اقىن مەيىرحان اقداۋلەتپەن ءوتىپ جاتقان كونفەرەنتسيا اياقتالدى. مەيىرحان مىرزا وقىرماندار جولداعان ساۋالدارداردىڭ سوڭعى ءبىر توبىنا جاۋاپ بەرە كەلىپ، ابايدى تانۋ جايلى پىكىرىن بىلايشى جەتكىزەدى: «ابايدان پۇت جاساماۋ كەرەك. پۇتقا نادان تابىنادى! جۇرت تابىنىپ جاتقان سوڭ. ابايدى جۇرەككە، دىلگە ءسىڭىرىپ، ونىمەن دوس بولىپ الۋ كەرەك. ايتپەسە، «اباي مىقتى عوي ...» دەگەندى «تۋپوي چينوۆنيك» تە ايتادى. ابايدى تۇسىنگەننەن ەمەس. بولعانسۋدان.  حالىققا ءبارىن بىلەتىن كىسى بوپ كورىنگەنسىگەننەن. ايتقانمىن: اباي - «نورمالنىي پارەن» دەپ. سەبەبى، ول مەنىكى. مەنىڭ دوسىم».

«اباي-اقپارات»

-شىنىڭىزدى ايتىڭىزشى، تالاسبەك اسەمقۇلوۆ، زەينوللا سەرىكقاليەۆ اعالاردىڭ ماقالالارىن "التىن وردا" گازەتى بەتىنە شىعارعاندا، وزىڭىزگە دە قارسى جۇسىپبەك قورعاسبەك، ءامىرحان مەڭدەكەلەر تاراپىنان قۋلىق-سۇمدىق ۇيىمداستىرىلادى دەپ قورىققان جوقسىز با؟

-ونى ءامىرحاننان سۇرا.

-مەيىرحان اعا! وتكەن جىلى "ابايدى ءپىر ەتىپ، سىيىنۋدىڭ قاجەتى جوق" دەگەن سۇحباتىڭىز رەسپۋبليكالىق باسىلىمعا شىقتى، بيىل ءوزىڭىز «اباي.كز»  اقپاراتتىق پورتالىنا كەلىپ اڭگىمە ايتىپ وتىرسىز. اباي اتامىزدىڭ ارۋاعىنان قايمىقتىڭىز با؟

اقىن مەيىرحان اقداۋلەتپەن ءوتىپ جاتقان كونفەرەنتسيا اياقتالدى. مەيىرحان مىرزا وقىرماندار جولداعان ساۋالدارداردىڭ سوڭعى ءبىر توبىنا جاۋاپ بەرە كەلىپ، ابايدى تانۋ جايلى پىكىرىن بىلايشى جەتكىزەدى: «ابايدان پۇت جاساماۋ كەرەك. پۇتقا نادان تابىنادى! جۇرت تابىنىپ جاتقان سوڭ. ابايدى جۇرەككە، دىلگە ءسىڭىرىپ، ونىمەن دوس بولىپ الۋ كەرەك. ايتپەسە، «اباي مىقتى عوي ...» دەگەندى «تۋپوي چينوۆنيك» تە ايتادى. ابايدى تۇسىنگەننەن ەمەس. بولعانسۋدان.  حالىققا ءبارىن بىلەتىن كىسى بوپ كورىنگەنسىگەننەن. ايتقانمىن: اباي - «نورمالنىي پارەن» دەپ. سەبەبى، ول مەنىكى. مەنىڭ دوسىم».

«اباي-اقپارات»

-شىنىڭىزدى ايتىڭىزشى، تالاسبەك اسەمقۇلوۆ، زەينوللا سەرىكقاليەۆ اعالاردىڭ ماقالالارىن "التىن وردا" گازەتى بەتىنە شىعارعاندا، وزىڭىزگە دە قارسى جۇسىپبەك قورعاسبەك، ءامىرحان مەڭدەكەلەر تاراپىنان قۋلىق-سۇمدىق ۇيىمداستىرىلادى دەپ قورىققان جوقسىز با؟

-ونى ءامىرحاننان سۇرا.

