جەكسەنبى, 9 تامىز 2020
COVID-19 قازاقستاندا. جۇقتىرعاندار — 97829. جازىلعاندار — 71609. قايتىس بولعاندار — 1058
661 0 پىكىر 8 شىلدە, 2020 ساعات 00:44

قازاقستاندىق فارمكومپانيا تاۋىلىگىنە 300 مىڭ دانا مەديتسينالىق ماسكا دايىندايدى

پاندەميا ەلدەگى فارماتسەۆتيكا سالاسىنا دا اسەر ەتتى. ولار قارانتين كەزىندە ۇزدىكسىز جۇمىس ىستەدى. مەديتسينالىق مەكەمەلەردى جەكە قورعانىس قۇرالدارىمەن قامتاماسىز ەتتى. سولاردىڭ قاتارىندا قازاقستانعا جانە شەت ەلگە تانىمال «Dolce-Pharm» كومپانياسى بار.

وندىرىستىك كەشەن الماتى وبلىسىنا قاراستى ىنتىماق اۋىلىندا ورنالاسقان، وندا 450 ادام جۇمىس ىستەيدى. زاۋىتتا التى ءوندىرىس تسەحى بار. اتاپ ايتساق، ستەريلدەنگەن جانە ستەريلدەنبەگەن قولعاپتار وندىرەتىن تسەح، ءدارى-دارمەكتەر شىعاراتىن (بەلسەندىرىلگەن كومىر) تسەحى، ءتۇرلى ماسكالار دايىندايتىن اۆتوماتتاندىرىلعان تسەح، تىگىن ءوندىرىسى جانە بارلىق وپەراتسيالارعا ارنالعان جيىنتىقتار شىعاراتىن تسەح، زارارسىزداندىرۋ تسەحى جانە اناليزدەر جيناۋعا ارنالعان پلاستيك وندىرەتىن تسەح.

«قازىر ءبىز ءۇش اۋىسىمدا كۇشەيتىلگەن رەجيمدە جۇمىس ىستەپ جاتىرمىز. پاندەميا كەزىندە قوسىمشا جۇمىس ورىندارىن اشتىق. ناۋرىز ايىنان بەرى 100 ادام جۇمىسقا قابىلداندى. ناتيجەسىندە قازىر بىزدە 450 جۇمىسشى بار. توتەنشە جاعداي كەزىندە كەڭسە قىزمەتكەرلەرىنىڭ ىڭعايلىلىعى مەن قاۋىپسىزدىگى ءۇشىن الماتى وبلىسىندا تولىققاندى جۇمىس ىستەۋگە جاعداي جاسالدى – جاتىن ورىن، تاماق، كولىك. زاۋىتتا سانيتارلىق-دەزينفەكتسيالىق جۇمىس رەجيمى قاتاڭ ساقتالادى. بىزدە كوروناۆيرۋس جۇقتىرعاندار جوق. تەك بايلانىستا بولعاندار بولدى، ولار بىردەن وقشاۋلاندى، - دەدى «Dolce-Pharm» كومپانياسىنىڭ اتقارۋشى ديرەكتورى ساۋلە ماكىشەۆا.

ونىڭ ايتۋىنشا، قازىر زاۋىت جەكە قورعانىس قۇرالدارىن شىعارادى.

«قازىر بىزدە ماسكالار مەن كوستيۋمدەر جەتكىلىكتى. قويمانى تولتىرىپ جاتىرمىز. قولعاپتارعا قاتىستى كىشكەنە پروبلەمالار بار، ويتكەنى ءبىز ولاردى مالايزيادان ساتىپ الىپ، زارارسىزداندىرىپ، وراپ قاپتايمىز. پاندەميا باستالعالى بەرى ماسكالار مەن قولعاپتار بۇكىل الەم بويىنشا شامامەن 10 ەسەگە قىمباتتادى. سوندىقتان ەندى ءبىز مەملەكەتتىك ۇيىمدارعا 2015 جىلى بەكىتىلگەن ەسكى باعامەن قولعاپ بەرە المايمىز. كەلىسسوزدەر جۇرگىزىلۋدە. ماسەلە ۇكىمەت دەڭگەيىندە شەشىلۋدە. سوندىقتان ءبىز قوسىمشا كەلىسىمگە قول قويىلعانعا دەيىن قولعاپ جەتكىزۋدى توقتاتا تۇردىق»، - دەپ ءتۇسىندىردى ول.

سونداي – اق، ول توتەنشە جاعداي كەزىندە شيكىزات جەتكىزۋدە ءتۇرلى پروبلەمالار بولعانىن اتاپ ءوتتى. تۋىنداعان ماسەلە مينيسترلىكتەردىڭ ارالاسۋىمەن وڭ شەشىمىن تاپقان.

«بۇرىن ماسكانىڭ كوتەرمە باعاسى 19 تەڭگەدەن بولاتىن، پاندەميا كەزىندە باعا كوتەرىلدى. قازىر 65-96 تەڭگە ارالىعىندا. بۇل شيكىزاتقا بايلانىستى. بارلىق شيكىزات جەتكىزۋشىلەرى سۇرانىستىڭ وسۋىنە وراي باعانى كۇرت كوتەردى. ءبىز شيكىزاتتى قىتاي، رەسەي جانە تۇركيادان جەتكىزەمىز»، - دەدى كاسىپورىننىڭ اتقارۋشى ديرەكتورى.

ونىڭ ايتۋىنشا، قازىر جەتكىزۋشىلەرمەن ەكى كەلىسىمشارت بار. COVID-19 بايلانىستى مەديتسينالىق قۇرىلعىلاردىڭ باعاسى قايتا قارالدى. «بىزدە كەلىسىم بويىنشا 10 ءتۇرلى زات بار. ماسەلەن، قولعاپ، ماسكا، كوستيۋم باعاسى 5-10 ەسەگە ءوستى»، - دەدى سپيكەر.

بۇگىندە زاۋىتتا 2,5-3 ملن ماسكا بار. تاۋلىگىنە 300 مىڭعا جۋىق ماسكا مەن 150 مىڭ ستەريلدى قولعاپ شىعارىلادى.

Abai.kz

0 پىكىر