۇيدە ەم الادى. ۆەدومستۆولىق اۋرۋحانالاردا جۇقپالى اۋرۋلاردى ەمدەۋ قاراستىرىلماعان. ولاردىڭ مۇنداي قىزمەتكە ليتسەنزياسى جوق»، - دەدى ۆيتسە-مينيستر ورتالىق كوممۋنيكاتسيالار قىزمەتىندە وتكەن ءباسپاسوز جيىنىندا.

Abai.kz