-مەيىرحان اعا! وتكەن جىلى "ابايدى ءپىر ەتىپ، سىيىنۋدىڭ قاجەتى جوق" دەگەن سۇحباتىڭىز رەسپۋبليكالىق باسىلىمعا شىقتى، بيىل ءوزىڭىز «اباي.كز»  اقپاراتتىق پورتالىنا كەلىپ اڭگىمە ايتىپ وتىرسىز. اباي اتامىزدىڭ ارۋاعىنان قايمىقتىڭىز با؟

-ابايدان پۇت جاساماۋ كەرەك. پۇتقا نادان تابىنادى! جۇرت تابىنىپ جاتقان سوڭ. ابايدى جۇرەككە، دىلگە ءسىڭىرىپ، ونىمەن دوس بولىپ الۋ كەرەك. ايتپەسە، «اباي مىقتى عوي ...» دەگەندى «تۋپوي چينوۆنيك» تە ايتادى. ابايدى تۇسىنگەننەن ەمەس. بولعانسۋدان.  حالىققا ءبارىن بىلەتىن كىسى بوپ كورىنگەنسىگەننەن. ايتقانمىن: اباي - «نورمالنىي پارەن» دەپ. سەبەبى، ول مەنىكى. مەنىڭ دوسىم. كەيدە ىشتەي كەرىلدەسىپ الامىز. «بازارىڭنىڭ بارىندا قازىرگىلەر قۇساپ نەگە ويناپ-كۇلمەدىڭ، جالعاندى نەگە جالپاعىنان باسپادىڭ، ت.ت.» دەپ رەنجيمىن. اباي ەزۋىن تارتىپ، باسىن شايقايدى. «ا-اي، جامانىم-اي!» دەيدى. مەن وسىدان سوڭ نەگە قايمىعام ونىڭ ارۋاعىنان؟ ماعان كومەكتەسىپ جۇرگەن «بلاتنوي» «كرىشالار» ەمەس، سول نورمالنىي جىگىت. (مەن دە توبىقتى كورىنەم، نەمەسە اباي تورتقارا شىعار، تاتۋمىز ەكەۋمىز).

-احاس اعا (تاجۋتوۆ) قايدا ءجۇر؟ كەزىندە «التىن وردانى» دۇركىرەتىپ ەدىڭىزدەر. سول كەزدەگى گازەتتەي گازەت كورگەنىم جوق ءالى. نەگە قايتىپ قالدىڭىزدار؟ «ەگەۋقۇيرىقتاردىڭ ەرەجەسى» تالقان قىلدى ما سىزدەردى دە؟ ەكونوميكالىق-حالىقارالىق، ساياسي-ۇلتتىق تۇرعىدا دۇرىس ساراپتايتىن ساراپشى-اناليتيك كورگەنىم جوق احاس اعادان باسقا. وتە وكىنىشتى كازىرگى حان-تالاپايعا تۇسكەن ەلدىڭ جاعدايى.
اعا، ەلدەگى اتىشۋلى سوپىلار ىسىنە قانداي كوزقاراستاسىز؟ سوپىلىق ءداستۇرىمىزدى قولداعان قانشاما عالىم، اقساقال ۇلكەن اعالارىمىزدىڭ پىكىرلەرىن تىڭداماي اتى-ءجونى ەشكىمگە بەلگىسىز ادامداردىڭ نۇسقاۋىمەن سوتتالىپ كەتە بەرگەن كىسىلەردىڭ ءىسى كۇمان تۋدىرماي ما؟

-اقاس... ايتتىم عوي، ورىسشالاساق، «ۋ ناس پەرەۆەرنۋتىي مير، پەرەۆەرنۋتوە سوزنانيە». اقاس سياقتىلاردى ەلباسىنا كەڭەسشىلىككە ۇسىنار ەدىك ايتپەسە...

باياعىدا اقاس ايتىپ، اينالىمعا تۇسىرگەن «ەگەۋقۇيرىقتار ەرەجەسى» ءالى كۇشىندە تۇر. سول  سەبەپتى دە «ۇلتتىڭ دۇرىس ميىن» اسا قاجەت ەتپەي تۇر ءبىزدىڭ قوعام.

سوپىلار تۋرالى ايتتىم. مەن ويلايمىن: سونىڭ ءبارى قازاقتار ەمەس پە، ءتىپتى، اداسىپ جۇرسە دە، ءتۇسىندىرىپ، جولعا سالىپ، باسى ىستەيتىندەردىڭ ءبارىن سورلىلاۋ قازاقتىڭ مۇددەسىنە نەگە پايدالانباسقا؟ ءبىز الىپ وڭىردە وتىرعان از عانا حالىقپىز، قانداي كۇن تۋسا دا، اقىلدى، بىلىمدىلەرىمىزدى ساقتاپ، كوبەيتە بەرۋىمىز كەرەك قوي. ءوزىمىزدى اياۋىمىز، جاقسىلارىمىزدى كوبەيتۋىمىز كەرەك. ءازىر، ايتتىم عوي، تەك قانا ءوزىمىزدىڭ وزىمىزگە شامامىز جەتىپ تۇر. ۇلت دەگەننىڭ پوتەنتسيالى ساناۋلى عوي. تاڭداۋلى از. سول از تاڭداۋلىنىڭ ءبارى بىردەي ادال ەمەس. سولاي ەكەن دەپ تىرسەگىن قىرقا بەرەتىندەي ءبىز پاقىر ورىس نە قىتاي ەمەسپىز عوي، «قالعانى دا جارايدى» دەرلىك...

