مەملەكەت بيۋدجەتىن ايماقتارعا بۇراتىن ۋاقىت جەتتى
ەلىمىزدىڭ ەكونوميكالىق دامۋىندا ورتالىق پەن وبلىستار اراسىندا جەرمەن كوكتەي ديسپروپورتسيا بار.
ءبىزدىڭ ەلىمىزدە بيۋدجەت جوعارىدان تومەن قاراي جاسالادى. ياعني، سالىقتىڭ بارلىق تۇرلەرى ورتالىقتا (وكىمەتتە) شوعىرلانىپ، سول جەردەن ايماقتارعا بولىنەدى.سول ءبولىنىستى ادىلەتتى، دۇرىس ءبولۋ دەپ ايتۋ قيىن.
قارجىنىڭ باسىم بولىگى نۇرسۇلتان قالاسىنا تيەسىلى بولىپ جاتادى. ايماقتار، اسىرەسە اۋىلدارعا سۋدىڭ تامشىسىنداي عانا قارجى بولىنەدى. قازىر، نۇرسۇلتان قالاسىنان 30- شاقىرىم شىعىپ كەتسەڭ، حالىقتىڭ جاعدايىنىڭ تومەن ەكەندىگىن كورەسىڭ.
الەۋمەتتىك- مادەني ينفراقۇرىلىم جوق. جول جوق. ينتەرنەت تاپشى.
اۋىل تۇرعىندارىنىڭ ءومىر ءسۇرۋ يندەكسى تومەن.
مەملەكەت بيۋدجەتىن ايماقتارعا، اۋىلعا بۇراتىن ۋاقىت جەتتى. حالىقتىڭ 42 - پايىزى ايماقتاردا تۇرادى. ولاردىڭ الەۋمەتتىك يممۋنيتەتىن ويلاۋ مەملەكەتتىك ماسەلە.
نۇرسۇلتان قالاسىنا قارجىنى توگە بەرۋدى دوعارىپ، ايماقتارعا كوڭىل بولەتىن ۋاقىت جەتتى.
ەرلان سايروۆتىڭ جازباسى
Abai.kz
