سەنبى, 24 شىلدە 2021
جاڭالىقتار 2125 0 پىكىر 4 جەلتوقسان, 2011 ساعات 12:10

نۇرلان قاجى بايجىگىتۇلى. تولاعاي ەلى

كەڭەس ءداۋىرىنىڭ دالا قويناۋىندا جۇرگەندە بالا كوڭىلىمىزدى نە شالمادى... ول كەزەڭدە اتا - اجەنىڭ بالاسى ەدىك. ۇرتىمىزدا ەكشە قۇرت، شاڭقاي ءتۇستىڭ كولەڭكەسىندە اۋىل بالالارى قاتارىمىزدان كولەڭكەنى ساعالاي، الىستاعى ساعىمدارعا ارمانىمىزدى بايلايتىنبىز. ءالى كۇنگە دەيىن ەسىمدە، جاڭبىر تامشىسىن اڭساعان ەلى مەن شولىركەگەن جەرى ءۇشىن بەل اسا يىعىنا سۋلى دا نۋلى، تاۋلى مەكەندى كوتەرگەن تولاعاي ءبىز ءۇشىن باتىر، كەرەمەت بالا بولدى. ادەبيەت بەتىندەگى ونىڭ سۋرەتىنە تامسانا قاراي - قاراي، ۇقساپ باعۋشى بىزدەر، اۋىل ماڭايىندا باسىمىزدى قوسىپ، جالپاق تاس بەتتەرىنە تۇرعىزعان قيالداعى قالامىزدىڭ «ءبىر تاسىن قۇلاتپاي جەتكىزەمىن» دەگەن كىشكەنتاي نيەتىمىزبەن وكشەگە كىرگەن شوڭگەگە قاراماستان، ۇيىمىزگە قاراي جارىساتىنبىز. سوندا يىعىمىزداعى تاستىڭ اۋىرلىعى دەنەمىزگە ەش باتپايتىن دا. كەرىسىنشە تاس بەتىندەگى بيىك - بيىك تاۋلار اراسىنداعى كىشكەنە عانا اسەم قالا ساۋلەتىن اپامىزعا كورسەتۋ ەدى. بۇگىندە سوناۋ دالا تولاعايلارىنىڭ ارمانىمەن ۇلاسقان استاناعا نيەتىن توعىستىرعان قازاق ەلى جايقالعان جارقىن ەل بولعانىنا جيىرما جىل تولدى. اللاعا شۇكىر، قۇدايعا تاۋبە!

كەڭەس ءداۋىرىنىڭ دالا قويناۋىندا جۇرگەندە بالا كوڭىلىمىزدى نە شالمادى... ول كەزەڭدە اتا - اجەنىڭ بالاسى ەدىك. ۇرتىمىزدا ەكشە قۇرت، شاڭقاي ءتۇستىڭ كولەڭكەسىندە اۋىل بالالارى قاتارىمىزدان كولەڭكەنى ساعالاي، الىستاعى ساعىمدارعا ارمانىمىزدى بايلايتىنبىز. ءالى كۇنگە دەيىن ەسىمدە، جاڭبىر تامشىسىن اڭساعان ەلى مەن شولىركەگەن جەرى ءۇشىن بەل اسا يىعىنا سۋلى دا نۋلى، تاۋلى مەكەندى كوتەرگەن تولاعاي ءبىز ءۇشىن باتىر، كەرەمەت بالا بولدى. ادەبيەت بەتىندەگى ونىڭ سۋرەتىنە تامسانا قاراي - قاراي، ۇقساپ باعۋشى بىزدەر، اۋىل ماڭايىندا باسىمىزدى قوسىپ، جالپاق تاس بەتتەرىنە تۇرعىزعان قيالداعى قالامىزدىڭ «ءبىر تاسىن قۇلاتپاي جەتكىزەمىن» دەگەن كىشكەنتاي نيەتىمىزبەن وكشەگە كىرگەن شوڭگەگە قاراماستان، ۇيىمىزگە قاراي جارىساتىنبىز. سوندا يىعىمىزداعى تاستىڭ اۋىرلىعى دەنەمىزگە ەش باتپايتىن دا. كەرىسىنشە تاس بەتىندەگى بيىك - بيىك تاۋلار اراسىنداعى كىشكەنە عانا اسەم قالا ساۋلەتىن اپامىزعا كورسەتۋ ەدى. بۇگىندە سوناۋ دالا تولاعايلارىنىڭ ارمانىمەن ۇلاسقان استاناعا نيەتىن توعىستىرعان قازاق ەلى جايقالعان جارقىن ەل بولعانىنا جيىرما جىل تولدى. اللاعا شۇكىر، قۇدايعا تاۋبە!