-ءاي، قۇيتىرقىلار-اي! وسىنداي سوزدەرىڭمەن عوي سەندەر جۇسىپبەك، ءامىرحاندار مەن مەيىرحانداردىڭ اراسىن اشىپ بىتتىڭدەر. قازىر ولار ءوزارا جاۋ سياقتى. بىراق ءبىلىم-بىلىك جاعىنان، ادەبيەتكە تەرەڭ بويلاۋ جاعىنان جوعارىدا قىسىر كوممەنت جازعانداردان 100 ەسە ارتىق. ماكە، ءبىر-اق ءوتىنىشىم بار. ءوزىڭىز سەكىلدى تالانتتى جىگىتتەر ايتاققا ەرمەي، ءبۇتىن جۇرىڭىزدەرشى. بىزگە مەيىرىمدى مەيىرحاندار، ەل دەگەندە ءجون سويلەيتىن جۇسىپبەكتەر قاتار كەرەك. امان بولىڭىز! كەمى زيمانوۆ اعامىزدىڭ جاسىن جاساڭىز.
استانالىق ءىنىڭىز

-مەن ەش قازاقپەن جاۋ ەمەسپىن. كادەگە اساتىننىڭ ءبارىنىڭ قادىرىن ءبىلۋ كەرەك، ايتتىم عوي، كوپ ەمەسپىز.  جۇسىپبەك،  ءامىرحاندار، وزگەلەر، ءبارى امان بولسىن.

P.S. قادىرىن ءبىلۋ دەگەن «زناچوك» بەرۋ، «تىزىمگە قوسۋ» ەمەس. جانمەن، جۇرەكپەن قاستەرلەۋ، امان ساقتاۋ، قاجەت بولسا، بولىسۋ.

-تالاسبەك اسەمقۇلوۆتىڭ شىعارماشىلىعىن قالاي باعالايسىز؟ ول قازىر استانادا تۇرادى.

-تالاسبەك - تابيعي عاجايىپ پوتەنتسيالىن تولىق پايدالانا الماي كەلگەن دارىندى دوسىم. سەبەپ - باياعى، «ەگەۋقۇيرىقتار ەرەجەسى». اللا اماندىق بەرسىن وعان، ول تالاي شارۋا بىتىرە الادى.

-مۇحتار ماعاۋيندى ءامىرحان مەڭدەكە نەگە امانحان الىمنەن قورعاپ قالمادى دەپ ويلايسىز؟

پراگالىق دوسىڭىز

-ونى وزىنەن سۇرا.

-دوسىڭىز، تالانتتى سىنشى ءاليا بوپەجانوۆامەن حابارلاسىپ تۇراسىز با؟

-البەتتە. مەن ونى سيرەك كەزدەسەتىن قازاقى ادامنىڭ ءبىرى دەپ قادىرلەيمىن.

-ءامىرحان بالقىبەكتەي دارىندى اقىن، بىلگىر كوسەمسوزشىمىزدى نەگە باعالاي الماي ءجۇرمىز دەپ ويلايسىز؟

- باعالاۋ دەگەن نە؟ باستىق قىلۋ، سىيلىق بەرۋ مە؟ ونى سانالى قازاقتىڭ ءبارى باعالايدى. امان ءجۇرسىن ول.

P.S. جالپى ادال كىسى ماقتان دا، باعا دا دامەتپەۋ كەرەك. ولاي بولسا ەگەر، ول ساۋدا بوپ شىعادى.

-پلاكاتشىل، دەكلاماتسياشىل، اگيتاتور اقىن سەرىك اقسۇڭقارۇلى ولەڭدەرىن پوەزيا دەپ ايتۋعا بولا ما؟ ونىڭ جازىپ جۇرگەنى رەچيتاتيۆ ەمەس پە؟ سوڭعى كەزدەرى ول جاعىمپاز، ءتوپىلي جالاعىش، ورەكپە اقىنعا اينالدى.

