جۇما, 29 ناۋرىز 2024
2261 0 پىكىر 29 شىلدە, 2020 ساعات 11:00

ەڭبەك مينيسترلىگى 1,8 ملن ادامنىڭ 42 500 تەڭگە العانىن حابارلادى

كارانتين كەزىندە تابىسىنان ايرىلعاندارعا بەرىلەتىن 42 500 تەڭگە (شامامەن 100 دوللار) كولەمىندەگى قارجىلاي كومەك 1,8 ملن ادامعا بەرىلدى. بۇل تۋرالى 28 شىلدەدە بيلىك وكىلدەرى حابارلادى.

"28 شىلدە [تاڭەرتەڭگى] ساعات 9-داعى اقپارات بويىنشا، 2,2 ملن ادامنان الەۋمەتتىك ساقتاندىرۋ مەملەكەتتىك قورىنان ءبىر رەتتىك تولەم تاعايىنداۋ تۋرالى ءوتىنىش كەلىپ ءتۇستى...1,9 ملن ادامعا تولەم تاعايىندالدى. 1 ملن 820 مىڭ ازاماتقا اقشا اۋدارىلدى" دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمدەمەسىندە.

بۇعان دەيىن ۇكىمەت كارانتين شارالارى قايتا كۇشەيگەندىكتەن تابىسسىز قالعان ازاماتتارعا شىلدە ايىندا دا قارجىلاي كومەك بەرىلەتىنىن حابارلاعان ەدى. ونى جۇمىسشىلار، جەكە كاسىپكەرلەر، ءوزىن-ءوزى جۇمىسپەن قامتىعاندار، فريلانسەرلەر الا الادى. ​

ۇكىمەتتىڭ مالىمەتىنشە، 2 ملن 233 مىڭ ادامنىڭ 822,1 مىڭىنا تولەم پرواكتيۆتى فورماتتا (اۆتوماتتى تۇردە) تاعايىندالعان، 554,3 مىڭى - ەلەكتروندى ۇكىمەت پورتالى ارقىلى، 287,6 مىڭى - 42500.enbek.kz, 569,6 مىڭى ءموبيلدى قوسىمشا جانە بانك سايتتارى ارقىلى ءوتىنىش بەرگەن.

ازاماتتار كاتەگورياسى بويىنشا جىكتەسەك، 822,1 مىڭ ءوتىنىشتى بىرىڭعاي تولەم جيىنتىعىن تولەۋشىلەر تۇسىرگەن، 170,4 مىڭ جۇمىس بەرۋشى جالدامالى جۇمىسشىلارى ءۇشىن ءوتىنىش بەرگەن، 1 ملن 241 مىڭ ءوتىنىش وزگە كاتەگورياعا جاتاتىن ازاماتتاردان (جەكە كاسىپكەرلەر، ءوزىن جۇمىسپەن قامتىعاندار دا بار) كەلىپ تۇسكەن. اتاۋلى الەۋمەتتىك كومەك نەمەسە جاردەماقى، زەينەتاقى الاتىندارعا 42 500 تەڭگە تولەنبەيدى. ءوتىنىش قابىلداۋ 1 قىركۇيەككە دەيىن جالعاسادى.

5 ماۋسىمدا جاريالانعان كارانتين العاشىندا 14 كۇنگە سوزىلادى دەپ ايتىلعان ەدى، كەيىنىرەك بيلىك كارانتين شارالارىن 2 تامىزعا دەيىن سوزدى. باستاپقىدا ۇكىمەت جۇمىسىن توقتاتقان كومپانيا جۇمىسشىلارىنا مەملەكەت الەۋمەتتىك تولەم تولەمەيدى دەپ مالىمدەگەن ەدى، بىراق كەيىنىرەك تولەيتىنى بەلگىلى بولدى.

ناۋرىز بەن مامىر ايلارىندا جاريالانعان كارانتين كەزىندە دە تۇرعىندارعا 42 500 تەڭگە بەرىلگەن. ۇكىمەتتىڭ ايتۋىنشا، العاشقى ايدا - 4,5 ملن ادام، ەكىنشى ايدا 2 ملن-نان استام ادام 42,5 مىڭ تەڭگە العان.

رەسمي مالىمەت بويىنشا، ول كەزدە 42 500 تەڭگە الۋعا 8 ملن-نان استام ادام ءوتىنىش بەرگەن. سول ۋاقىتتا كەيبىر تۇرعىندار قۇجاتتاردى راسىمدەۋدىڭ قيىن ەكەنىنە شاعىمدانعان. مامىر ايىندا ۇكىمەت توتەنشە جاعداي كەزىندە تابىسسىز قالىپ، قارجىلاي كومەك الماعانداردىڭ ءوتىنىشى قايتا قارالادى دەپ ايتىپ، جەرگىلىكتى شتابتارعا قۇجاتپەن بارۋعا كەڭەس بەرگەن. كەيبىر ازاماتتار مەملەكەت بەرگەن قارجىلاي كومەك - 42 500 تەڭگەنىڭ ماردىمسىز ەكەنىن ايتقان.

دەنساۋلىق ساقتاۋ ءمينيسترى 28 شىلدە كۇنگى ۇكىمەت وتىرىسىندا مەملەكەتتىك كوميسسيادان 3 تامىزدان باستاپ ءىرى ساۋدا ورىندارى مەن قىزمەت كورسەتۋ ورىندارىنا جۇمىس ىستەۋگە رۇقسات بەرۋدى سۇراعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618