اقان ساتاەۆ «قازاقفيلم» اق پرەزيدەنتى بولىپ تاعايىندالدى
قازاقستان رەسپۋبليكاسى مادەنيەت جانە سپورت ءمينيسترىنىڭ بۇيرىعىمەن شاكەن ايمانوۆ اتىنداعى «قازاقفيلم» اق پرەزيدەنت بولىپ اقان ساتاەۆ تاعايىندالدى.
ۇجىمعا جاڭا باسشىنى مəدەنيەت جəنە سپورت ۆيتسە-ءمينيسترى نۇرعيسا داۋەشوۆ تانىستىرىپ، الداعى قىزمەتىنە سəتتىلىك تىلەدى.
بۇل تۋرالى ساتاەۆ الەۋمەتتىك پاراقشاسىندا دا جازدى.
"قىمباتتى دوستار، مەن بۇگىننەن باستاپ ەلىمىزدىڭ باستى كينوستۋدياسىنىڭ - شاكەن ايمانوۆ اتىنداعى «قازاقفيلم» اق-نىڭ باسشىلىعىنا كىرىستىم. مەن ءوزىمنىڭ ارىپتەستەرىمنىڭ جانە بارلىق ءبىزدىڭ كينوعا مۇددەلى ادامداردىڭ سەنىمىن اقتاۋعا بار كۇشىمدى سالامىن. يا، جۇمىس كوپ - قۇندى مۇرامىزدى الىپ، جاڭا شەشىمدەر مەن رەفورمالارعا سۇيەنىپ، العا ورلەۋىمىز قاجەت... وتاندىق كينو سالاسىن الەمدىك دەڭگەيگە كوتەرەتىنىمىزگە سەنىمدىمىن!",- دەدى ول.
ايتا كەتەيىك، بۇل قىزمەتتى بۇعان دەيىن ارمان اسەنوۆ اتقارعان بولاتىن.
اقان قارعامبايۇلى ساتاەۆ 1971 جىلى قاراعاندى قالاسىندا دۇنيەگە كەلگەن.
1994 جىلى الماتى قالاسىنداعى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ كينو جانە تەلەۆيدەنيە فاكۋلتەتىن تəماماداعان.
2003 جىلى «Sataifilm» ستۋدياسىنىڭ نەگىزىن قالاپ، 2007 جىلى «رەكەتير» اتتى العاشقى تولىقمەتراجدى ءفيلمىن، «اداسقان» ميستيكالىق تريللەرىن (2009), «اعايىندى» سەريالىن (2009), «ليكۆيداتور» پسيحولوگيالىق دراماسىن (2011), «جاۋجۇرەك مىڭ بالا» تاريحي ءفيلمىن (2012) تۇسىرگەن. سونداي-اق «رايونى» كريمينالدىق دراماسى مەن «اناعا اپارار جول» تاريحي دراماسىنىڭ (2016), «بيزنەسمەنى» (2018), «توميريس» (2019) جəنە تاعى باسقا تۋىندىلاردىڭ رەجيسسەرى.
2014 جىلى كينويندۋستريا سالاسىنىڭ ۇزدىك وكىلى رەتىندە "حالىق سۇيىكتىسى" ۇلتتىق سىيلىعىنا يە بولدى.
2016 جىلى جاس رەجيسسەرلەردى قولداۋعا باعىتتالعان Astana Film Found قورىنىڭ نەگىزىن قالاعان.
Abai.kz