-سەن سەرىككە كەيىمە. جاقسى اقىن. الگىندە ايتتىم، قازاقتىڭ بارىن قادىرلەۋ كەرەك. سەرىك ناشار بولعاندا ساعان (ماعان، وعان) بىرەۋ وزىنىكىن بەرە مە؟ مەنىڭشە، بىرەۋدەن مىنسىزدىك دامەتۋدەن وڭايى جوق، سونى قويۋ كەرەك قازاققا. ال نە جالاۋ، قالاي ءجۇرۋ اركىمنىڭ ءوز شارۋاسى، ءارى-بەرىدەن سوڭ ءوز تۇسىنىگى، بارى. تاعى ايتام، ءبىز وتە ازبىز عوي. اياۋ كەرەك از ادامدى. ارينە، ۇناماعانىن ايتۋ كەرەك، تەك جانىنا كەزدىك سالماي-اق ايتقان ءجون، كاسىبي تۇرعىدان، مادەنيەتتى تۇردە.

ماعان بايلانىستى دا سولاي. «قۇل ەشكىمدى سۇيە المايدى، جارىعىم» (جۇماتاي ج.). قۇلدار مەنى دە ءوز قاتارىنا قوسىلماعانىم ءۇشىن كەشىرە المايدى. ەگەر سەنى اۋدانعا اكىم قويسا، وزگەشە سايرار ەدىڭ. كورمەدىكتىڭ اڭگىمەسىن ايتپا.

-بيلىكتە جۇرگەن اقىندار -  ساراي اقىندارى. ءتارتىپ كوميسسياسىندا تالايلاردىڭ بەتىن تىلە وتىرىپ، ونان دا اسقان سوراقىلىقتاردىڭ ورتاسىندا ءجۇردىڭىز. جازعان ولەڭدەرىڭىز بەن ءوز جەكە تۇرقىڭىزدىڭ اراسىنداعى ايىرماشىلىق ۇلكەن سياقتى.

-مۇنىڭ جاۋابىن ايتتىم: بارلىق بيلىك ناتۋرالدانعان قازاقتارعا كوشىپ كەلەدى. شىنى سول. مۇنىڭ ەمىن مەن دە تابا الماي ءجۇرمىن.

-مەيىرحان مىرزا، ءسىزدى انا ءبىر وقيعاداعى مىنەزىڭىزدەن سوڭ قۇرمەتتەۋدى قويدىق، سوناۋ ءبىر كەزدەرى اعالارمەن ارالاس بولعان ءبىر كوز كورگەن ازامات اعا دەيتىنمىن، ءجاي ءبىر پەندە ەكەنسىز، تىرەگى جوق- اۋ... دەپ باسىنعىڭىز كەلگەنى ۇيات بولمادى ما وزىڭىزگە؟ سول زامانداعى ادامداردان سول شاڭىراقتا سىزدەن باسقا كونەكوز قالماپتى دا عوي.... تۇسىنگەن شىعارسىز؟

-تۇسىنبەدىم. تەك ءبىر ساسىق ءيىستى سەزىپ وتىرمىن. اشىق ايتسايشى، كورەلىك. تەكسىزدىڭ بىقسىعى سياقتى اڭگىمە عوي بۇل. تۋرا كەپ، باسىمدى شاپپايمىسىڭ؟

-ماكە! سىزگە كوپ راحمەت! كەزىندە "قازاق ادەبيەتىن", كەيىن "جاس الاشتى" بيلەپ-توستەگەندەردى، بىلايشا ايتقاندا، جۇسىپبەك قورعاسبەكتىڭ قياناتشىل توبىن "التىن وردا" گازەتىندە تاس-تالقان قىلدىڭىز-اۋ.

-ونى دۇرىس ءتۇسىن. مەن كەلىسە المايتىندىقتان اششى ايتتىم، بالكىم، ارتىق. تالقانداۋ ەمەس، قۇراستىرۋ كەرەك.

-ادام بالاسىنا قيانات جاساعان كەزىڭىز بولدى ما؟
قانداي ءىسىڭىز ءۇشىن قاتتى وكىنەسىز؟
وسى ومىردە ءسىزدىڭ شىعارعا جانىڭىز عانا بولەك، قيماس ادامدارىڭىز بار ما؟ ولار كىمدەر؟
اتتارىن اتاي الاسىز با؟
ء"ومىردىڭ ارتىن كورىپ قويدىم" دەگەندى دە ءسىز ايتقانسىز. ءسىزدىڭ ءومىرىڭىزدىڭ ءمانى نە؟ وسى سۇراقتارعا شىنايى جاۋاپ العىم كەلەدى. ءمۇلايىم، بوياما بولسا، جاۋاپ جازباي-اق قويىڭىز.
راحمەت.
اسىلجانارداق.

