دۇيسەنبى, 18 قازان 2021
جاڭالىقتار 2737 0 پىكىر 5 جەلتوقسان, 2011 ساعات 15:49

«قۇجاتتارداعى «شاڭىراق» شىندىعى» اتتى كىتاپ باسىپ شىعارىلادى

الماتى. 5 جەلتوقسان. قازتاگ - جۇلدىز ءابدىلدا. «شاڭىراق» رەسپۋبليكالىق قوعامدىق بىرلەستىگىنىڭ جەتەكشىسى اسىلبەك قوجاحمەتوۆ «شاڭىراق» شىندىعىن قۇجات جۇزىندە كورسەتەتىن كىتاپ شىعارامىز دەپ ءمالىم ەتتى. كىتاپتىڭ اتى ازىرشە «قۇجاتتارداعى «شاڭىراق» شىندىعى» دەپ اتالماقشى.

وزدەرىڭىز بىلەتىندەي، 2006 جىلى 14 شىلدە كۇنى الماتىنىڭ ىرگەسىندەگى «شاڭىراق» ىقشاماۋدانىندا پوليتسيا مەن قاراپايىم حالىقتىڭ اراسىندا قاقتىعىس بولدى. «شاڭىراقتاعى» زاڭسىز سالىنعان ۇيلەردى بۇزۋ ءۇشىن سوت ورىنداۋشىلارى پوليتسيانىڭ كومەگىنە جۇگىندى. بۇل ىسكە ەكى مىڭعا جۋىق پوليتسيا قىزمەتكەرى، ىشكى ىستەر دەپارتامەنتىنىڭ ارنايى جاساعى جۇمىلدىرىلدى. وسى وقيعانىڭ كەزىندە بوستاندىق اۋداندىق ىشكى ىستەر دەپارتامەنتىنىڭ قىزمەتكەرى، تەرگەۋشى اسەت بەيسەنوۆتىڭ ۇستىنە بەلگىسىز بىرەۋلەر جانارماي قۇيىپ، وت قويىپ جىبەردى. ءۇشىنشى، ءتورتىنشى دارەجەلى كۇيىك العان اسەت بەيسەنوۆ ەكى اپتاداي اۋرۋحانادا جاتىپ، كوز جۇمدى.

وقيعا بولعان كۇننەن باستاپ باس-اياعى ءبىر ايعا جۋىق ۋاقىتتىڭ ىشىندە جۇزدەن استام ادام قامالىپ، سۇراققا الىندى. سولاردىڭ ىشىندە 25-ءىنىڭ ۇستىنەن قىلمىستىق ءىس قوزعالدى. سوت پروتسەسى 8 ايعا سوزىلدى. بارلىعى 66 سوت وتىرىسى ءوتىپ، جالپى سانى 137 ادام سۇرالدى.

الماتى. 5 جەلتوقسان. قازتاگ - جۇلدىز ءابدىلدا. «شاڭىراق» رەسپۋبليكالىق قوعامدىق بىرلەستىگىنىڭ جەتەكشىسى اسىلبەك قوجاحمەتوۆ «شاڭىراق» شىندىعىن قۇجات جۇزىندە كورسەتەتىن كىتاپ شىعارامىز دەپ ءمالىم ەتتى. كىتاپتىڭ اتى ازىرشە «قۇجاتتارداعى «شاڭىراق» شىندىعى» دەپ اتالماقشى.

وزدەرىڭىز بىلەتىندەي، 2006 جىلى 14 شىلدە كۇنى الماتىنىڭ ىرگەسىندەگى «شاڭىراق» ىقشاماۋدانىندا پوليتسيا مەن قاراپايىم حالىقتىڭ اراسىندا قاقتىعىس بولدى. «شاڭىراقتاعى» زاڭسىز سالىنعان ۇيلەردى بۇزۋ ءۇشىن سوت ورىنداۋشىلارى پوليتسيانىڭ كومەگىنە جۇگىندى. بۇل ىسكە ەكى مىڭعا جۋىق پوليتسيا قىزمەتكەرى، ىشكى ىستەر دەپارتامەنتىنىڭ ارنايى جاساعى جۇمىلدىرىلدى. وسى وقيعانىڭ كەزىندە بوستاندىق اۋداندىق ىشكى ىستەر دەپارتامەنتىنىڭ قىزمەتكەرى، تەرگەۋشى اسەت بەيسەنوۆتىڭ ۇستىنە بەلگىسىز بىرەۋلەر جانارماي قۇيىپ، وت قويىپ جىبەردى. ءۇشىنشى، ءتورتىنشى دارەجەلى كۇيىك العان اسەت بەيسەنوۆ ەكى اپتاداي اۋرۋحانادا جاتىپ، كوز جۇمدى.

وقيعا بولعان كۇننەن باستاپ باس-اياعى ءبىر ايعا جۋىق ۋاقىتتىڭ ىشىندە جۇزدەن استام ادام قامالىپ، سۇراققا الىندى. سولاردىڭ ىشىندە 25-ءىنىڭ ۇستىنەن قىلمىستىق ءىس قوزعالدى. سوت پروتسەسى 8 ايعا سوزىلدى. بارلىعى 66 سوت وتىرىسى ءوتىپ، جالپى سانى 137 ادام سۇرالدى.

اقىرىندا 25-ءتىڭ بىرەۋى اقتالىپ شىعىپ، قالعان 24-ءى ءارتۇرلى دارەجەدەگى قىلمىستىق جازاعا تارتىلدى. سونىڭ ىشىندە تورتەۋى ءالى دە تۇرمەدە جازالارىن وتەپ جاتىر. ولار: 1953 جىلى تۋعان ارون ەدىگەەۆ، 1979 جىلى تۋىلعان ەرعانات تارانشيەۆ، 1976 جىلى دۇنيەگە كەلگەن قۇرمانعازى وتەگەنوۆ جانە 1983 جىلى تۋىلعان رۇستەم تۇياقوۆ.

«شاڭىراقتاعى» قاقتىعىستان بەرى بەس جىلدان استام ۋاقىت وتسە دە، ءالى كۇنگە دەيىن وعان ءدال باعا بەرىلگەن جوق. «شاڭىراق» وقيعاسىنا تاريحي ءادىل باعاسىن بەرۋ بولاشاقتىڭ ەنشىسىندەگى شارۋا بولىپ قالىپ وتىر. ال بولاشاقتا باعا بەرىلۋى ءۇشىن قۇجاتتاردىڭ ساقتالۋى ماڭىزدى. وسىنى ەسكەرىپ، «شاڭىراق» رەسپۋبليكالىق قوعامدىق بىرلەستىگىنىڭ جەتەكشىسى اسىلبەك قوجاحمەتوۆ وسى كىتاپتى باسىپ شىعارامىز دەيدى.

 

0 پىكىر