سەنبى, 5 جەلتوقسان 2020
COVID-19 قازاقستاندا. جۇقتىرعاندار — 135498. جازىلعاندار — 119419. قايتىس بولعاندار — 2034
اباي.tv 3723 0 پىكىر 5 شىلدە, 2020 ساعات 18:39

«Qazaqstan» ۇلتتىق تەلەارناسى «ەلوردا اكىمدەرى» جاڭا دەرەكتى ءفيلمىن ۇسىنادى

6 شىلدە ەلوردا كۇنىنە وراي «Qazaqstan» ۇلتتىق تەلەارناسى «ەلوردا اكىمدەرى» اتتى جاڭا دەرەكتى فيلم ءتۇسىردى.

قازاقستاننىڭ استاناسىن 20 جىلدان استام ۋاقىت ىشىندە 8 اكىم باسقاردى جانە ولاردىڭ بارلىعى قالا تاريحىندا ءوز قولتاڭباسىمەن ەرەكشەلەندى. قر تۇڭعىش پرەزيدەنتى - ەلباسى ن. ءا. نازارباەۆ سەنىم ارتقان ساياسي تۇلعالاردىڭ بارلىعى باس شاھاردىڭ قالىپتاسىپ دامۋىنا ءوز ۇلەسىن قوستى. دەرەكتى فيلمدە قالانى ءار جىلدارى باسقارعان ادىلبەك جاقسىبەكوۆ، تەمىرحان دوسمۇحامبەتوۆ، ومىرزاق شوكەەۆ، اسقار مامين، يمانعالي تاسماعامبەتوۆ، اسەت يسەكەشوۆ، باقىت سۇلتانوۆ جانە قالانىڭ قازىرگى اكىمى التاي كولگىنوۆ ەلباسىنىڭ قالا بيلىگىن سەنىپ تاپسىرعان ءساتىن ەسكە الىپ، ەل استاناسىنىڭ قارىشتاپ دامۋى ءۇشىن جۇكتەگەن مىندەتتەمەلەرى تۋرالى بولىسەدى.

باعدارلامادا ءار باسشىنىڭ تۇسىندا جۇزەگە اسقان جوبالار مەن ايتۋلى وقيعالار كەڭىنەن قامتىلادى جانە سول ارقىلى ەلباسى ن.ءا. نازارباەۆتىڭ ەڭبەگى مەن قازاقستان استاناسىن الەمگە تانىتۋداعى ايرىقشا قولتاڭباسى كورسەتىلەدى. استانانى اۋىستىرۋ تەك كوشپەن شەكتەلمەگەنىن، ونى ورتالىقتاندىرۋ، كۇللى الەمگە مويىنداتۋ وڭاي بولماعانىن سول قالانى باسقارعان باسشىلار ارقىلى جەتكىزىلەدى.

جوبادا قر تۇڭعىش پرەزيدەنتى – ەلباسى ن.ءا.نازارباەۆتىڭ ۇلت ءومىرىن وزگەرتكەن ۇتقىر شەشىمدەرى، قاعاز بەتىندەگى يدەيالاردان باستاپ، شىندىققا اينالعان ساۋلەتتى جوبالارعا دەيىنگى تاباندى ەڭبەگى، ىسكەرلىك پەن ەكونوميكانىڭ قوزعاۋشى كۇشىنە اينالعان ەل استاناسىن تاڭداۋداعى باعدار ەتىپ العان 32 ولشەم تۋرالى ايتىلادى.

دەرەكتى فيلم 6 شىلدە 20:00-دە «Qazaqstan» ۇلتتىق ارناسىنان ەفيرگە شىعادى.

;feature=youtu.be

Abai.kz

0 پىكىر