-1) ارينە. سوڭىنان وكىنەتىنىمە عانا توبا دەيمىن.  بىراق «وسى اتەڭە نالەتكە جاسايىنشى» دەپ جاساعان قياناتىم جوق. «ات شابا الماس مىنىمنەن» دەيدى اباي. مەنىڭ ءمىنىمدى، مۇمكىن، پوەزد تارتا المايتىن شىعار. ەكى-ءۇش بايعا ءتيىپ كەلىپ،  «قىزبىن» دەپ قىلىمسيتىن قاردىڭ قىلىعىنا  باسپاسا ەگەر، ءمىنسىز ادام جوق شىعار.  بىراق «جۇرت تا ءسويتىپ جاتىر عوي...»  دەپ ءوزىمدى اقتاعان ادام ەمەسپىن.  قينالام. مىندەرىم ءۇشىن.

2) ءۇش قاتىندى بىردەن الىپ، 35 بالانىڭ اكەسى، بولماعانىم ءۇشىن (وسىنداي دا ءازىل بولادى!).

3) شۇكىر، بار. ايتپايمىن: قادىرى كەتەدى.

4) بىلمەيمىن. ءومىردىڭ ءمانى - ءومىر ءسۇرۋ (شىعار). مۇمكىندىگىنشە، حايۋانعا اينالىپ كەتپەۋ.

-قازىر قازاقتىڭ ءسوزىن باتىل سويلەپ جۇرگەن بىردەن ءبىر باسىلىم "جاس قازاق ءۇنى" گازەتى تۋرالى نە ايتاسىز؟ وزگە گازەتتەر، مىسالى مەملەكەتتىك باسىلىمدار نەگە وسى گازەتتەي ۇلت ماسەلەسىن وتكىر جازبايدى؟ ونىڭ باسشىسى، دارىندى اقىن قازىبەك يسا تۋرالى ويىڭىز؟ 138-ءدىن حاتىن قولدادىنىز با؟ تاعى ءبىر سۇراعىم، الماتىدا ەلباسى ەسكەرتكىشى اشىلدى، اقتوبەدە قاشان ورنايدى؟

قۇرمەتپەن، شىعارماشىلىعىڭىزدى قۇرمەتتەيتىن وزىڭىزگە تانىس قارىنداسىڭىز.

مەن تورەشى ەمەسپىن. جاقسىعا قۋانام، جامانعا رەنجيمىن. ال بۇل - ەڭ ۇلكەن شارۋا. قازبەك - ءىنىم. ونى ماقتاسام، ءىنىسى بولعاسىن... دەرسىڭ. امان  بولسىن!

138-ءدىڭ حاتىن قولدايمىن. ماعان قول قويدىرمادى، قاشىقتامىن عوي.

اقتوبەدەگى، وزگە جەردەگى ەسكەرتكىشتەر تۋرالى ۇكىمەتتە نەمەسە مەن مىنا قۇپيا، توق كۇلكىلى پرەمەردىڭ  ورنىنا  بارا قالسام،  مەنەن سۇرارسىڭ.

-مەيىرحان اعا نەگە زيالى قاۋىمنىڭ قادىرى جوق، نەگە ۇكىمەت سىزدەردى قۋىرشاق قىپ وينايدى، نەگە سىزدەر قۋىرشاق بولىپ كەتەسىزدەر، قانشاما زيالى قاۋىمنىڭ حاتتارى نەگە ەسكەرىلمەيدى، سونداي-اق قۇنسىزدانىپ كەتكەنى مە؟ زيالى قاۋىمنىڭ نەگە اۋزى بىرىكپەيدى؟

-بۇل جايلى از-كەم ايتتىم عوي.

