اسەل جاناسوۆا قر ساۋدا جانە ينتەگراتسيا ۆيتسە-ءمينيسترى بولىپ تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلادى.

اسەل جاناسوۆا 1987 جىلى الماتى قالاسىندا تۋعان.

2010 جىلى قر پرەزيدەنتىنىڭ «بولاشاق» حالىقارالىق ستيپەندياسى بويىنشا كەمبريدج ۋنيۆەرسيتەتىن، 2014 جىلى كەمبريدج ۋنيۆەرسيتەتىنىڭ ماگيستراتۋراسىن، م. لومونوسوۆ اتىنداعى ممۋ-ءدى «Executive Management» باعدارلاماسى بويىنشا بىتىرگەن.

2010 جىلدان 2014 جىل ارالىعىندا لوندون قالاسىنداعى Eurasian Natural Resources Corporation PLC كومپانياسىندا اقپاراتتىق تەحنولوگيالار مامانى، اقپاراتتىق تەحنولوگيالار باسقارماسىنىڭ مەنەدجەرى، اقپاراتتىق تەحنولوگيالار قاۋىپسىزدىگى دەپارتامەنتىنىڭ ديرەكتورى بولىپ ەڭبەك ەتتى.

2014-2016 جج. ارالىعىندا قر ۇلتتىق بانكىنىڭ «بانكتىك سەرۆيس بيۋروسى» رمك ديرەكتورىنىڭ كەڭەسشىسى، قر ۇلتتىق بانكىنىڭ تسيفرلىق تەحنولوگيالار دەپارتامەنتىنىڭ ديرەكتورىنىڭ ورىنباسارى بولدى.

2016-2017 جج. — «زەردە» ۇلتتىق باسقارۋشى حولدينگى» اق باسقارما ءتورايىمى.

2017-2018 جج. —  «استانا» حالىقارالىق قارجى ورتالىعىنىڭ باسقارۋشىسىنىڭ كەڭەسشىسى.

2018 جىلدان قازىرگى ۋاقىتقا دەيىن «استانا» حالىقارالىق قارجى ورتالىعىنىڭ تسيفرلىق تەحنولوگيالار جونىندەگى باسقارۋشى ديرەكتورى قىزمەتىن اتقاردى.

Abai.kz