2017 جىلدىڭ 22 قاراشاسىندا Abai.kz اقپاراتتىق پورتالىندا جۋرناليست جايبەرگەن بولاتوۆتىڭ «قوستانايدىڭ ءدىني ۇيىمعا مۇشە دارىگەرلەرى نە ىستەپ ءجۇر؟» (https://abai.kz/post/62135) اتتى ماقالاسى جاريالاندى. وندا قوستاناي قالاسىنىڭ تۇرعىنى تيموحينا ناتاليا الەكسەەۆنانىڭ اتى اتالعان. 2020 جىلدىڭ 9 شىلدەسىنە دەيىن بۇل ماقالا 4398 رەت قارالعان.

بۇگىن (09.07.2020 ج.) Abai.kz اقپاراتتىق پورتالىنىڭ رەداكتسياسىنا قر ازاماتى، قوستاناي قالاسىنىڭ تۇرعىنى تيموحينا ناتاليا الەكسەەۆنادان تالاپ-حات كەلىپ ءتۇستى.

وندا: Abai.kz اقپاراتتىق پورتالىندا جاريا بولعان مالىمەتتەر «ۆكونتاكتە» الەۋمەتتىك جەلىسىندەگى «وتزىۆى و زاۆەدەنياح» اتتى ايدارىندا 2017 جىلدىڭ 26 قىركۇيەگىندە جارىق كورگەن مالىمەتپەن بىردەي ەكەنى كورسەتىلگەن (https://vk.com/wall-110933610_228518). جانە قوستاناي قالالىق سوتىنىڭ «ۆكونتاكتە» الەۋمەتتىك جەلىسىندەگى ماتەريالدىڭ شىندىققا سايكەس كەلمەيتىنى تۋرالى 12.03.2019 جىلعى №3910-19-00-2/1459 شەشىمىن جولداعان.

قوستاناي قالالىق سوتىنىڭ 12.03.2019 جىلعى №3910-19-00-2/1459 شەشىمىمەن، ناتاليا تيموحينانىڭ تالاپتارىمەن جانە ماتەريال مازمۇنىنىمەن ءجىتى تانىسا كەلە، Abai.kz رەداكتسياسى قر باق تۋرالى زاڭىنىڭ 19 بابىنا  («تەرىسكە شىعارۋ نەمەسە جاۋاپ بەرۋ قۇقىعى»), 19 باپتىڭ 1, 2, 3 تارماقتارىندا كورسەتىلگەن تالاپتاردى باسشىلىققا الا وتىرىپ، 2017 جىلدىڭ 22 قاراشاسىندا Abai.kz اقپاراتتىق پورتالىندا جاريالانعان «قوستانايدىڭ ءدىني ۇيىمعا مۇشە دارىگەرلەرى نە ىستەپ ءجۇر؟» اتتى ماقالانىڭ شىندىققا سايكەس كەلمەيتىنىن، وسىعان بايلانىستى ماتەريالدىڭ اشىق قولدانىستان جويىلعانىن حابارلايمىز!

اتالعان ماقالاعا نەگىز بولعان مالىمەتتەر سوت شەشىمىمەن شىندىققا جاناسپايدى دەپ تانىلعان. سوندىقتان، Abai.kz اقپاراتتىق پورتالى تالاپ-حات جولداۋشى تيموحينا ناتاليا الەكسەەۆنانىڭ ءدىني نانىمدارىن قورلاۋدى، ونىڭ سەنىمىندەگى، قازاقستاندا رەسمي تىركەلگەن ۇيىمدى قارالاۋدى ماقسات تۇتپايتىنىن ەسكەرتەمىز. جانە تالاپ-حات جولاۋشى تيموحينا ناتاليا الەكسەەۆنادان كەشىرىم سۇرايمىز.

رەداكتسيا

Abai.kz