-مەيىرحان اعا، ەگەر ءسىز قازىر قاراپايىم قاتارداعى مىقتى جۋرناليست قالپىڭىزعا قايتا ءتۇسىپ، ماقالا جازار بولساڭىز، ەڭ الدىمەن قانداي تاقىرىپقا قالام تارتار ەدىڭىز؟! نەمەسە قازىرگى قازاق جۋرناليستيكاسى كوتەرۋى ءتيىس ەڭ ۇلكەن ءۇش ماسەلەنى ايتىڭىزشى. باياعى "التىن ورداداعى" پۋبليتسيستيكاڭىز مانەرىندە جازىلاتىن ناعىز ماقالا تۋرالى ايتىپ وتىرمىن.
ورالدان جۋرناليست ءىنىڭىز

-قازاق ۇلتىنىڭ شىنايى، بۇگىنگى بولمىسى  تۋرالى.  ونىڭ سورلىلىعىنىڭ ىشكى ءھام سىرتقى  سەبەپتەرى. ۇلتتى قۇرىپ  كەتۋدەن،  قازىرگى باياۋ دەگراداتسيادان قۇتقارۋدىڭ  شىنايى، قاتال كونتسەپتسياسى. وسى ۇشەۋىمەن ءبارىمىز اينالىسساق بولار ەدى. ايتپاقشى، قازاقى داڭعازالىق  پەن  قىزىلكوزدىكتەن  ارىلىپ، سالقىن اقىل، ىستىق جۇرەكپەن كىرىسپەسە بۇل ىسكە، وندا قازىرگى  بايبالامعا، نەگىزسىز، پايداسىز ۋ-شۋعا قايتا ورالامىز. سودان قورقام. جازبايتىنىم دا سول شىعار،  «اجەپتاۋىر ءاندى» مۇرىنى بارلار دا ءبۇلدىرۋى بەك مۇمكىن عوي.

-ءسىز اسقار سۇلەيمەنوۆتى وتە جوعارى باعالايدى دەپ ەستيمىز. ونىڭ وزگەلەردەن ەرەكشەلىگى تۋرالى ايتىپ بەرىڭىزشى.

-ول ءۇشىن ماقالا، بالكىم،  كىتاپ جازۋ كەرەك.

-تاعى دا مۇمكىندىك بەرىلسە، شالعايدا ءجۇرىپ-اق باياعى "التىن وردا" (قازىر ول گازەت بار ما ءوزى؟) دەڭگەيىندەگى گازەت شىعارا الار ما ەدىڭىز؟

ءورازالى

-ونى كىم بەرىپ جاتىر.

-مەيىرحان، ءسىز اسقار سۇلەيمەنوۆتىڭ شىعارماشىلىعىن ەرەكشە باعالاۋ سەبەبىڭىز نەلىكتەن؟ اسقار سۇلەيمەنوۆ جازۋى ەرەكشە، قازاق قالامگەرلەرىنىڭ ەشقايسىسىنا ۇقساماعان، ەشۋاقىتتا اتاق-داڭق قۋماعان، جاعدايىمدى جاقسارتامىن دەپ، ەشقاشان بيلىكتىڭ ءانىن ايتپاعان، ۇنەمى قاراشا حالىق جاعىندا بولعان، شىعارمالارى تاۋەلسىزدىكتىڭ رۋحاني جولىن كورسەتكەن جازۋشى. ءسىز وسىعان كەلىسەسىز بە؟

-كەلىسەم. سۇيەمىن،  قادىرلەيمىن.   قازاقتار سونىڭ  دەڭگەيىنە  كوتەرىلسە دەپ ارماندايمىن.

-قازىرگى جاس اقىندارعا دا جۇعىپ ۇلگەرگەن جاعىمپازدىق جايلى نە ايتاسىز؟
2. الماتىعا كەلىپ نەگە ءبىر تاماشا كەش وتكىزبەيسىز؟
3. ءسىزدى ۇلتشىل، نامىستى ازامات دەپ ەستۋشى ەم، نەگە شاحانوۆتار باستاعان قازاق ۇلتشىلدارىنىڭ جانايقايىنا ءۇن قوسپايسىز؟ شەتتەن قىزىقتاپ تۇرعانعا ۇيالمايسىز با؟
4. قازىرگى جاستار پوەزياسىندا كىمدەردى جوعارى باعالايسىز؟
وسى سۇراقتارعا جاۋاپ العىم كەلەدى.

-1) زامان  سولاي -  قۋ مەن الاياق  قادىرلى بوپ تۇر.

2) مۇمكىن...

3) «ايعاي سالىپ ارزانداتپا شىندىقتى...»، ال مەن ۇيالاتىنداي ەشتەمە ىستەگەم جوق.

4) ايتتىم: بۇل قىسقا جاۋاپتىڭ  ءىسى ەمەس.

سوڭى

«اباي-اقپارات»