ءبىر عانا الاشتىڭ قازىرگى استاناسىن عانا الىپ قاراساق، تىنىسى كەڭ، بويىنا ەڭ ءبىر يگى قۇندىلىقتى سىڭىرگەن قالا. كوركى ادەمى اق بۇلتتار اراسىنان سىعالاعان اق ديدارلى كۇندەي. الەمگە اسەمدىگىمەن ايگىلى اتانعان بۇل ءزاۋلىم شاھار بولاشاق جاستارىمىزعا ۇلكەن سىيلىق. جەر ۇيىعىنا باعىتتالعان باقىت قۇسى سامۇرىق قارماعىنان تۇسكەن جۇمىرتقانى استانا ورتاسىنداعى بايتەرەككە دالدەگەن. قۇستىڭ قوناقتاعان كولەڭكە بەينەسىن ءدال ناقتىلاعان ايبىندى ەلوردا ەرتەگىدەگى عاجايىپ شاھار. الماس قىلىشىنىڭ ۇشىن كوككە تۇزەگەن حان شاتىرى جاۋدان قورعاي جەرىن جاستىق قىلعان باتىردىڭ كەيپىندە. ەسىلدىڭ سامال جەلىن ەكى جاققا ەستىرگەن التىن كوپىر ايداي سۇلۋ حان قىزىنىڭ ساۋكەلەسىندەي. ءۇش رۋدىڭ باسىن ءبىر جەرگە تۇيىستەرگەن بەيبىتشىلىك پەن كەلىسىم سارايىنىڭ ءوزى كەرەمەت. ال، توقتامىس حاننىڭ كەزىندەگى ورداسى بۇگىنگى جەر ۇيىعى اتانعان ەڭسەلى بيىك اقوردا. تاريح پەن تاريح ۇندەسكەن عاجايىپ كەرۋەن. دەگەنمەن، اجارلى دا سالتاناتتى استانا جاس كۇنىمەن كىمدى بولسىن ءتانتى ەتەدى. سەبەبى، كۇش - قۋاتىن توگە، ەلى مەن جەرىن نۋلى شۇيگىنگە اينالدىرعان سوناۋ تولاعايمەن ەلباسىمىز ناعىز تىلدەسكەندەي. ويتكەنى، «تاياۋ بولاشاقتا استانا قازاقستان رەسپۋبليكاسىنىڭ ءىرى ساياسي، مادەني جانە ىسكەرلىك ورتالىعى، وسى زاماننىڭ اسەم قالاسى بولادى» دەگەن تاتىمدى سوزىنەن استانا - باس قالا، اسەم قالا، اڭىز قالا! ال، ونى قونىستاعان قالىڭ قازاق ەلى كورەگەندى دانىشپان ەل. وعان كۋا تاريح! سوندىقتان، جيىرما جاستى ەكشەگەن قازاق ەلىنىڭ بۇگىنگى مەرەيلى جاسىمەن قۇتتىقتاي كەلە، يمانى ۇيىپ، بەرەكەتى تاسىسىن. ىنتىماعى مىزعىپ، جاقسىلىقتا قاۋىشسىن. بارشا قازاقستاندىقتارعا اللانىڭ نۇرىن، پايعامبارىمىزدىڭ (س.ع.س.) شاپاعاتىن تىلەيمىن. وسە بەر، وركەندەي بەر، باقىتتى بول قازاق ەلى! ءاۋمين، اللاحۋ اكبار!

 

نۇرلان قاجى بايجىگىتۇلى اسانوۆ

قازاقستان مۇسىلماندارى ءدىني باسقارماسىنىڭ

وسكەمەن ايماقتىق وكىل يمامى

«اباي-اقپارات»

0 پىكىر